ວັນທີ 17ຕຸລາ 2019 ສະຫະພັນກຳມະບານນະຄອນໄກສອນພົມວິຫານ ແຂວງສະຫວັນນະເຂດ ໄດ້ມີ ການປະກາດສ້າງຕັ້ງກຳມະບານຮາກຖານ ໂຮງຮຽນລ້ຽງເດັກ-ອະນຸບານ-ປະຖົມສຶກສາສົມເພັດ ເປັນອີກຮາກຖານໃໝ່,ໂດຍການເຂົ້າຮ່ວມເປັນປະທານ ຂອງທ່ານ ຄອນສະຫວັນ ພູທິສອນ ຮອງປະ ທານຄະນະບໍລິຫານງານສະຫະພັນກຳມະບານ ນະຄອນໄກ ສອນພົມວິຫານ,ມີທ່ານນາງ ສີສະຫວາດ ສຸກວັນທອງ ຜູ້ອຳນວຍການໂຮງຮຽນ,ບັນດາທ່ານໃນຄະນະຫົວໜ້າໜ່ວຍງານຈັດຕັ້ງໂຮງຮຽນ,ພ້ອມດ້ວຍຄູອາຈານ ແລະ ວິຊາການຈາກສະຫະພັນກຳມະບານນະຄອນເຂົ້າຮ່ວມນຳດ້ວຍ.

ພິທີແມ່ນໄດ້ມີການຜ່ານຂໍ້ຕົກລົງຂອງປະທານສະຫະພັນກຳມະບານນະຄອນໄກສອນ ວ່າດ້ວຍການອະນຸ ມັດຮັບເອົາມະຫາຊົນຜູ້ກ້າວໜ້າເຂົ້າເຄື່ອນໄຫວເປັນສະມາຊິກກຳມະ ບານ ຈຳນວນ 17 ສະຫາຍ,ຍິງ 12 ສະຫາຍ ແລະຜ່ານຂໍ້ຕົກ ລົງວ່າດ້ວຍການສ້າງຕັ້ງເອົາກຳມະບານຮາກຖານໂຮງຮຽນລ້ຽງເດັກ-ອະນຸບານ-ປະຖົມສຶກສາສົມເພັດເປັນຮາກຖານໃໝ່ ພ້ອມທັງ ໄດ້ມີການບົ່ງຕົວແຕ່ງຕັ້ງເອົາຄະນະກຳມະ ບານຮາກຖານ03ສະຫາຍ ຄື: ສະຫາຍ ນາງຂັນທະລີ ມະໂນສິງ ເປັນປະທານກຳມະບານຮາກຖານ,ສະຫາຍ ໄຊປະເສີດ ຫຼ້າບົວສອນ ເປັນຮອງປະທານ ທັງເປັນປະທານກວດກາ ແລະສະຫາຍ ນາງ ສຸລິທອນ ແກ້ວພູທອງ ເປັນຮອງປະທານ .ຕອນທ້າຍແມ່ນຍັງໄດ້ຮັບຟັງການໂອ້ລົມໃຫ້ທິດຊີ້ນຳຈາກທ່ານຮອງປະທານສະຫະພັນກຳມະບານນະຄອນ ເຊິ່ງໄດ້ເນັ້ນໃຫ້ຄະນະຮາກຖານໃໝ່ ມີການແບ່ງໜ້າທີ່ວຽກງານ ໃຫ້ບຸກ ຄົນຮັບຜິດຊອບຢ່າງຂາດຕົວ ແນໃສ່ເພື່ອເຮັດໃຫ້ຖືກຕ້ອງຕາມລະບຽບກົດໝາຍຂອງກຳມະບານລາວ ທັງໃຫ້ມີການຕິດພັນກັບວຽກງານ5ເປັນເຈົ້າຢ່າງລະອຽດຕື່ມອີກ.

ຂ່າວ-ພາບ:ວຽງສະໄໝ ຊົມຊອບ
ຜູ້ສື່ຂ່າວ:ກຳມະບານແຂວງ ສະຫວັນະເຂດ
Medialaos