ໃນວັນທີ 19 ເດຶອນຕຸລາ ປີ 2019 ນີ້ໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາແຂວງສາລະວັນໄດ້ສຳເລັດການປ່ອຍບັດຄັກເລືອກເອົາເລຂາ, ຮອງເລຂາໜ່ວຍພັກຊຸດໃໝ່ເຊິ່ງກອງປະຊຸມດັ່ງກ່າວໄດ້ຈັດຂື້ນຢູ່ທີ່ຫ້ອງປະຊຸມຂອງທະນະຄານໂດຍການເປັນປະທານຂອງສະຫາຍ ສຸກສະຫວັນ ໄຊຍະແສງ ຮອງເລຂາໜ່ວຍພັກທະນະຄານການຄ້າຕ່າງປະເທດລາວມະຫາຊົນສາຂາແຂວງສາລະວັນ, ເປັນກຽດເຂົ້າຮ່ວມຂອງສະຫາຍ ບົວທອງ ຄຸນຍອດປັນ ຍາ ຮອງເລຂາພັກແຂວງ, ຮອງເຈົ້າແຂວງໆສາລະວັນ, ມີພະນັກງານສະມາຊິກພັກສົມບູນ ແລະສຳຮອງ, ພ້ອມດ້ວຍແຂກຖືກເຊິນຈາກພາກສ່ວນຕ່າງໆທີ່ກ່ຽວຂ້ອງເຂົ້າຮວ່ມ

ເຊິ່ງກອງປະຊຸມຄັ້ງນີ້ກໍ່ໄດ້ຮັບຟັງການຜ່ານບົດລາຍງາຍການເມືອງ, ບົດສະຫຼຸບຕີລະຄາການເຄື່ອນໃຫວວຽກງານ ແລະບົດສຳຫຼວດການນຳພາລວມໃນໄລຍະ 5 ປີຜ່ານມາ, ໃນໄລຍະຜ່ານມາໜ່ວຍພັກທະນາຄານການຄ້າຕ່າງປະ ເທດລາວມະຫາຊົນສາຂາແຂວງສາລະວັນກໍ່ໄດ້ເອົາໃສ່ໃນການຜັນຂະຫຍາຍມະຕິກອງປະຊຸມໃຫຍ່ຄັ້ງ X ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ແລະມະຕິກອງປະຊຸມສະພາແຫ່ງຊາດຊຸດທີ VIII, ພ້ອມດ້ວຍມະຕິຄຳສັງຕ່າງໆຂອງຂັ້ນເທິງ ແລະຂັ້ນຕົນວາງອອກໃນແຕ່ລະໄລຍະຢ່າງເປັນຂະບວນ ແລະກວ້າງຂວາງ, ນອກຈາກນັ້ນກໍ່ແມ່ນບັນດາກົດໝາຍວ່າດ້ວຍທະນະຄານທຸລະກິດ, ສະບບັບເລກທີ 56/ສພຊ ນະຄອນ ຫຼວງວຽງຈັນ, ລົງວັນທີ 7 ທັນວາ ປີ 2018, ກົດໝາຍວ່າດ້ວຍການຕ້ານສະກັດກັ້ນການຟອກເງິນ ແລະສະໜອງທຶນໃຫ້ແກ່ການກໍ່ການຮ້າຍ ສະບັບເລກທີ 50/ສພຊ ນະຄອນຫຼວງວຽງຈັນ ລົງວັນທີ 21 ພະຈິກ ປີ 2014 ແລະບັນດາແຈ້ງການ, ນີຕິກຳອື່ນໆທີ່ກ່ຽວກັບວຽກງານໃນຂົງເຂດທະນະຄານ, ພ້ອມກັນນັ້ນກໍ່ໄດ້ເອົາໃສ່ສຶກສາອົບຮົມການ ເມືອງແນວຄິດໃຫ້ແກ່ພະນັກງານ-ລັດຖະກອນສະມາຊິພັກພາຍໃນໄດ້ຮັບຮູ້ເຂົ້າໃຈເຊື່ອມຊືມກຳແໜັ້ນຕໍ່ກັບແນວທາງແຜນ ການນະໂຍບາຍຂອງພັກ-ລັດວາງອອກ, ນອກຈາກນັ້ນກໍ່ໄດ້ເອົາໃຈໃສ່ໃນວຽກງານວິຊາສະເພາະຂອງຕົ້ນ, ວຽກງານອົງການຈັດຕັ້ງກຳມະບານ, ຊາວໜຸ່ມ ແລະແມ່ຍິງເພື່ອເຮັດໃຫ້ວຽກງານອົງການຈັດຕັ້ງໄດ້ມີການເຄື່ອນໃຫວຕາມພະລະບົດບາດ, ສິດ ແລະໜ້າທີ່ຕາມຄວາມຮັບຜິດຊອບ, ໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາແຂວງສາລະວັນມີສະມາຊິກພັກທັງໝົດ 9 ສະຫາຍ, ຍິງ 2 ສະຫາຍ, ສະມາຊິກພັກສົມບູນ 6 ສະຫາຍ, ຍິງ 0 ສະຫາຍ, ສໍາຮອງ 3 ສະຫາຍ, ຍິງ 2 ສະຫາຍ
ຈາກນັ້ນໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາ ແຂວງສາລະວັນຊຸດເກົ່າກໍ່ໄດ້ກ່າວລາໜ້າທີ່, ພ້ອມທັງຜ່ານມາດຖານເງື່ອນໄຂຜູ້ທີ່ຈະສະໜັກເຂົ້າໃນໂຄງປະກອບຂອງໜ່ວຍພັກຊຸດໃໝ່ເຊິ່ງມີຜູ້ສະໜັກ 3 ສະຫາຍ, ເລືອກເອົາ 2 ສະຫາຍ, ຜ່ານການປ່ອນບັດຄັດເລືອກ ແລະຜົນຂອງກອງປະຊຸມປະຖົມມະລຶກໄດ້ຕົກລົງເຫັນດີເປັນເອກະພາບແຕ່ງຕັ້ງສະຫາຍ ສຸກສະຫວັນ ໄຊຍະແສງ ເປັນເລຂາໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາແຂວງສາລະວັນ ແລະແຕ່ງຕັ້ງສະຫາຍ ອະນຸສັກ ທຳມະຂັດຕີ ເປັນຮອງເລຂາໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາ ແຂວງສາລະວັນຊຸດໃໝ່, ພ້ອມດຽວກັນນັ້ນກອງປະຊຸມຍັງໄດ້ມີການປ່ອນບັດຄັດເລືອກເອົາຜູ້ແທນສົມບູນ ແລະສຳຮອງໄປຮ່ວມກອງປະຊຸມໃຫຍ່ຂອງອົງຄະນະພັກແຂວງຕື່ມອີກເຊິ່ງມີຜູ້ສະໜັກທັງໝົດ 3 ສະຫາຍເລືອກເອົາ 2 ສະຫາຍ.

ພາບ-ຂ່າວ: ສິດຕາ ເພັດວົງສາ
medialaos
salavan