ຕອນເຊົ້າວັນທີ 16 ຕຸລາ 2019 ທີ່ຫ້ອງປະຊຸມຂອງເມືອງວິລະບູລີ ສະຫະ ພັນກຳມະບານແຂວງສະຫວັນນະເຂດ ໄດ້ຈັດພິທີເຜີຍແຜ່ມະຕິກອງປະຊຸມວິສາມັນ 06 ເດືອນ ຕົ້ນປີ 2019ໂດຍການ ໃຫ້ກຽດເປັນປະທານຂອງ ທ່ານ ບຸນລ້ຽງ ຈັນວັນເພັງ ປະທານຄະນະບໍລິຫານງານສະຫະພັນກຳມະບານແຂວງ ພ້ອມມີບັນດາທ່ານຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການອ້ອມຂ້າງເມືອງ,ປະທານ-ຮອງປະທານຮາກຖານ ແລ ະສະມາຊິກກຳມະບານເຂົ້າຮ່ວມທັງ ໝົດ 86 ຄົນ,ຍິງ 35 ຄົນ.

ໃນພິທີດັ່ງກ່າວຍັງໄດ້ຮັບຟັງການລາຍງານບົດສະຫຼຸບການຈັດຕັ້ງປະຕິບັດວຽກງານກຳມະບານຮອບດ້ານຈາກທ່ານ ໄພມະນີ ໄຊວົງຄຳ ກຳມະການພັກເມືອງ,ປະທານສະຫະ ພັນກຳມະບານເມືອງວິລະບູລີ ໂດຍຫຼັງຈາກນັ້ນທ່ານ ປະທານສະຫະພັນກຳມະບານແຂວງກໍ່ໄດ້ໃຫ້ກຽດ ຂຶ້ນຜ່ານມະຕິກອງປະຊຸມຄົບຄະນະແລະໄດ້ມີການແລະປ່ຽນຄຳຄິດເຫັນກ່ຽວກັບນະໂຍບາຍຂອງວຽກງານ ກອງທຶນ ກຊທ ເຊັ່ນ: ເຈັບເປັນ, ນອນໂຮງໝໍ,ຜ່າຕັດ,ເກີດລູກ, ອັກຄີໄພ ແລະ ເສຍຊີວິດ ໃຫ້ມີຄວາມເປັນເອກະພາບກັນ ພາຍໃນສະມາຊິກກຳມະບານທົ່ວເມືອງ ທັງນີ້ກໍ່ເພື່ອເປັນການສັງລວມເອົາເນື້ອໃນຈິດໃຈຂອງສະມາຊິກກຳມະບານເຂົ້າໃສ່ກອງປະຊຸມຄົບຄະນະບໍລິຫານງານສະຫະພັນກຳມະບານແຂວງ ຄັ້ງທີ05 ສະ ໄໝທີ VII ທີ່ຈະໄຂຂຶ້ນໃນມໍ່ໆນີ້ .ຈາກນັ້ນທ່ານປະທານກໍ່ຍັງໄດ້ເນັ້ນໃສ່ບັນຫາໃນການຂະຫຍາຍສະມາຊິກກຳມະບານແລະສະມາຊິກກອງທຶນ ກຊທ ພາຍໃນເມືອງໃຫ້ຫຼາຍຂຶ້ນ ເພື່ອເຮັດໃຫ້ສະມາຊິກກຳມະບານໄດ້ຮັບການປົກປ້ອງສິດຜົນປະໂຫຍດແລະໄດ້ຮັບນະໂຍບາຍໃນຍາມເຈັບເປັນ.

ຂ່າວ-ພາບ : ຂັນຄຳ ກຸລະວົງສາ
Medialaos