ຄະນະຮັບຜິດຊອບໂຄງການພັດທະນາຕົວເມືອງ ພະແນກ ຍທຂ ແຂວງສະຫວັນນະເຂດ ມອບເຄື່ອງໃຊ້ຫ້ອງການ ໃຫ້ຫ້ອງວ່າການເມືອງອຸທຸມພອນ

0
220

ເພື່ອເປັນການປະກອບສ່ວນເຂົ້າໃນວຽກງານການຈັດຕັ້ງຂອງພັກ-ລັດ ໃຫ້ມີຄວາມເຂັ້ມແຂງ ມີປະສິດທິພາບສູງ ດັ່ງນັ້ນໃນຕອນບ່າຍວັນທີ 16 ຕຸລາ 2019ນີ້ ຢູ່ທີ່ຫ້ອງປະຊຸມຫ້ອງວ່າການເມືອງອຸທຸມພອນ ທາງຄະນະຄະນະຮັບຜິດຊອບໂຄງການພັດທະນາຕົວເມືອງຕາມແລວທາງ ເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ ພະແນກ ໂຍທາທິການ ແລະ ຂົນສົ່ງແຂວງສະຫວັນນະເຂດ ນຳໂດຍທ່ານຫົວໜ້າໂຄງການ ໄດ້ນຳເອົາເຄື່ອງໃຊ້ຫ້ອງການເຊິ່ງປະກອບມີ: ເຄື່ອງຄອມພິວເຕີ້ຕັ້ງໂຕະ ຈຳນວນ 02 ຊຸດ ແລະ ເຄື່ອງປີ້ນເຕີ້ A4 ຈໍານວນ 01 ເຄື່ອງ ມອບໃຫ້ກັບຫ້ອງວ່າການເມືອງອຸທຸມພອນ ນຳໃຊ້ເຂົ້າໃນວຽກງານຕາມຄວາມເໝາະສົມ.

ໂອກາດນີ້ ທ່ານ ປະສົງສິນ ຈະເລີນສຸກ ເຈົ້າເມືອງໆອຸທຸມພອນ ກໍ່ໄດ້ຕາງໜ້າຫ້ອງວ່າການເມືອງອຸທຸມພອນ ກ່າວຄຳຂອບໃຈຕໍ່ໂຄງການພັດທະນາຕົວເມືອງຕາມແລວທາງ ເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ ພະແນກ ຍທຂ ແຂວງສະຫວັນນະເຂດ ທີ່ໄດ້ນຳເອົາເຄື່ອງຮັບໃຊ້ຫ້ອງການ ມາມອບໃຫ້ກັບຫ້ອງວ່າການເມືອງອຸທຸມພອນ ນຳໃຊ້ເຂົ້າໃນວຽກງານຕ່າງໆ ແລະ ເຊື່ຶອໝັ້ນວ່າ ທາງຫ້ອງວ່າການເມືອງອຸທຸມພອນ ຈະນຳໃຊ້ເຄື່ອງດັ່ງກ່າວນີ້ເຂົ້າໃນວຽກງານການຈັດຕັ້ງຂອງພັກ-ລັດ ໃຫ້ປະກົດຜົນເປັນຈິງ ຕາມເຈດຈຳລົງຂອງ ໂຄງການທີ່ໃຫ້ການຊ່ວຍເຫຼືອ.

ຂ່າວ: ພອນປະເສີດ ແຜນພັກດີ
Medialaos