ໃນຕອນບ່າຍວັນທີ່ 23 ຕຸລາ ປີ 2019 ນີ້ ທາງໜ່ວຍພັກພະແນກຍຸຕິທໍຳແຂວງຜົ້ງສາລີ ໄດ້ຈັດພິທີ ມອບ-ຮັບ ບັດສະມາຊິກພັກ ແລະ ໃບຢັ້ງຢືນຫນ່ວຍພັກປອດໃສ, ເຂັ້ມແຂງ ແລະ ຫນັກແຫນ້ນຊຸດທີ I ປະຈຳປີ 2018 ຂື້ນຢ່າງເປັນທາງການ ທີຫ້ອງປະຊຸມພະແນກດັ່ງກ່າວ ໂດຍການເຂົ້າຮ່ວມຂອງສະຫາຍ ຄຳຜອຍ ວັນນະສານ ຮອງເລຂາພັກແຂວງ, ຮອງເຈົ້າແຂວງ; ມີສະຫາຍ ນາງ ຕຸລາພອນ ອະລິຍະ ກຳມະການພັກແຂວງ, ເລຂາໜ່ວຍພັກພະແນກຍຸຕິທຳແຂວງ; ມີ ບັນດາທ່ານຜູ້ຕາງໜ້າຈາກຄະນະຈັດຕັ້ງແຂວງ; ຄະນະກວດກາແຂວງ; ພ້ອມດ້ວຍສະມາຊິກພັກສົມບູນ ແລະ ສໍຳຮອງພາຍໃນໜ່ວຍພັກເຂົ້າຮ່ວມ

ໃນພິທີຕາງໜ້າຄະນະຈັດຕັ້ງແຂວງ ໄດ້ຂຶ້ນຜ່ານມະຕິຕົກລົງ ຂອງຄະນະປະຈຳພັກແຂວງ ສະບັບເລກທີ່ 407/ ຄພຂ.ຜລ ລົງວັນທີ 28 ສິງຫາ 2019 ວ່າດ້ວຍການມອບບັດສະມາຊິກພັກສົມບູນໃຫ້ແກ່ ພະແນກຍຸຕິທຳແຂວງ; ຜ່ານບົດສະຫລູບຕີລາຄາການຈັດຕັ້ງປະຕິບັດການກໍ່ສ້າງກນ່ວຍພັກປອດໃສ, ເຂັ້ມແຂງ ແລະ ຫນັກແຫນ້ນ ປີ2018ຜ່ານມາ ແລະ ວາງທິດທາງແຜນການປະຈຳປີ2019 ຈາກນັ້ນໄດ້ຜ່ານຂໍ້ຕົກລົງ ຄະນະປະຈຳພັກແຂວງ ເລກທີ328/ຄພຂ.ຜລ ລົງວັນທີ 17 ມິຖຸນາ 2019 ວ່າດ້ວຍການອະນຸມັດມອບໃບຢັ້ງຢືນຫນ່ວຍພັກປອດໃສ, ເຂັ້ມແຂງ ແລະ ຫນັກແຫນ້ນ ປະຈຳປີ 2018 ໂດຍ ໃຫ້ກຽດຂຶ້ນມອບໂດຍແມ່ນ ສະຫາຍ ຄຳຜອຍ ວັນນະສານ ຮອງເລຂາພັກແຂວງ, ຮອງເຈົ້າແຂວງ ແລະ ຂຶ້ນຮັບໂດຍແມ່ນ ສະມາຊິກພັກຜູ້ທີ່ໄດ້ຕາມມາດຖານຈພນວນ 9 ສະຫາຍ, ຍິງ 2 ສະຫາຍຕາມລຳດັບ ແລະ ກ່າວຮັບໃບຢັ້ງຢືນຫນ່ວຍພັກປອດໃສ, ເຂັ້ມແຂງ ແລະ ຫນັກແຫນ້ນ ໂດຍແມ່ນ ສະຫາຍ ນາງ ຕຸລາພອນ ອະລິຍະ ກຳມະການພຫກແຂວງ, ເລຂາຫນ່ວຍພັກພະແນກຍຸຕິທຳແຂວງ.
ໂອກາດນີ້ສະຫາຍ ຮອງເລຂາພັກແຂວງ, ຮອງເຈົ້າແຂວງໄດ້ເນັ້ນໜັກໃຫ້ຄະນະພັກ ແລະ ສະມາຊິກພັກພະແນກຍຸຕິທຳແຂວງ ໃຫ້ຄົ້ນຄວ້າເຊື່ອມຊືມບັນດານິຕິກຳຕ່າງໆໃຫ້ເລິກເຊີງ, ໃນຍຸກ4.0ນີ້ ມີທັງສິງສະດວກ ແລະ ສິງທ້າທາຍຫລາຍຢ່າງ ສະນັ້ນ ສະມາຊິກພັກຕ້ອງໄດ້ບຸກບືນໃຫ້ເຂັ້ມແຂງ, ບັນດາສະຫາຍທີໄດ້ຮັບບັດສະມາຊິກພັກຕ້ອງເຫັນໄດ້ຄວາມຫມາຍຄວາມສຳຄັນຂອງບັດ ຮັກສາເປັນຢ່າງດີ ແລະ ນຳໃຊ້ໃຫ້ເກີດປະໂຫຍດຕາມແນວທາງຂອງພັກ, ຝຶກຝົນຄຸນສົມບັດສີນທຳປະຕິວັດ, ຊຸກຍູ້ກັນກີນຢາ 4 ເມັດຄື່: ຢາເມັດດຸຫນັ່ນ-ເມັດຊື່ສັດ-ເມັດປະຢັດ ແລະ ເມັດອົດທົນ, ສາມັກຄີເອື້ອຍເຟື້ອເພື່ອແຜ່ຊ່ວຍເຫຼືອເຊີງກັນ ແລະ ກັນ, ຝຶກຝົນຮ່ຳຮຽນແນວທາງ-ທິດສະດີຂອງພັກ; ສຳລັບຕໍ່ກັບຫນ່ວຍພັກແມ່ນຍົກສູງການນຳພາດ້ານເມືອງແນວຄິດ ໃຫ້ສະມາຊິກເປັນກົກ, ປະເມີນ-ກວດກາດ້ານແນວຄິດຂອງສະມາຊິກ, ປັບປຸງແບບແຜນການນຳພາ-ແບບແຜນວິທີເຮັດວຽກ, ເອົາໃຈໃສ່ເປັນໃຈກາງດ້ານຄວາມຍຸຕິທຳຂອງສັງຄົມ, ຊີ້ນຳອົງການຈັດຕັ້ງມະຫາຊົນໃຫ້ເຄື່ອນໄຫວເປັນປົກກະຕິ ເຮັດຢ່າງຕໍ່ເນື່ອງ, ໃນດ້ານການປັບປຸງກໍ່ສ້າງພັກ ຕ້ອງຖືຄຸນະພາບເປັນກົກ ແລະ ເດັດດຽວແກ້ໄຂຄົນທີ້ເສຍທາດຂາດຄຸນ, ປະຕິບັດນະໂຍບາຍຕ່າງໆຕໍ່ພະນັກງານໃຫ້ທົ່ວເຖີງ ເພື່ອພ້ອມກັນສ້າງຫນ່ວຍພັກປອດໃສ, ເຂັ້ມແຂງ ແລະ ຫນັກແຫນ້ນ.

medialaos phongsaly
ພາບ – ຂ່າວ: ສົມຄິດ ແກ້ວນວນລາ