ຕອນບ່າຍວັນທີ 16 ຕຸລາ 2019 ກຳມະບານຮາກຖານຄະນະພາສາ ແລະ ມະນຸດສາດ ທີ່ຂຶ້ນກັບ ສະຫະ ພັນກຳມະບານ ມະຫາວິທະຍາໄລສະຫວັນນະເຂດ (ມຂ) ໄດ້ຈັດພິທີຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກກຳມະບານ ເປັນຊຸດທີ II ໃນສົກຮຽນ2018-2019 ທີ່ຫ້ອງປະຊຸມຂອງມະຫາວິທະຍາໄລ ,ເຊິ່ງເຂົ້າຮ່ວມເປັນປະທານຄັ້ງນີ້ໂດຍທ່ານ ປະລິນຍາໂທ ທົງສະຫວັດ ລຽບວິໄຊນະວັງ ປະທານສະຫະພັນກຳມະບານມະຫາວິທະຍາໄລສະຫວັນນະເຂດ ,ບັນດາທ່ານຕ່າງໜ້າອົງການຈັດຕັ້ງມະຫາຊົນ,ຄູອາຈານຜູ້ຕ່າງໜ້າຈາກກຳມະບານຮາກຖານຕ່າງໆ,ພ້ອມດ້ວຍສະມາຊິກກຳມະບານ ທີ່ເປັນນັກສຶກສາ ທັງເກົ່າແລະ ໃໝ່ເຂົ້າຮ່ວມ ຈຳນວນ 85 ຄົນ,ຍິງ 45 ຄົນ.

ພິທີແມ່ນໄດ້ມີການຜ່ານຂໍ້ຕົກລົງຂອງເລຂາຄະນະພັກຮາກ ຖານ ແລະ ຂໍ້ຕົກລົງຂອງປະທານສະຫະພັນກຳມະບານມະຫາວິທະຍາໄລສະຫວັນນະເຂດ ວ່າດ້ວຍການອະນຸມັດຮັບເອົາມະຫາຊົນກ້າວໜ້າ ຈຳນວນ 61 ສະຫາຍ,ຍິງ 31 ສະຫາຍ ທີ່ເປັນນັກສຶກສາທັງໝົດ ເຂົ້າເຄື່ອນໄຫວໃນອົງການຈັດຕັ້ງກຳມະບານລາວຢ່າງເປັນທາງການ. ພ້ອມດຽວກັນນັ້ນຕ່າງໜ້າໃຫ້ສະມາຊິກກຳມະບານຊຸດເກົ່າ ກໍ່ຍັງໄດ້ກ່າວຮັບເອົາສະມາ ຊິກກຳມະບານຊຸດໃໝ່ ແລະ ຂຶ້ນກ່າວຄຳປະຕິຍານຕົນຕໍ່ໜ້າຮູບຫຼໍ່ປະທານໄກສອນພົມວິຫານ ເພື່ອສະ ແດງເຖິງຄວາມຮູ້ບຸນຄຸນຕໍ່ຜູ້ນຳພັກ-ລັດ ກໍ່ຄືຕໍ່ກັບອົງການຈັດຕັ້ງມະຫາຊົນ ເຊິ່ງພ້ອມແລ້ວທີ່ຈະນຳເອົາແບບຢ່າງ,ແບບແຜນໄປຈັດຕັ້ງປະຕິບັດຝຶກຝົນຫຼໍຫຼອມຕົນເອງໃຫ້ເກັ່ງ ທັງມີຄຸນສົມບັດ,ສິນທຳປະຕິວັດ ມີຄວາມຮູ້,ຄວາມສາມາດໃນທຸກດ້ານ ທີ່ການຈັດຕັ້ງໄດ້ມອບໝາຍໃຫ້. ຕອນທ້າຍກໍ່ຍັງໄດ້ຮັບຟັງການໂອ້ລົມໃຫ້ຄຳໂອວາດ ຈາກທ່ານປະທານສະຫະພັນກຳມະບານມະຫາວິທະຍາໄລສະຫວັນນະເຂດຕື່ມອີກ.

ຂ່າວແລະພາບ: ວຽງສະໄໝ ຊົມຊອບ
ຜູ້ສື່ຂ່າວ :ສະຫະພັນກຳມະບານແຂວງ ສະຫວັນນະເຂດ
Medialaos