ກອງປະຊຸມອຸທິຍານມໍລະດົກທາງທຳມະຊາດອາຊຽນ ຄັ້ງທີ 6 ທີ່ ສປປລາວ ເປັນເຈົ້າພາບ ຈັດຂຶ້ນຢ່າງເປັນທາງການຢູ່ແຂວງຈໍາປາສັກ

0
358

ກອງປະຊຸມອຸທິຍານມໍລະດົກທາງທຳມະຊາດ ອາຊຽນ ຄັ້ງທີ 6 ຈັດຂຶ້ນຢ່າງເປັນທາງການ ໃນຕອນເຊົ້າວັນທີ 22 ຕຸລາ 2019 ຢູ່ທີ່ໂຮງແຮມຈໍາປາສັກແກຣນ ນະຄອນປາກເຊ ແຂວງຈໍາປາສັກ ​ໂດຍການເປັນປະທານຂອງ ທ່ານ ຄຳ​ບຸນ​ນັດ ​ໄຊ​ຍະ​ນົນ ຮອງ​ລັດຖະມົນຕີ ກະຊວງ​ກະສິກຳ ​ແລະ ປ່າ​ໄມ້. ສປປ ລາວ. ທ່ານ ບົວສອນ ວົງສອງຄອນ ຮອງເຈົ້າແຂວງ ຈຳປາສັກ,ທ່ານ ເອັນລິໂຄ ສະແຕມເພວລີ່ (Enrico stram pelli) ຫົວໜ້າຫ້ອງການຮ່ວມພັດທະນາ ສະຫະພາບຍູໂຣບ ປະຈຳ ຟີລີບປິນ.ທ່ານ ກີ່ ອານ ເຫຍິນ (Mr. Ky Ann Nguyen) ຜູ້ອຳນວຍການໃຫຍ່ດ້ານການພັດທະນາແບບຍືນຍົງ,ເລຂາທິ ການອາຊຽນ; ທ່ານ ນາງ ເທລິຊ້າ ມັນດິຕ້າ ລິມ (Theresa Mundita Lim) ຫົວໜ້າສູນຊີວະນາໆພັນອາຊຽນ;

ຜູ້ຕາງໜ້າ ຂອງ ອົງການ KFW ປະເທດເຢຍລະມັນ, ບັນດາ ຜູ້ຈັດການສວນອຸທິຍານ ປະເທດອາຊຽນເຂົ້າຮ່ວມ 360 ທ່ານ.
ທ່ານ ຄຳ​ບຸນ​ນັດ ​ໄຊ​ຍະ​ນົນ ຮອງ​ລັດຖະມົນຕີ ກະຊວງ​ກະສິກຳ ​ແລະ ປ່າ​ໄມ້. ສປປ ລາວ.ໄດ້ກ່າວໄຂກອງປະຊຸມເປັນທາງການໂດຍກ່າວວ່າ: ໃນນາມຕາງໜ້າໃຫ້ການນໍາ ກະຊວງກະສິກຳ ແລະ ປ່າໄມ້ ຂໍ​ສະແດງຄວາມຍິນດີທີ່ຕ້ອນຮັບບັນດາທ່ານ ເຂົ້າສູ່ປະເທດລາວ ຂອງພວກເຮົາ, ສປປ ລາວ ຍັງເປັນປະເທດທີມີຄວາມອຸດົມສົມບູນທາງທຳມະຊາດ ໂດຍສະເພາະ ປ່າໄມ້, ຊີວະນາໆພັນ. ສະນັ້ນ, ພັກ ແລະ ລັດຖະບານລາວ ຈິ່ງ ມີນະໂຍບາຍ ໃຫ້ກຳນົດ ເຂດປ່າສະຫງວນແຫ່ງຊາດ ຫຼາຍແຫ່ງໃນຂອບເຂດທົ່ວປະເທດ ເພື່ອໃຫ້ກາຍເປັນປະເທດສີຂຽວ-ສວຍງາມ, ເຊິ່ງໃນນັ້ນ ປ່າສະຫງວນແຫ່ງຊາດນ້ຳຫ້າ ແຂວງ ຫຼວງນໍ້ທາ ກໍ່ເປັນເຂດໜຶ່ງ ມີຄວາມອຸດົມສົມບຸນທາງທຳມະຊາດ​ ໂດຍສະເພາະແມ່ນມີຊະນິດພັນນົກ ແລະ ພັນສັດລ້ຽງລູກດ້ວຍນ້ຳນົມ ຫຼາຍຊະນິດທີອາໄສຢູ່.ດ້ວຍຄວາມອະເົມສົມບູນປ່າສະຫງວນແຫ່ງຊາດນໍ້າຫ້າ ຂອງ ສປປລາວ ໄດ້ກາຍ​ເປັນ ສວນອຸທິຍານ ມໍລະດົກ ທາງ​ທຳ​ມະ​ຊາດ ອາຊຽນ ຫຼື (AHP ) ແຫ່ງງທຳອິດຂອງລາວ.

