ຕາມການລາຍງານຂອງສະຫາຍ ພັນໂທ ພຸດທະວົງ ອິນທິສານ ເລຂາໜ່ວຍພັກ ຕໍ່ກອງປະຊຸມໃຫຍ່ສະມາ ຊິກພັກ ຄັ້ງທີ I ຄະນະໜ່ວຍພັກຫ້ອງການ-ຈັດຕັ້ງ-ພະລາທິການ ຮາກຖານກອງບັນຊາການ ປກສ ເມືອງອຸທຸມ ພອນ ໄດ້ໃຫ້ຮູ້ວ່າ: ໃນໄລຍະ 5 ປີທີ່ຜ່ານມາ (2014-2018) ຄະນະໜ່ວຍພັກໄດ້ເອົາໃຈໃສ່ຊີ້ນຳໆພາແຕ່ລະຂົງ ເຂດປະຕິບັດວຽກງານ ຕາມພາລະບົດບາດຂອງຕົນ ເປັນຕົ້ນ ວຽກງານຫ້ອງການ ໄດ້ເກັບກຳສະພາບການຕ່າງໆ ພາຍໃນ-ພາຍນອກ ເພື່ອສ້າງເປັນບົດສະຫຼຸບ-ບົດລາຍງານໃຫ້ສາຍຕັ້ງ-ສາຍຂວາງ ຢ່າງທ່ວງທັນ, ເອົາໃຈໃສ່ ໃນສຳນວນ-ສຳເນົາເອກະສານຕ່າງໆ ບໍ່ໃຫ້ຕົກເຮ່ຍເສຍຫາຍ ແລະ ພ້ອມທັງຈັດຕັ້ງປະຕິບັດວຽກງານປ້ອງກັນ ວັນສຳຄັນຕ່າງໆໄດ້ຢ່າງປອດໄພ, ດ້ານວຽກງານຈັດຕັ້ງ ໄດ້ເຄື່ອນໄຫວຕິດຕາມ-ກວດກາການປະຕິບັດວຽກງານ ກໍ່ຄື ການປະຕິບັດກົດລະບຽບຂອງກົມກອງ ໃຫ້ເຫັນໄດ້ພະນັກງານດີເດັ່ນ ເພື່ອນຳສະເໜີຍ້ອງຍໍ-ເລື່ອນຊັ້ນ, ສ່ວນຜູ້ທີ່ມີ ບັນຫາຄົງຄ້າງ ກໍ່ນຳມາສຶກສາອົບຮົມ ຈາກນີ້ກໍ່ໄດ້ປະຕິບັດນະໂຍບາຍຕໍ່ພະນັກງານຜູ້ທີ່ເຈັບເປັນ, ເສຍຊີວິດ, ໄປຍົກລະດັບ ແລະ ອື່ນໆ ຕາມລະບຽບການໄດ້ຢ່າງຖືກຕ້ອງ, ສ່ວນວຽກງານພະລາທິການ ກໍ່ໄດ້ເຄື່ອນໄຫວ ວຽກງານບໍລິຫານປິ່ນອ້ອມ ພາຍໃນກົມກອງຢ່າງເປັນປົກກະຕິ ເຊັ່ນ:

ໄດ້ຂຶ້ນແຜນງົບປະມານເງິນ ແລະ ວັດຖຸອຸປະກອນ ແຕ່ລະຮ່ວງນຳແຂວງໄດ້ຢ່າງທ່ວງທັນ, ຄຸ້ມພາຫະນະ, ອາວຸດເສິກ ແລະ ອື່ນໆໄດ້ເປັນຢ່າງດີ. ນອກຈາກນີ້ ຄະນະໜ່ວຍພັກພວກເຮົາ ຍັງຖືເອົາວຽກງານກໍ່ສ້າງຂະຫຍາຍພັກເປັນບັນຫາສຳຄັນ ໂດຍປະຕິບັດຕາມ 5 ຫຼັກການ, 3 ທິດນຳຂອງພັກ, ສ້າງໃຫ້ສະມາຊິກພັກແຕ່ລະສະຫາຍເປັນແບບຢ່າງແກ່ມະຫາຊົນ, ສ້າງມະຫາຊົນກ່າວໜ້າຂະຫຍາຍເຂົ້າພັກໄດ້ 3 ສະຫາຍ, ຍິງ 2 ສະຫາຍ, ເອົາໃຈໃສ່ຕິດຕາມສະມາຊິກພັກສຳຮອງ ເລື່ອນເປັນສະມາຊິກພັກສົມບູນໄດ້ 5 ສະຫາຍ, ຍິງ 4 ສະຫາຍ ແລະ ຢູ່ໃນໄລຍະຮຽນສະໜັບສະໜູນມີ 3 ສະຫາຍ. ປະຈຸບັນໜ່ວຍພັກຫ້ອງການ-ຈັດຕັ້ງ-ພະລາທິການ ຮາກຖານກອງບັນຊາການ ປກສ ເມືອງອຸທຸມພອນ ມີສະມາຊິກພັກທັງໝົດ 19 ສະຫາຍ, ຍິງ 11 ສະຫາຍ, ສຳຮອງ 2 ສະຫາຍ, ຍິງ 1 ສະຫາຍ. ເຊິ່ງກອງປະຊຸມໃຫຍ່ສະມາຊິກພັກ ຄັ້ງທີ I ຄະນະໜ່ວຍພັກຫ້ອງການ-ຈັດຕັ້ງ-ພະລາທິການ ຮາກຖານກອງບັນຊາການ ປກສ ເມືອງອຸທຸມພອນ ຄັ້ງນີ້ ບັນດາຜູ້ແທນກອງປະຊຸມ ຍັງໄດ້ເປັນເອກະພາບກັນໃຊ້ສິດປະຊາທິປະໄຕອັນເຕັມ ສ່ວນ ເພື່ອປ່ອນບັດເລືອກຕັ້ງເອົາຄະນະພັກຮາກຖານຊຸດໃໝ່ ບົນພື້ນຖານຖືກຕ້ອງສອດຄ່ອງກັບມາດຖານ ເງື່ອນໄຂທີ່ກຳນົດ ເຊິ່ງມີຜູ້ສະໝັກທັງໝົດ 5 ສະຫາຍ, ຍິງ 2 ສະຫາຍ. ຜ່ານການປ່ອນບັດລົງຄະແນນສຽງ ແລະ ຜ່ານກອງປະຊຸມຄັ້ງປະຖົມມະເລິກ ໄດ້ເຫັນດີຕົກລົງຮັບຮອງເອົາສະຫາຍ ພັນໂທ ພຸດທະວົງ ອິນທິສານ ເປັນເລຂາ ໜ່ວຍພັກ, ເຫັນດີຕົກລົງຮັບຮອງເອົາສະຫາຍ ພັນໂທ ນາງຄຳຜົງ ໄຊຍະມະຫາເທບ ເປັນຮອງເລຂາ ແລະ ເຫັນດີ ຕົກລົງຮັບຮອງເອົາສະຫາຍ ພັນຕີ ນາງວາດສະໜາ ເດດວົງສາ ເປັນກຳມະການ. ນອກນັ້ນກອງປະຊຸມຍັງໄດ້ເຫັນດີ ຕົກລົງເລືອກເອົາສະຫາຍ ນາງຄຳຜົງ ໄຊຍະມະຫາເທບ ເປັນປະທານກວດກາໜ່ວຍພັກ ແລະ ເຫັນດີຕົກລົງເລືອກເອົາສະຫາຍ ພັນໂທ ຄຳມີ ຍົມມະໄລສີ ເປັນຮອງປະທານ.
ເຊິ່ງກອງປະຊຸມແມ່ນໄດ້ຈັດຂຶ້ນໃນຕອນເຊົ້າຂອງວັນທີ 15 ຕຸລາ 2019 ທີ່ຜ່ານມາ ຢູ່ທີ່ສະໂມສອນ ກອງບັນຊາການ ປກສ ເມືອງ ໂດຍພາຍໃຕ້ການເຂົ້າຮ່ວມຂອງສະຫາຍ ໂພໄຊ ອິນທະວົງສາ ຄະນະປະຈຳພັກເມືອງ ຮອງເຈົ້າເມືອງໆ ອຸທຸມພອນ, ສະຫາຍ ຄຳເຫວີຍ ເພັງພະຈັນ ປະທານກວດກາພັກ-ລັດເມືອງ, ສະຫາຍ ພັນໂທ ບຸນເດັດ ແສນລາດ ຮັກສາການເລຂາຄະນະພັກຮາກຖານກອງບັນຊາການ ປກສ ເມືອງ. ຈາກນີ້ ກໍ່ມີບັນດາສະຫາຍ ເລຂາໜ່ວຍພັກ, ຄະນະໜ່ວຍພັກ, ແຂກຖືກເຊີນ ຕະຫຼອດຮອດສະມາຊີກພັກຂອງໜ່ວຍພັກດັ່ງກ່າວເຂົ້າຮ່ວມ.
