ກອງປະຊຸມໃຫຍ່ສະມາຊິກພັກ ຄັ້ງທີ I ຂອງໜ່ວຍພັກສຳມະໂນຄົວ-ກໍ່ສ້າງຮາກຖານ ແລະ ໜ່ວຍພັກພະແນກສັນຕິບານ-504 ຮາກຖານກອງບັນຊາການ ປກສ ເມືອງອຸທຸມພອນ ໄດ້ຈັດຂຶ້ນໃນວັນທີ 16 ຕຸລາ 2019 ທີ່ຜ່ານມາ ຢູ່ທີ່ສະໂມສອນກອງບັນຊາການ ປກສ ເມືອງ ໂດຍພາຍໃຕ້ການເຂົ້າຮ່ວມເປັນປະທານຂອງສະຫາຍ ຄຳເຫວີຍ ເພັງພະຈັນ ຄະນະປະຈຳພັກເມືອງ ປະທານກວດກາພັກ-ລັດເມືອງ, ສະຫາຍ ພັນໂທ ບຸນເດັດ ແສນລາດ ຮັກສາການເລຂາຄະນະພັກຮາກຖານກອງບັນຊາການ ປກສ ເມືອງ. ຈາກນີ້ກໍ່ມີບັນດາສະຫາຍ ເລຂາໜ່ວຍພັກ, ຄະນະໜ່ວຍພັກ, ແຂກຖືກເຊີນ ຕະຫຼອດຮອດສະມາຊິກພັກສົມບູນ ແລະ ສຳຮອງຂອງໜ່ວຍພັກດັ່ງກ່າວເຂົ້າຮ່ວມ.

ໃນກອງປະຊຸມຄັ້ງນີ້ ບັນດາຜູ້ແທນສົມບູນໄດ້ເປັນເອກະພາບກັນພິຈາລະນາ ແລະ ຮັບຮອງເອົາ ບົດລາຍງານການເມືອງ, ບົດສຳຫຼວດການນຳພາຂອງຄະນະໜ່ວຍພັກ, ພ້ອມທັງປ່ອນບັດເລືອກເອົາຄະນະໜ່ວຍ ພັກຊຸດໃໝ່ດ້ວຍສິດປະຊາທິປະໄຕ ແລະ ພິຈາລະນາຮັບຮອງເອົາມະຕິຂອງກອງປະຊຸມໃຫຍ່ຢ່າງເປັນເອກະສັນ.
ສຳລັບຜົນຂອງການປ່ອນບັດເລືອກຕັ້ງ ເອົາຄະນະໜ່ວຍພັກຊຸດໃໝ່ ຂອງໜ່ວຍພັກສຳມະໂນຄົວ-ກໍ່ສ້າງຮາກຖານ ຮາກຖານພັກກອງບັນຊາການ ປກສ ເມືອງອຸທຸມພອນ ໄດ້ເຫັນດີຕົກລົງຮັບຮອງເອົາສະຫາຍ ພັນໂທ ສຸວັນນີ ໄຊຍະເສນ ເປັນເລຂາໜ່ວຍພັກ, ເຫັນດີຕົກລົງຮັບຮອງເອົາສະຫາຍ ພັນຕີ ນວນແພງ ແສນທະວົງ ເປັນຮອງເລຂາ ທັງເປັນປະທານກວດກາໜ່ວຍພັກ, ເຫັນດີຕົກລົງຮັບຮອງເອົາສະຫາຍ ພັນຕີ ວັນຄຳ ເຄັດທະຍົນ ເປັນກຳມະການ ແລະ ເຫັນດີຕົກລົງເລືອກເອົາສະຫາຍ ພັນຕີ ນາງດາວວີພອນ ມະນີບົດ ເປັນຮອງປະທານກວດກາໜ່ວຍພັກ. ສ່ວນທາງດ້ານໜ່ວຍພັກພະແນກສັນຕິບານ-504 ຮາກຖານກອງບັນຊາການ ປກສ ເມືອງອຸທຸມພອນ ໄດ້ເຫັນດີຕົກລົງຮັບຮອງເອົາສະຫາຍ ພັນໂທ ສຸກສຳລານ ໝື່ນແກ້ວມຸງຄຸນ ເປັນເລຂາໜ່ວຍພັກ, ເຫັນດີຕົກລົງຮັບຮອງເອົາສະຫາຍ ພັນໂທ ຍອຍ ວົງໄຊຍະລາດ ເປັນຮອງເລຂາ ທັງເປັນປະທານກວດກາໜ່ວຍພັກ, ເຫັນດີຕົກລົງຮັບຮອງເອົາສະຫາຍ ຮ້ອຍເອກ ສີພາ ຈັນທະລາວົງ ເປັນກຳມະການ ແລະ ເຫັນດີຕົກລົງເລືອກເອົາສະຫາຍ ພັນຕີ ຈຳປາທອງ ອິນທະວົງສາ ເປັນຮອງປະທານກວດກາໜ່ວຍພັກ.

ໂອກາດນີ້ ສະຫາຍ ຄຳເຫວີຍ ເພັງພະຈັນ ຄະນະປະຈຳພັກເມືອງ ປະທານກວດກາພັກ-ລັດເມືອງ ກໍ່ໄດ້ໃຫ້ກຽດມີຄຳເຫັນໂອ້ລົມ ເຊິ່ງສະຫາຍໄດ້ເນັ້ນໃຫ້ບັນດາສະມາຊິກພັກຕ້ອງເປັນເຈົ້າການໃນການປະຕິບັດແນວທາງ, ນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ, ລັດຖະທຳມະນູນ ແລະ ກົດໝາຍຂອງລັດ, ປະກອບສ່ວນເຂົ້າໃນການກໍ່ສ້າງ, ບູລະນະແນວທາງ, ແຜນນະໂຍບາຍຂອງພັກ ແລະ ເຮັດສຳເລັດໜ້າທີ່ທີ່ພັກມອບ ໝາຍໃຫ້.

ນັກຂ່າວເມືອງອຸຸທຸມພອນ ພອນປະເສີດ ແຜນພັກດີ
Medialaos