ຈຸດປະສົງຂອງກອງປະຊຸມຄັ້ງນີ້,ເພື່ອເຮັດໃຫ້ສວນອຸທິຍານານ​ ມໍລະດົກ​ທາງ​ທຳ​ມະ​ຊາດ ອາ​ຊຽນ (AHP) ແລະ ເຂດ ປ່າສະຫງວນແຫ່ງຕ່າງໆໄດ້ຮັບການຄຸ້ມຄອງ, ຮັກສາໃຫ້ມີຄວາມຍືນຍົງ ໂດຍສ້າງ​ໃຫ້ຄົນ ລຸ້ນປັດຈຸບັນ ແລະ ອະນາຄົດ ໄດ້ເຫັນເຖິງຄວາມສໍາຄັນ ຂອງ​ການອະນຸລັກຊີວະ​ນາໆ​ພັນ ​ແລະ ຊັບພະຍາກອນ ທຳມະຊາດ​ໄວ້; ເພື່ອການສຶກສາ ​ແລະ ຄົ້ນຄວ້າ ​ການ​ດຳລົງ​ຊີວິດ​ຂອງສິ່ງ​ທີ່​ມີ​ຊີວິດ ​ແລະ ເພື່ອປັບຕົວເຂົ້າກັບການປ່ຽນແປງດິນ​ຟ້າ​ອາກາດຂອງ​ໂລກ.ທັງໝົດນີ້ແມ່ນເຫດຜົນທີ່​ຕ້ອງ​ໃຫ້​ຄວາມ​ສຳຄັນ​ຕໍໍ່ການຄຸ້ມຄອງເຂດປ່າສະຫງວນໃຫ້ມີປະສິດທິພາບສູງຂື້ນ. ​​

ກອງປະຊຸມ ອຸທິຍານມໍລະດົກທາງທຳມະຊາດ ອາຊຽນ (AHP) ຄັ້ງທີ່ 6 ນີ້​ ເປັນການປະກອບສ່ວນ ແລະ ແລກປ່ຽນບົດຮຽນ ໃນການຄຸ້ມຄອງ ແລະ ການບໍລິຫານ ຊັບພະຍາກອນ ທຳມະຊາດ​ ​ແລະ ຊີວະ​ນາໆ​ພັນ ທີ່ດີ ແລະ ຍັງຖືເປັນການສະເຫຼີມສະຫຼອງວັນຄົບຮອບ 35 ປີ ຂອງສວນອຸທິຍານ ມໍລະດົກອາຊຽນ ອີກ​ດ້ວຍ.
ກອງປະຊຸມ ອຸທິຍານມໍລະດົກທາງທຳມະຊາດ ອາຊຽນ ຄັ້ງທີ 6 ທີ່ ສປປລາວ ເປັນເຈົ້າພາບຄັ້ງນີ້ ຍັງມີກອງປະຊຸມຍ່ອຍຫຼາຍຫົວຂໍ້ ​ທີ່​ຈັດ​ຂື້ນເພື່ອ​ປຶກສາ​ຫາລື ​ແລກປ່ຽນບົດຮຽນ​ເຊິ່ງ​ກັນ ​ແລະ ກັນ ໃນລະດັບວິຊາການ ແລະລະດັບຜູ້ບໍລິຫານ ເພື່ອຮ່ວມກັນເປັນໜື່ງດຽວໃນການພັດທະນາຊີວະນາໆພັນແບບຍືນນານ ຜ;ຈາກນີ້ຄະນະປູ້ແທນກໍໄດ້ລົງຢ້ຽມຢາມພື້ນທີ່ພາກສະໜາມຕົວຈິງ ເພື່ອຊົມຄວາມອຸດົມສົມບູນ ແລະ ຄວາມສວຍງາມທາງ ທຳມະຊາດ ໃນເຂດປ່າສະຫງວນ ແຫ່ງຊາດ ດົງຫົວສາວ ແລະ ປ່າສະຫງວນ ແຫ່ງຊາດ ເຊປຽນ ເຊິ່ງເປັນສ່ວນໜຶ່ງຂອງ ເຂດລາມຊາ-ບຶງກຽດໂງ້ງ ຕາມວາລະຂອງ​ກອງ​ປະຊຸມ ທີ່​ໄດ້​ກຳນົດ.

ໄປຄວບຄູ່ກັບການຈັດກອງປະຊຸມແລ້ວ ຍັງມີກິດຈະກຳປິ່ນອ້ອມເຊັ່ນ:ງານວາງສະແດງຜົນງານການຄຸ້ມຄອງມໍລະດົກທາງທຳມະຊາດ ສະແດງໃຫ້ເຫັນຄວາມເອົາໃຈໃສ່ຂອງລັດຖະບານແຕ່ລະປະເທດໃນອາຊຽນ ຕໍ່ການຄຸ້ມຄອງບໍລິຫານຈັດການ ປ່າສະຫງວນ,ສັດນໍ້າສັດປ່າ,ຊີວະນາໆພັນ ແລະອື່ນໆ ,ຈາກນີ້ກໍມີງານຖະແຫຼງຂ່າວຕໍ່ສື່ມວນຊົນແຕ່ລະປະເທດກ່ຽວກັບການຈັດກອງປະຊຸມ ອຸທິຍານມໍລະດົກທາງທຳມະຊາດ ອາຊຽນ ຄັ້ງທີ 6 ແລະຄວາມສົນໃຈຂອງສື່ມວນຊົນອີກດ້ວຍ.
ກອງປະຊຸມ ອຸທິຍານມໍລະດົກທາງທຳມະຊາດ ອາຊຽນ ຄັ້ງທີ 6 ນີ້ ຈະໄດ້ເນີນໄປຮອດວັນທີ 24 ຕຸລາ 2019 ຈີ່ງຈະເລັດ.

Medialaos
#ສື່ມວນຊົນແຂວງຈຳປາສັກ
#ເກດສະໜາ ແກ້ວສຸວັນະແສງ