ໃນວັນທີ 23 ຕຸລາ 2019 ນີ້ ຫ້ອງການເມືອງກອງບັນຊາການທະຫານແຂວງສະຫວັນະເຂດ ໄດ້ເປີດກອງປະຊຸມບັ້ນດຳເນີນຊິວິດການເມືອງ ແລະ ທາບທາມເອົາບຸກຄະລະກອນເຂົ້າໃນຄະນະພັກຮາກຖານຫ້ອງຂອງຕົນ, ໂດຍການເຂົ້າຮ່ວມເປັນປະທານຂອງສະຫາຍ ພົນຈັດຕະວາ ຈະເລີນ ວົງວິໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ, ມີຄະນະພັກຮາກຖານຫ້ອງ, ເລຂາໜ່ວຍພັກໃນ 4 ໜ່ວຍພັກທີ່ຂື້ນກັບຄະນະພັກຮາກຖານຫ້ອງການເມືອງ, ຕະຫຼອດຮອດສະມາຊິກພັກສົມບູນ ແລະ ສຳຮອງເຂົ້າຮ່ວມ.

ໃນກອງປະຊຸມ ສະຫາຍ ພັນໂທ ຄູນສະໄໝ ລິນສັນຍາ ຮອງຫົວໜ້າຫ້ອງການເມືອງ ໄດ້ຂື້ນຜ່ານ ບົດສຳຫຼວດໃນການຊີ້ນຳ-ນຳພາຂອງຄະນະພັກຮາກຖານຫ້ອງການເມືອງໃນໄລຍະ ຊຸມປີຜ່ານມາເຫັນໄດ້ຜົນງານຫຼາຍດ້ານທີ່ພົ້ນເດັ່ນໃນນັ້ນວຽກງານໂຄສະນາສືກສາອົບຮົມການເມືອງນຳພາແນວຄິດແມ່ນໄດ້ເຮັດຢ່າງເປັນປົກກະຕິ ແລະ ຕໍ່ເນື່ອງວຽກງານການສ້າງພັກ-ພະນັກງານ,ວຽກງານອົງການຈັດຕັ້ງມະຫາຊົນຊາວໜຸ່ມແມ່ຍິງ ແລະ ວຽກງານອື່ນໆແມ່ນໄດ້ເອົາໃຈໃສ່ຊີ້ນຳ-ນຳພາໃຫ້ໄດ້ຮັບຜົນສຳເລັດເປັນຢ່າງດີ,ນອກນັ້ນວຽກງານປັບປຸງແກ້ໄຂຊິວິດການເປັນຢູ່ຂອງພະນັກງານ-ນັກຮົບພາຍໃນຫ້ອງແມ່ນໄດ້ປະຕິບັດຄຳຂວັນເພິ່ງຕົນເອງ,ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໂດຍຖືເອົາການປູກຝັງ-ລ້ຽງສັດເປັນຕົ້ນ.ຈາກນັ້ນບັນດາສະມາຊິກພັກກໍ່ໄດ້ປະກອບຄຳຄິດຄຳເຫັນດ້ວຍຄວາມຈິງໃຈ,ເພຶ່ອເສີມຂະຫຍາຍຈຸດດີແກ້ໄຂຈຸດອອ່ນໃນການຊີ້ນຳ-ນຳພາຂອງຄະນະພັກຮາກຖານຫ້ອງການເມືອງ,ໃນກອງປະຊຸມກໍ່ໄດ້ຜ່ານມາດຖານເງື່ອນໄຂຂອງຜູ້ທີ່ລົງສະມັກທາບທາມເຂົ້າໃນຄະນະພັກຮາກຖານປະກອບມີ 15 ສະຫາຍ ເລືອກເອົາ 11 ສະຫາຍ ເພື່ອຈະລົງສະໝັກເຂົ້າໃນຄະນະພັກຮາກຖານຫ້ອງການເມືອງກອງບັນຊາການທະຫານແຂວງສະຫວັນະເຂດ,ທີ່ໃກ້ຈະໄຂຂື້ນໃນຕໍ່ໜ້ານີ້ໃຫ້ໄດ້ຕາມມາດຖານເງື່ອນໄຂຂອງພັກວາງອອກ.

ໃນໂອກາດເຂົ້າຮ່ວມກອງປະຊຸມຄັ້ງນີ້ ສະຫາຍ ພົນຈັດຕະວາ ຈະເລີນ ວົງວິໄຊ ເລຂາພັກ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ ກໍ່ໄດ້ມີຄຳເຫັນໂອ້ລົມພ້ອມທັງຮຽກຮ້ອງໃຫ້ພະນັກງານສະມາຊິກພັກທຸກສະຫາຍຕ້ອງກຳໃຫ້ໄດ້ພາລະບົດບາດສິດໜ້າທີ່ຂອງຕົນ,ໃນການຈັດຕັ້ງເຄື່ອນໄຫວວຽກງານທີ່ໄດ້ຮັບມອບໝາຍໃຫ້ໄດ້ຮັບຜົນສຳເລັດເປັນຢ່າງດີ.

ພາບ-ຂ່າວ ພານິດ ພິລາວົງ
savannakhet medialaos