ໃນວັນທີ 17 ຕຸລາ 2019 ນີ້ ກອງບັນຊາການທະຫານແຂວງສະຫວັນະເຂດ,ໄດ້ຈັດພິທີມອບເງິນນະໂຍບາຍຊ່ວຍເຫຼືອໃຫ້ພະນັກງານທີ່ກຽມພັກຜ່ອນຮັບບຳນານຈຳນວນ 9 ຄົນ ຈຳນວນເງິນ 18 000.000 ກີບ ແລະ ເງິນນະໂຍບາຍຄອບຄົວພະນັກງານທີ່ເສຍຊິວິດຈໍານວນ 5 ສະຫາຍ ລວມເງິນທັງໝົດ 12.000.000 ກີບ ໂດຍການເຂົ້າຮ່ວມເປັນປະທານ,ຂອງທ່ານ ພົນຈັດຕະວາ ຈະເລີນ ວົງວິໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ ພ້ອມດ້ວຍຄະນະພັກ-ຄະນະບັນຊາກອງບັນຊາການທະຫານແຂວງ,ພະແນກການທີ່ກ່ຽວຂ້ອງ ພະນັກງານບຳນານ ແລະ ຄອບຄົວພະນັກງານທີ່ເສຍຊິວິດເຂົ້າຮ່ວມ.

ໃນພິທີ ສະຫາຍ ພັນໂທ ແສງສຸລິວັນ ພິທັກສູນທອນ ຫົວໜ້າພະແນກນະໂຍບາຍທະຫານແຂວງໄດ້ຂື້ນຜ່ານຂໍ້ຕົກລົງຂອງກອງບັນຊາການທະຫານແຂວງວ່າດ້ວຍການມອບເງິນນະໂຍບາຍໃຫ້ພະນັກງານຢູ່ກອງບັນຊາການທະຫານແຂວງສະຫວັນະເຂດທີ່ກຽມພັກການຮັບບຳນານ ແລະ ຄອບຄົວພະນັກງານທີ່ເສຍຊິວິດຈຳນວນ 5 ຄອບຄົວ ໃນໂອກາດດັ່ງກ່າວນີ້ ທ່ານ ພົນຈັດຕະວາ ຈະເລີນ ວົງວິໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ,ກໍ່ໄດ້ມີຄໍາເຫັນໂອ້ລົມຕໍ່ພະນັກງານທີ່ກຽມພັກຜ່ອນຮັບບຳນານ ແລະ ຄອບຄົວພະນັກງານທີ່ເສຍຊິວິດ ເຊິ່ງທ່ານໄດ້ສະແດງຄຳຍ້ອງຍໍຊົມເຊີຍຕໍ່ຜົນງານຄຸນງານຄວາມດີ, ສະຕິປັນຍາ ແລະ ເຫື່ອແຮງທີ່ບັນດາສະຫາຍໄດ້ປະກອບສ່ວນໃຫ້ແກ່ການປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະຜ່ານມາ ພ້ອມທັງສະແດງຄວາມເຊື່ອໜັ້ນວ່າພາຍຫູັງພັກຜ່ອນບຳນານແລ້ວແຕ່ລະສະຫາຍຈະຕ້ອງໄດ້ສືບຕໍ່ປະກອບສ່ວນຊ່ວຍເຫຼືອອຳນາດການປົກຄອງກໍ່ຄືຊ່ວຍເຫຼືອສືກສາອົບຮົມລູກຫຼານ ແລະ ພໍ່ແມ່ປະຊາຊົນໃຫ້ປະຕິບັດລະບຽບກົດໝາຍບ້ານເມືອງ ເພື່ອໃຫ້ເຂົາເຈົ້າກາຍເປັນຄົນດີຂອງສັງຄົມ ແລະ ເປັນກຳລັງແຮງອັນສຳຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງຂື້ນໄປຢ່າງບໍ່ຢຸດຢັ້ງ

ພາບ – ຂ່າວ ພານິດ ພິລາວົງ
Medialaos