ຮາກຖານກຳມະບານອ້ອມຂ້າງເມືອງອຸທຸມພອນເຫັນດີໃຫ້ຈ່າຍນະໂຍບາຍເຈັບເປັນ ແລະ ນະໂຍບາຍຜ່າຕັດ

0
130

ສະຫະພັນກຳມະບານແຂວງ ລົງຢັ່ງຫາງສຽງປຶກສາຫາລືກ່ຽວກັບນະໂຍບາຍກອງທຶນຊ່ວຍເຫຼືອເຊິ່ງກັນແລະກັນ ຂອງສະຫະພັນກຳມະບານແຂວງ ທີ່ສະໂມສອນຂອງເມືອງອຸທຸມພອນ,ໂດຍສ່ວນຫຼາຍຫາງສຽງຂອງແຕ່ລະຮາກຖານກຳມະບານ ກໍ່ຄື ສະມາຊິກໃນທົ່ວເມືອງແມ່ນເຫັນດີເປັນເອກະພາບກັນໃຫ້ທາງກອງທືນປະຕິບັດນະໂຍບາຍເຈັບເປັນ ແລະ ນະໂຍບາຍຜ່າຕັດຄືເກົ່າ ໂດຍບໍ່ໃຫ້ໄປເພີ່ມຢູ່ນະໂຍບາຍເສຍຊີວິດ ເພາະເງິນນະໂຍບາຍຂອງກອງທຶນເຖິງແມ່ນວ່າມັນບໍ່ຫຼາຍແຕ່ກໍ່ພໍໄດ້ແກ້ໄຂໃນຍາມສຸກເສີນສເວລານອນປິ່ນປົວຢູ່ໂຮງໝໍ
ປະຈຸບັນນີ້ທາງໂຮງໝໍ ບໍ່ສາມາດອອກໃບບິນຢາໃຫ້ໄດ້ ເພາະວ່າຄົນເຈັບເຂົ້າປິ່ນປົວຢູ່ໂຮງໝໍແມ່ນບໍ່ໄດ້ເສຍຄ່າ
ພາຍຫຼັງທີ່ທາງຮກາຖານກຳມະບານອ້ອມຂ້າງເມືອງເຫັນດີເປັນເອກະພາບກັນແລ້ວທາງທ່ານ ສົມໃຈ ສີສົມພອນ ຮອງປະທານສະຫະພັນກຳມະບານແຂວງ ກໍ່ໄດ້ຮັບເອົາການປຶກສາຫາລືຄັ້ງນີ້ນຳໄປຄົ້ນຄວ້າຕື່ມໃນກອງປະຊຸມຕໍ່ໜ້າ,ນອກຈາກນີ້ ທ່ານ ຍັງໄດ້ເຜີຍແຜ່ກອງປະຊຸມວິສາມັນຂອງຄະນະບໍລິຫານງານສະຫະພັນກຳມະບານແຂວງ,

ພ້ອມທັງຊຸກຍູ້ວຽກງານຮອບດ້ານ ແລະ ວຽກງານກອງທືນຊ່ວຍເຫຼືອເຊິ່ງກັນແລະກັນຕື່ມອີກ
ກ່ອນຈະເຂົ້າສູ່ໃນການປຶກສາຫາລື ທ່ານ ທົດສະກັນ ພົງສິດທິຈະເລີນ ຮອງປະທານສະຫະພັນກຳມະບານເມືອງອຸທຸມພອນ ຍັງໄດ້ສະຫຼຸບສັງເກດຕີລາຄາຄືນກ່ຽວກັບຜົນງານການເຄື່ອນໄຫວວຽກງານກຳມະບານຜ່ານມາວ່າ: ຜ່ານການເຄື່ອນໄຫວວຽກງານຂະບວນການແຂ່ງຂັນ 5 ເປັນເຈົ້າ ໃນໄລຍະຜ່ານມາສາມາດປະເມີນໄດ້ 20 ຮາກຖານ,ຍັງເຫຼືອ 21 ຮາກຖານແມ່ນກຳລັງປະເມີນຄາດຈະໃຫ້ສຳເລັດໃນທ້າຍປີ 2019
ສ່ວນວຽກງານກອງທືນ ທົ່ວເມືອງມີສະມາຊິກກອງທືນ ຊ່ວຍເຫຼືອເຊິ່ງກັນແລະກັນ 1.074 ຄົນ,ຍິງ 565 ຄົນ,ເກັບເງິນນຳສະມາຊິກໃນປີ 2019 ບວກກັບເງິນແຮຂອງກອງທືນ ແລະ ເງິນຂອງສະມາຊິກທີ່ເຂົ້າໃໝ່ທັງໝົດ 524 ລ້ານກວ່າກີບ,ມອບໃຫ້ແຂວງແລ້ວ 513 ລ້ານກວ່າກີບ,ຍັງເງິນຕົວຈິງ 10 ລ້ານກວ່າກີບ ແລະ ຈະມອບໃຫ້ແຂວງຕື່ມອີກຕາມຈຳນວນເງິນທີ່ຍັງເຫຼືອ,ສ່ວນວ່າເມືອງທີ່ຍັງຄ້າງແຂວງມີ 07 ເລກທີ ນັບແຕ່ເລກທີ 53-60 ເປັນເງິນ 68 ລ້ານກວ່າກີບ
ໃນຜ່ານມາໄດ້ປະຕິບັດນະໂຍບາຍແກ່ຄອບຄົວຜູ້ເສຍຊີວິດ 14 ສົບ,ເປັນເງິນ 496 ລ້ານກວ່າກີບ,ນະໂຍບາຍເຈັບເປັນ,ຜ່າຕັດ,ເກີດລູກ 83 ຄົນ,ເປັນເງິນ 60 ລ້ານກວ່າກີບ,ຄຽງຄູ່ກັນນີ້ຂະຫຍາຍສະມາຊິກກອງທືນໃໝ່ໄດ້ 53 ຄົນ,ສະມາຊິກຍ້າຍເຂົ້າມາ 10 ຄົນ,ຍ້າຍອອກ 9 ຄົນ ແລະ ສະມາຊິກປະລະ 01 ຄົນ.
ເຊິ່ງພິທີແມ່ນໄດ້ຈັດຂື້ນໃນຕອນເຊົ້າຂອງວັນທີ 24 ຕຸລາ 2019 ທີ່ສະໂມສອນຂອງເມືອງອຸທຸມພອນ,ໂດຍການເຂົ້າຮ່ວມຂອງທ່ານ ສົມໃຈ ສີສົມພອນ ຮອງປະທານສະຫະພັນກຳມະບານແຂວງ.

ຂ່າວ ບຸນຊູ ພົມມະເທບ
Medialaos