ອາດສະພອນ ປະຖະກະຖາ 3 ວັນສຳຄັນຂອງຊາດ

0
134

ໃນວັນທີ 17 ຕຸລາ 2019 ນີ້ ຢູ່ທີ່ສະໂມສອນ ເມືອງອາດສະພອນ ແຂວງສະຫວັນນະເຂດ ໄດ້ຈັດພິປີປະຖະກະຖາ 3 ວັນສຳຄັນຄື: ວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວ ຄົບຮອບ 17 ປີ(09/09/2002-09/09/2019), ວັນປະກາດເອກະລາດ ຄົບຮອບ 74 ປີ(12/10/1945-12/10/2019) ແລະ ວັນຜູ້ອາຍຸສູງ ຄົບຮອບ 20 ປີ(01/10/1999-01/10/2019) ໂດຍການເຂົ້າຮ່ວມ ແລະໃຫ້ກຽດປະຖະຖາຂອງ ທ່ານ ບົວລີ ຈັນສີ ຮອງເລຂາພັກເມືອງ ປະທານແນວລາວສ້າງຊາດເມືອງອາດສະພອນ, ມີບັນດາທ່ານຫົວໜ້າຫ້ອງການ, ພະນັກງານອາວຸໂສ-ບຳນານ, ສະມາຊິກພັກ-ພະນັກງານລັດຖະກອນເຂົ້າຮ່ວມທັງໝົດ 117 ຄົນ, ຍິງ 53 ຄົນ.
ໃນພິທີ ທ່ານ ສົມສະໜຸກ ເສດຖາວົງ ຫົວໜ້າຫ້ອງການຍຸດຕິທຳເມືອງ ກໍ່ໄດ້ເຜີຍຍແຜ່ກົດໝາຍວ່າດ້ວຍ ສະຫະພັນນັກຮົບເກົ່າລາວ ສະບັບເລກທີ 42/ສພຊ ລົງວັນທີ 13 ມິຖຸນາ 2018;

ຈາກນັ້ນ, ທ່ານ ບົວລີ ຈັນສີກໍ່ໃຫ້ກຽດ ເຜີຍແຜ່ເອກະສານປາຖະກະຖາ 17 ປີ ແຫ່ງການສ້າງຕັ້ງ, ພັດທະນາ ແລະ ເຕີບໃຫຍ່ຂະຫຍາຍຕົວຂອງ ສະຫະພັນນັກຮົບເກົ່າແຫ່ງຊາດລາວ (ສນລ) ຊຶ່ງມີເນື້ອໃນບາງຕອນວ່າ: ວັນທີ 9 ກັນຍາ 2002 ແມ່ນວັນສ້າງຕັ້ງ ສະຫະພັນນັກຮົບເກົ່າ ແຫ່ງຊາດລາວ, ເປັນວັນປະຫວັດສາດສຳຄັນຂອງຊາດຂອງພັກ ແລະ ຂອງນັກຮົບເກົ່າແຫ່ງຊາດລາວ, ບົນເສັ້ນທາງແຫ່ງການ ສ້າງຕັ້ງ, ສູ້ຮົບມີໄຊ ແລະ ເຕີບໃຫຍ່ຂະຫຍາຍຕົວ, ນັກຮົບເກົ່າພວກເຮົາໄດ້ຜ່ານຜ່າຄວາມຫຍຸ້ງຍາກ, ເສຍສະຫຼະນາໆປະການ, ຕໍ່ສູ້ເພື່ອຊາດ, ເພື່ອປະຊາຊົນ, ຕີຊະ ນະສັດຕູທີ່ໃຫຍ່ໂຕ, ເຂັ້ມແຂງກວ່າພວກເຮົາບໍ່ຈັກເທົ່າໃດທົບ, ສາມາດປົດປ່ອຍປະເທດຊາດ ແລ້ວສືບຕໍ່ປົກປັກຮັກສາ ແລະ ສ້າງສາປະເທດຊາດ ທີ່ສົມຊື່ວ່າ: ນັກຮົບວິລະຊົນຂອງຊາດລາວ, ວິລະຊົນຄົນລາວພິລະອາດຫານ ແລະ ທັງແມ່ນວັນກຳເນີດເກີດຂຶ້ນຂອງອົງການຈັດຕັ້ງມະຫາຊົນຂອງພັກຕື່ມອີກອົງການໜຶ່ງ ແລະ ທັງເປັນວັນປະຫວັດສາດທີ່ມີຄວາມໝາຍສຳຄັນສຳລັບຖັນ ແຖວນັກຮົບປະຕິວັດ-ນັກຮົບເກົ່າໃນປັດຈຸບັນ, ພະນັກງານ, ສະມາຊິກພັກຜູ້ສືບທອດ ກໍຄືຄົນຮຸ່ນໜຸ່ມ ທີ່ຈະໄດ້ພ້ອມກັນຫວນຄືນມູນເຊື້ອ ແລະ ຈາລືກຄຸນງາມຄວາມ ດີຂອງຄົນຮຸ່ນພໍ່ແມ່, ລຸງປ້າ, ອາວອາ, ຂອງພວກເຮົາທີ່ມີຕໍ່ປະເທດຊາດ, ຕໍ່ປະຊາຊົນລາວບັນດາເຜົ່າ.
ໂອກາດດັ່ງກ່າວ, ທ່ານ ບົວລີ ຈັນສີ ກໍ່ຍັງໄດ້ປະຖາກະຖາວັນປະກາດເອກະລາດ ຄົບຮອບ 74 ປີ(12/10/1945-12/10/2019) ແລະ ວັນຜູ້ອາຍຸສູງ ຄົບຮອບ 20 ປີ(01/10/1999-01/10/2019)ຕື່ມອີກ.

ຂ່າວ:ສົມຈິດ ແກ້ວສີຖາທິລາດ
Medialaos