ໃນວັນທີ 21 ຕຸລາ 2019 ນີ້; ຢູ່ທີ ຫ້ອງປະຊຸມຂອງກອງບັນຊາການທະຫານປະຈໍາເມືອງ ອາດສະພັງທອງໄດ້ເປີດພິທີສະຫຼຸບການເຝີກອົບຮົມການຮຽນການເມືອງ – ການທະຫານໃຫ້ກອງຫຼອນ 2 ກອງຮ້ອຍຄືກອງຮ້ອຍທີ 4 ສາມັກຄີໄຊ ແລະ ກອງຮ້ອຍທີ 6 ດົງນາຂາມ ຂຶ້ນຢ່າງເປັນທາງການ.ໂດຍພາຍໃຕ້ການເຂົ້າຮ່ວມຂອງທ່ານ ອຸໄພວັນ ໄຊຍະວົງ ເຈົ້າເມືອງ ອາດສະພັງທອງ ທັງເປັນປະທານປ້ອງກັນຊາດ – ປ້ອງກັນຄວາມສະຫງົບ ຂັ້ນເມືອງ,ນອກນັ້ນ; ກໍ່ມີຫົວໜ້າກອງບັນຊາການທະຫານເມືອງ ອາດສະພັງທອງ ແລະ ຍັງມີກຳມະການພັກເມືອງຕະຫຼອດຮອດອ້າຍນ້ອງທະຫານ ແລະ ກອງຫຼອນ 2 ກຸ່ມບ້ານ ເຂົ້າຮ່ວມ.

ຈາກການເຝີກອົບຮົມຈາກທິດສະດີ ແລະ ພາກປະຕິບັດຕົວຈິ່ງໃນໄລຍະ 5 ວັນ ຜ່ານມານັບແຕ່ວັນທີ 17 ຫາ 21 ຕຸລາ 2019ນີ້; ບັນດາສະຫາຍກອງຫຼອນໃນ 2 ກອງຮ້ອຍຄື: ກອງຮ້ອຍທີ 4 ສາມັກຄີໄຊ ແລະ ກອງຮ້ອຍທີ 6 ດົງນາຂາມ ມີກໍາລັງອ້າຍນ້ອງກອງຫຼອນເຂົ້າຮໍ່ຳຮຽນທັງໝົດ 83 ສະຫາຍ ໃນນັ້ນ; ຮຽນພາກການເມືອງມີ 2 ເອກະສານ 1 ວັນ, ພາກການທະຫານມີ 3 ພາກ 03 ວັນຄື: ຮຽນພາກສິນລະປະຍຸດມີ 1 ວັນ, ພາກຍຸດທະວິທີ 1 ວັນ ແລະ ພາກລະບຽບ 1 ວັນ. ຜ່ານການຮໍ່າຮຽນໃນໄລຍະຜ່ານມາສາມາດສະເລ່ຍຄະແນນໄດ້ຄື: ຍິງຖຶກເປົ້າ – ຍິງເກັງ 39 ສະຫາຍເທົ່າກັບ 47 % , ປະເພດກາງ 32 ສະຫາຍເທົ່າກັບ 39 % ຄາດໝາຍ 12 ສະຫາຍ 14% .ດ້ານດີ ຄູອາຈານ, ນັກຮຽນແຕ່ລະສະຫາຍກໍ່ໄດ້ປະຕິບັດລະບຽບຢ່າງເຂັ້ມງວດຖືກກໍານົດເວລາທີ່ໄດ້ກໍານົດໄວ້ໃນຕາຕາລາງ, ນັກຮຽນແຕ່ລະສະຫາຍໄດ້ເອົາໃຈໃສຕໍ່ບົດຮຽນຢ່າງຕັ້ງໜ້າບຸກບຶນຜ່ານຜ່າຄວາມຫຍຸ່ງຍາກນາໆ ປະການ ແລະ ມີຄົນສາມາດຍາດຄະແນນເກັ່ງໄດ້ ເທົ່າກັບ 47 %, ກາງ ເທົ່າກັບ 39 % ແລະ ຄາດ ໝາຍເທົ່າກັບ 14% . ພ້ອມດຽວກັນນັ້ນ; ໃນພິທີກໍ່ໄດ້ມີການປະກາດເລື່ອນຊັ້ນ ແລະ ປະດັບຊັ້ນໃຫ້ແກ່ນາຍ ແລະ ພົນທະຫານຜູ້ທີ່ມີຜົນງານທີ່ດີເດັ່ນ ແລະ ຮອດເວລາເລື່ອນ.

ໃນນັ້ນ; ເລື່ອນຊັ້ນ ຮ້ອຍເອກ ຂຶ້ນຊັ້ນ ພັນຕີ ຈໍານວນ 1 ສະຫາຍ, ເລື່ອນຊັ້ນ ຮ້ອຍໂທ ຂຶ້ນຊັ້ນ ຮ້ອຍເອກ ຈໍານວນ 3 ສະຫາຍ, ຮ້ອຍຕີຂຶ້ນຊັ້ນຮ້ອຍຈໍານວນ 1 ສະຫາຍ, ຍິງ 1 ສະຫາຍ, ເລື່ອນຊັ້ນວາທີຂຶ້ນຊັ້ນຮ້ອຍຕີ 1 ສະຫາຍ ແລະ ໄດ້ປະກາດເລື່ອນຊັ້ນ ສິບເອກ ຂຶ້ນຊັ້ນ ວາທີ ຈໍານວນ 2 ສະຫາຍ. ໃຫ້ກຽດປະດັບຊັ້ນໃຫ້ແກ່ນາຍ ແລະ ພົນທະຫານໃນຄັ້ງນີ້; ໂດຍທ່ານ ອຸໄພວັນ ໄຊຍະວົງ ເຈົ້າເມືອງ ອາດສະພັງທອງ ໃຫ້ກຽດປະດັບຢ່າງສົມກຽດ ໂດຍ ເປັນສັກຂີພິຍານຂອງບັນດານາຍ ແລະ ພົນທະຫານທີ່ເຂົ້າຮ່ວມນໍາດ້ວຍ.

ພາບຂ່າວ: ສາຍສະໝຸດ ສິມພະລີວົງ
ນັກຂ່າວເມືອງ: ອາດສະພັງທອງ
Medialaos