ໃນວັນທີ 10 ຕຸລາ ປີ 2019 ນີ້ຢູ່ທີ່ຫ້ອງປະຊຸມພະແນກກະສີກຳ ແລະປ່າໄມ້ແຂວງສາລະວັນໄດ້ມີພິທີມອບ-ຮັບເຄື່ອງອຸປະກອນໄອທີ ແລະເຄື່ອງມືການສຳຫຼວດໂດຍເປັນກຽດເຂົ້າຮ່ວມຂອງທ່ານ ນາງ ຄຳພຽນ ພັນທະບູລີ ຮອງຫົວໜ້າພະແນກກະສີກຳ ແລະປ່າໄມ້ແຂວງສາລະວັນ, ມີຕ່າງໜ້າຂະແໜງການທີ່ກ່ຽວຂ້ອງ, ພ້ອມດ້ວຍຫົວໜ້າຫ້ອງການກະສີກຳ ແລະປ່າໄມ້ເມືອງເຂົ້າຮ່ວມ

ທ່ານ ນາງ ພູສອນ ຊາວົງສີ ຫົວໜ້າພະແນກບໍ່ລິຫານ ແລະຈັດຕັ້ງສະຖາບັນຄົ້ນຄວ້າກະສີກຳ-ປ່າໄມ້ ແລະພັດທະນາຊົນນະບົດກໍ່ໄດ້ລາຍງານວ່າ: ເຄື່ອງທີ່ນຳມາມອບໃນຄັ້ງນີ້ມີຄອມພິວເຕີ້ແລັບທັອບ Acer Nitro AN515-54-57SF/Too ຈຳນວນ 1 ເຄື່ອງ, ຄອມພິເຕີ້ຕັ້ງໂຕະ DEEL DESKTOPXPS8930-W26795134THW10 ແລະ ຈໍ 5JGDNX2, ມີ 2 ເຄື່ອງ, ເຄື່ອງພີມ(ປິນເຕີ A3 ມີ2 ເຄື່ອງ, ເຄື່ອງ GPS 2 ເຄື່ອງ, program ArcGIS Desktop 10.6 Simgle Basic License ມີຈຳນວນ 2 ເຄື່ອງ ແລະExternal Hard Drive: Memory 4TB ມີ 3 ເຄື່ອງລວມເປັນມູນຄ່າ 128,695,000 ກີບ, ເຊີ່ງເຄື່ອງອຸປະກອນດັ່ງນີ້ແມ່ນໄດ້ຮັບການສະໜັບສະໜູນຈາກແຜນງານຄຳປະກັນສະບ່ຽງອາຫານ, ໂພຊະນາການ ແລະເຊື່ອມໂຍງການຕະຫຼາດ ( ຄສພຕ )
ຈາກນັ້ນທ່ານ ນາງ ພູສອນ ຊາວົງສີ ຫົວໜ້າພະແນກບໍ່ລິຫານ ແລະຈັດຕັ້ງສະຖາບັນຄົ້ນຄວ້າກະສີກຳ-ປ່າໄມ້ ແລະພັດທະນາຊົນນະບົດກໍ່ໄດ້ມອບອຸປະກອນດັ່ງກ່າວເປັນກຽດຮັບໂດຍທ່ານ ນາງ ຄຳພຽນ ພັນທະບູລີ ຮອງຫົວໜ້າພະແນກກະສີກຳ ແລະປ່າໄມ້ແຂວງສາລະວັນ, ພ້ອມດຽວກັນນີ້ທ່ານ ນາງ ຄຳພຽນ ພັນທະບູລີ ກໍ່ໄດ້ມອບຕໍ່ທ່ານ ສົມໃຊ ແກ້ວວົງສາ ຫົວໜ້າຫ້ອງການກະສີກຳ ແລະປ່າໄມ້ເມືອງຕະໂອ້ຍ, ເພື່ອເອົາໄປນຳໃຊ້ໃນໜ້າທີ່ວຽກງານ ແລະວິຊາເພາະຂອງຕົນໃຫ້ໄດ້ຮັບຜົນສູງ, ພ້ອມທັງປົກປັກຮັກສາເຄື່ອງດັ່ງກ່າວໃຫ້ດີ.

ພາບ-ຂ່າວ:ນັກຂ່າວສື່ມວນຊົນສາລະວັນ
MEDIALAOS