ວັນທີ 16 ຕຸລານີ້, ຢູ່ລັດວິສາຫະກິດນໍ້າປະປາແຂວງສາລະວັນ ໄດ້ມີພິທີເຊັນສັນຍາການຊໍາລະຄ່າບໍລິການນ້ຳປະປາດ້ວຍລະບົບທະນາຄານ ທສກ ແຂວງ, ລົງນາມໂດຍ: ທ່ານ ບັນດິດ ວົງໄຊ ຫົວໜ້າທະນາຄານສົ່ງເສີມກະສິກຳ ສາຂາແຂວງສາລະວັນ ແລະ ທ່ານ ຄຳມະນີ ເຫຼົາຄຳ ຜູ້ອຳນວຍການລັດວິສາຫະກິດນໍ້າປະປາແຂວງ, ໂດຍຊ້ອງໜ້າ ທ່ານ ບຸນຖຽນ ພົມມະວົງສີ ຮອງຫົວໜ້າພະແນກໂຍທາທິການ ແລະ ຂົນສົ່ງແຂວງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂິພິຍານ.

ໂດຍເຮັດໃຫ້ການບໍລິການແກ່ລູກຄ້າ ມີຄວາມສະດວກສະບາຍ ໃນການຊຳລະຄ່ານ້ຳປະປາ ແລະ ເພື່ອຕິດຕາມການຊຳລະໃນແຕ່ລະຄັ້ງໄດ້ສະດວກ, ງ່າຍຂຶ້ນ. ຕາມການເຫັນດີ ແລະ ເປັນເອກະພາບລະຫວ່າງລັດວິສາຫະກິດນ້ຳປະປາແຂວງ ກັບ ທະນາຄານສົ່ງເສີມກະສິກຳແຂວງ ທີ່ໄດ້ມີການປຶກສາຫາລືຮ່ວມກັນ ເພີ່ມຊ່ອງທາງທີ່ສະດວກສະບາຍໃຫ້ແກ່ລູກຄ້າທີ່ຕ້ອງການຊໍາລະຄ່ານໍ້າປະປາດ້ວຍເງິນສົດ ແລະ ການເງິນໂອນດ້ວຍຫຼາຍຊ່ອງທາງ ຜ່ານລະບົບ ທສກ.

ໂດຍ: ທິດລານີ ໂຄດໂຍທາ.
Medialaos