ເມືອງປາກລາຍ ແຂວງໄຊຍະບູລີ ໄດ້ຈັດກອງປະຊຸຸມປຶກສາຫາລື ກັບ ຄະນະຜູ້ວ່າລາດສະການຈັງຫັວດອຸດຕະລະດິດ ປະເທດໄທ ກ່ຽວກັບການເພີ່ມທະວີການຮ່ວມມື ພັດທະນາ ຂົງເຂດວັດທະນະທຳ ແລະ ທ່ອງທ່ຽວ.ຢູ່ທີ່ຫໍປະຊຸມໃຫ່ຍຂອງເມືອງປາກລາຍເປັນກຽດຕ້ອນຮັບຄະນະ ແລະ ເຂົ້າຮ່ວມກອງປະຊຸມຄັ້ງນີ້ຝ່າຍລາວນຳໂດຍທ່ານ ຍັນຍົງ ສີປະເສີດ ຮອງເຈົ້າແຂວງໆໄຊຍະບູລີ ພ້ອມດ້ວຍການນໍາຂອງເມືອງປາກລາຍ,ການນຳຂອງຝ່າຍໄທນຳໂດຍທ່ານ ທະນາກອນ ອື້ງຈິດໄຟສານ ຜູ້ວ່າລາດສະການັດຫັວດອຸດຕະລະດິດປະເທດໄດ້ພ້ອມດ້ວຍຄະນະ

ທີ່ກອງປະຊຸມປືກສາຫາລື ທັງສອງຝ່າຍຕີລາຄາໂດຍຫຍໍ້ ທ່າແຮງດ້ານການທ່ອງທ່ຽວ ພື້ນຖານ ໃຫ້ແກ່ທ້ອງຖິ່ນ ສ້າງສາ ພັດທະນາ ຂະແໜງການທ່ອງທ່ຽວ ພາຍໃນ ແລະ ບັນດາເສັ້ນທາງການທ່ອງທ່ຽວ ແລະ ທົວ ເພື່ອເຊື່ອມຕໍ່ ຮ່ວມມືການທ່ອງທ່ຽວ ລະຫວ່າງ ສອງແຂວງນຳກັນ ພາຍໃນ ແລະ ຕ່າງປະເທດ. ແຂວງໄຊຍະບູລີ ແລະ ແຂວງ ຈັງຫັວດອຸດຕະລະດິດ ປະເທດໄທ ມີສິ່ງທີ່ຄ້າຍຄືກັນທາງດ້ານພູມສັນຖານ ທີວທັດທຳມະຊາດ ອັນສວຍສົດງົດງາມ ດ້ວຍລະບົບນິເວດ ພູຜາປ່າດົງ ແມ່ນໍ້າລຳເຊ ຖໍ້າແຫຼ່ງນໍ້າທະມະຊາດ. ພ້ອມກັນນັ້ນທັງສອງແຂວງມີປະຊາຊົນດຳລົງຊີວິດດ້ວຍພື້ນຖານວັດທະນະທຳ ຄືກັນ ດັ່ງນັ້ນພື້ນຖານແຫຼ່ງທ່ອງທ່ຽວມີຄວາມອຸດົມສົມບູນ ມີເງື່ອນໄຂສະດວກໃຫ້ວຽກງານການພັດທະນາ ຮູບແບບການທ່ອງທ່ຽວດ້ານວັດທະນະທຳ ແລະ ປະຫວັດສາດ ທ່ອງທ່ຽວນິເວດ ທ່ອງທ່ຽວແບບເປັນກຸ່ມ.

ການນຳຂອງທັງສອງຝ່າຍ ໄດ້ເຫັນດີເປັນເອກະພາບສູງທັດສະນະ ໃນໄລຍະປີ 2019-2020 ທັງສອງຝ່າຍຈະຊຸກຍູ້ເພີ່ມທະວີຄວາມສາມັກຄີ ຄວາມເຂົ້າໃຈ ແລະ ຊຸກຍູ້ການຮ່ວມມືພັດທະນາໃນຂົງເຂດວັດທະນະທຳ ໂຄສະນາເຜີຍແຜ່ພາບລັກ ວັດທະນະທຳ ແລະ ວິຖີຊີວິດຂອງປະຊາຊົນທັງສອງແຂວງ. ແລກປ່ຽນດ້ານວິຊາການ ໃນການຂັບຮ້ອງ ຟ້ອນເຕັ້ນ ຂອງທັງສອງແຂວງ; ເພີ່ມທະວີດ້ານວັດທະນະທຳ ການວາງສະແດງ ພາບຈິດຕະກຳ… ເພີ່ມທະວີວຽກງານການຄົ້ນຄວ້າ -ຊອກຮູ້ຂໍ້ມູນຂ່າວສານກ່ຽວກັບການທ່ອງທ່ຽວ ຢູ່ສອງແຂວງ ເພື່ອຊຸກຍູ້ວຽກງານໃຫ້ຄຳປືກສາ ສະໜອງຂໍ້ມູນຂ່າວສານຮັບໃຊ້ການທ່ອງທ່ຽວ ແນໃສເຊື່ອມໂຍງເສັ້ນທາງການທ່ອງທ່ຽວ ສຳຫຼວດ ແລະ ສ້າງທົວທ່ອງທ່ຽວ ໃນເສັ້ນທາງການທ່ອງທ່ຽວເພີ່ມທະວີການແລກປ່ຽນ ແນະນຳຂໍ້ມູນຂ່າວສານທ່າແຮງ ຄວາມສາມາດບົ່ມຊ້ອນ ແລະ ຜລິດຕະພັນທ່ອງທ່ຽວອັນພົ້ນເດັ່ນ; ຕອບສະໜອງ ແລະ ອັບເດດຂໍ້ມູນຂ່າວສານຢ່າງລຽນຕິດແລະຕໍ່ເນື່ອງຂໍ້ມູນຂ່າວສານທີ່ກ່ຽວຂ້ອງກັບໂອກາດຂອງການລົງທືນ ດຳເນີນທຸລະກິດ ທ່ອງທ່ຽວນຳກັນ,ເພີ່ມທະວີແລກປ່ຽນບົດຮຽນໃນການຄຸ້ມຄອງ ປົກປ້ອງ ແລະ ເສີມຂະຫຍາຍຄຸນຄ່າຂອງມໍລະດົກທາງປະຫວັດສາດ ວັດທະນະທຳ ຜັນຂະຫຍາຍການເຄື່ອນໄຫວຮ່ວມມືໃນຫຼາຍຂົງເຂດເປັນຕົ້ນແມ່ນ ສິນລະປະການສະແດງ, ປູນີຍະສະຖານ, ວິຈິດສິນ.ເພື່ອເຮັດໃຫ້ການທ່ອງທ່ຽວແບບນີ້ ມີຄວາມຫລາກຫລາຍ ນອກຈາກໃນເສັ້ນທາງທີ່ກຳນົດແລ້ວ ຍັງມີການປະສົມປະສານການເດີນທາງ,ທາງນ້ຳແບບອະນຸລັກ ໂດຍສະເພາະການລ່ອງເຮືອແພນຳທ່ຽວຕາມລຳແມ່ນໍ້າຂອງ, ການຂີ່ເຮືອຫາງຍາວ ແລະ ອື່ນໆ.

ຂ່າວ:ເມືອງປາກລາຍ
Medialaos