ຂ່າວແຈ້ງຕື່ມວ່າ: ໃນຕອນບ່າຍຂອງວັນດ່ຽວກັນ ຢູ່ທີ່ສະໂມສອນດັ່ງກ່າວ ຍັງໄດ້ຈັດໃຫ້ມີກອງປະຊຸມ ໃຫຍ່ສະມາຊິກພັກ ຄັ້ງທີ I ຂອງຄະນະໜ່ວຍພັກຄະດີອາຍາ-ຢາເສບຕິດ ຮາກຖານກອງບັນຊາການ ປກສ ເມືອງອຸທຸມພອນ ຂຶ້ນໂດຍພາຍໃຕ້ການເຂົ້າຮ່ວມເປັນປະທານຂອງສະຫາຍ ໂພໄຊ ອິນທະວົງສາ ຄະນະປະຈຳພັກເມືອງ ຮອງເຈົ້າເມືອງໆ ອຸທຸມພອນ.
ເຊິ່ງກອງປະຊຸມໃຫຍ່ສະມາຊິກພັກ ຄັ້ງທີ I ຄະນະໜ່ວຍພັກຄະດີອາຍາ-ຢາເສບຕິດ ຮາກຖານກອງບັນຊາການ ປກສ ເມືອງອຸທຸມພອນ ຄັ້ງນີ້ ບັນດາຜູ້ແທນກອງປະຊຸມແມ່ນໄດ້ເຫັນດີຕົກລົງຮັບຮອງເອົາສະຫາຍ ພັນໂທ ສວນ ໄຊຍະລິນ ເປັນເລຂາ ໜ່ວຍພັກອີກສະໄໝ, ເຫັນດີຕົກລົງຮັບຮອງເອົາສະຫາຍ ພັນໂທ ຈັນລະຄອນ ໄຊຍະຄຳ ເປັນຮອງເລຂາ ແລະ ເຫັນດີຕົກລົງຮັບຮອງເອົາສະຫາຍ ຮ້ອຍເອກ ສີທົນ ທຳມະລາວັນ ເປັນກຳມະການ. ນອກນັ້ນກອງປະຊຸມຍັງໄດ້ເຫັນດີຕົກລົງເລືອກເອົາສະຫາຍ ພັນໂທ ຈັນລະຄອນ ໄຊຍະຄຳ ເປັນປະທານກວດກາໜ່ວຍພັກ ແລະ ເຫັນດີຕົກລົງເລືອກເອົາສະຫາຍ ຮ້ອຍເອກ ໂຕ ສຸລິຍະ ເປັນຮອງປະທານ.
ໂອກາດເຂົ້າຮ່ວມ ສະຫາຍ ໂພໄຊ ອິນທະວົງສາ ກໍ່ໄດ້ໃຫ້ກຽດມີຄຳເຫັນໂອ້ລົມ ເຊິ່ງສະຫາຍໄດ້ເນັ້ນໃຫ້ ບັນດາສະມາຊິກພັກຕ້ອງເອົາໃຈໃສປະຕິບັດລະບຽບຂອງພັກ, ປະຕິບັດບັນດາແຈ້ງການ ແລະ ຄຳສັ່ງຂອງຂັ້ນເທິງໃນແຕ່ລະຂັ້ນຢ່າງເຂັ້ມງວດ, ເປັນແບບຢ່າງໃຫ້ແກ່ມະຫາຊົນ ແລະ ພະນັກງານນັກຮົບ, ເພີ່ມທະວີການນໍາພາຂອງ ພັກໃຫ້ເຂັ້ມແຂງ ແລະ ເອົາໃຈໃສ່ປະຕິບັດໜ້າທີ່ຕາມພາລະບົດບາດວິຊາສະເພາະຂອງຕົນຢ່າງສຸດຄວາມສາມາດ.

ນັກຂ່າວເມືອງອຸຸທຸມພອນ
ພອນປະເສີດ ແຜນພັກດີ
Medialaos