ເພື່ອເປັນການຍົກລະດັບຄວາມຮູ້ຄວາມສາມາດໃນການນຳໃຊ້ສື່ໃນຍຸກປັດຈຸບັນໃຫ້ມີຄວາມທັນສະໄໜ, ທັງເປັນການແລກປ່ຽນບົດຮຽນດ້ານວັດທະນະທຳ – ສັງຄົມ, ທັງຮັດແໜ້ນຄວາມສາມັກຄີ ແລະ ສາຍພົວພັນທີ່ດີງາມລະຫ່ວາງ ລາວ – ຈີນ, ຈີນ – ລາວ, ໃຫ້ມີຄວາມແໜ້ນແຟ້ນຂື້ນເລື້ອຍໆນັ້ນ.

ໃນວັນທີ່ 22 ຕຸລາ 2019 ນີ້, ໄດ້ຈັດຊຸດອົບຮົມກ່ຽວກັບການໂຄສະນາຂອງສື່ມວນຊົນລາວ 2019 ເຊີ່ງໄດ້ຈັດຂື້ນຢູ່ທີ່ຊຸ້ນຢີ່ສະຖາບັນຄົ້ນຄ້ວາ ແລະ ຝືກອົບຮົມກົມໃຫຍ່ວີທະຍຸ – ໂທລະພາບ ແຫ່ງຊາດຈີນ, ນະຄອນປັກກີ່ງ ແຫ່ງ ສປ ຈີນ. ໂດຍການເຂົ້າຮ່ວມເປັນປະທານ ແລະ ກ່າວເປີດພິທີຂອງ ທ່ານ​ ຫລົວ​ ຢຸນຫລົງ ຮອງຫົວຫນ້າຫ້ອງການພົວພັນສາກົນສະຖາບັນຄົ້ນຄວ້າ​ ແລະ​ ຝຶກອົບຮົມວິທະຍຸ – ໂທລະພາບແຫ່ງຊາດຈີນ, ຝ່າຍລາວນຳໂດຍທ່ານ ສົມຄວນ ມາສຸວັນ ຮອງຫົວໜ້າກົມປະຊາສຳພັນປະຈຳສຳນັກງານນາຍົກລັດຖະມົນຕີແຫ່ງ ສ ປ ປ ລາວ, ມີນັກວີທະຍາກອນຈາກຈີນ ແລະ ສຳມະນາກອນຈາກສຳນັກງານນາຍົກ, ຄະນະໂຄສະນາອົບຮົມສູນກາງພັກ ແລະ ສື່ມວນຊົນລາວເຂົ້າຮ່ວມທັງໝົດ 21 ທ່ານ, ຍີງ 7 ທ່ານ.

ຊຸດຝືກອົບຮົມຄັ້ງນີ່ນັກສຳມະນາກອນຈະໄດ້ຮຽນຮູ້ ແລະ ເຂົ້າໃຈກ່ຽວກັບວຽກງານການໂຄສະນາສື່ ແລະ ການນຳໃຊ້ເຕັກນີກເພື່ອນຳໃຊ້ເຂົ້າໃນວຽກງານສະເພາະຂ່າວຫັນເຂົ້າສູ່ແບບໃໝ່ – ທັນສະໄໜ. ຈາກນັ້ນນັກສຳມະນາກອນຜູ່ເຂົ້າຮ່ວມຍັງຈະໄດ້ທັດສະ ນະສືກສາ ແລະ ທ່ຽວຊົມກ່ຽວກັບແຫຼ່ງທ່ອງທ່ຽວ, ວັດທະນະທຳຮີດຄອງປະເພນີ່ ທີ່ມີຊື່ສຽງຂອງປະເທດຈີນຕື່ມອີກ. ຊຸດຝືກອົບຮົມຄັ້ງນີ່ຈະໄດ້ດຳເນີນເປັນເວລາ 21 ວັນ, ຄືແຕ່ວັນທີ່ 22 ຕຸລາ ຫາ 11 ພະຈີກ 2019 ຈື່ງຈະສຳເລັດ.

ພາບ – ຂ່າວ: ແສງຄຳ ສາລີວັນ
Medialaos