ການນໍາເມືອງເຊໂປນພ້ອມຄະນະ ລົງຊຸກຍູ້ວຽກງານຮາກຖານ ເຂດກຸ່ມບ້ານສົບມີ, ກຸ່ມກະຕູບມະຫາດ

0
168

ໃນຕອນເຊົ້າວັນທີ 22-23 ຕຸລາ 2019 ຜ່ານມານີ້ ທ່ານ ຄໍາຫລ້າ ພົມມີໄຊ ຮອງເຈົ້າເມືອງເຊໂປນ ພ້ອມຄະນະ ໄດ້ລົງພົບປະໂອ້ລົມອໍານາດການປົກຄອງ ແລະ ປະຊາຊົນ ຢູ່ກຸ່ມສົບມີ ແລະ ກຸ່ມກະຕູບມະຫາດ ຢູ່ທີ່ໂຮງຮຽນກຸ່ມບ້ານດັ່ງກ່າວ.
ໃນກອງປະຊຸມ ຕາງໜ້າຄະນະພັກຮາກຖານກຸ່ມບ້ານສົບມີ ກໍ່ໄດ້ລາຍງານໂດຍລວມວ່າ: ກຸ່ມບ້ານສົບມີ ປະກອບມີ 04 ບ້ານຂື້ນກັບຄື: ບ້ານສົບມີ,ບ້ານ ແກ້ງຄຶບ,ບ້ານລາດພູຮອມ,ບ້ານວັງໝໍ້ທຸ້ມ ມີຜົນລະເມືອງທັງໝົດ 2.353 ຄົນ,ຍິງ 1.162ມີ 413 ຫຼັງຄາ, ມີ505 ຄອບຄົວ,ປະຊາຊົນສ່ວນຫຼາຍມີອາຊີບເຮັດໄຮ່ເປັນຕົ້ນຕໍ,ປູກຝັງ-ລຽງສັດເປັນສໍາຮອງ ປະຈຸບັນພາຍໃນກຸມບ້ານ ມີເນື້ອທີນາທັງໝົດ 114 ເຮັກຕາ,ເນື້ອທີສວນປູກກ້ວຍ 17 ເຮັກຕາ,ຢາງໂບງ 19 ເຮັກຕາ,ຢາງພາລາ 25 ເຮັກຕາ ,ໄມ້ວິກ 56 ເຮັກຕາ, ຄວາຍ 129 ໂຕ, ງົວ 452 ໂຕ, ໝູ 788 ໂຕ ແບ້ 715 ໂຕ, ສັດປີກ 1320 ໂຕ ໃນກອງປະຊຸມບັນດາທ່ານ ບັນດາສະຫາຍ ກໍ່ໄດ້ພັດປ່ຽນກັນຂື້ນປະກອບຄໍາຄິດຄໍາແລກປ່ຽນບົດຮຽນກັນເຊິ່ງກັນ ແລະ ກັນຢ່າງກົງໄປກົງມາ.

ຈາກນັ້ນ ທ່ານ ຄໍາຫຼ້າ ພົມມີໄຊ ຮອງເຈົ້າເມືືອງເຊໂປນ ກໍ່ໄດ້ມີຄໍາເຫັນໂອ້ລົມຕໍ່ ອໍານາດການປົກ ແລະ ພໍ່ແມ່ປະຊາຊົນວ່າ ທ່ານໄດ້ເນັ້ນໃຫ້ເອົາໃຈໃສ່ໃນການພັດທະນາພື້ນຖານໂຄງລາງພ້ອມທັງຮັກສາຄວາມສາມັກຄີພາຍໃນບ້ານ-ກຸ່ມບ້ານ ໃຫ້ເປັນປຶກແຜນ ເອົາໃຈໃສ່ຕ້ານການປະກົດການຫຍໍ້ທໍ້ຕ່າງໆທີ່ເກີດຂື້ນໃນສັງຄົມ ບໍ່ວ່າຈະເປັນຂີ້ລັກ,ງັດແງະ,ຢາເສບຕິດ ແລະບັນຫາອື່ນໆ ຄຽງຄູ່ກັນນີ້ ກໍ່ຄວນເອົາໃຈໃສ່ເຮັດການຜະລິດປູກຝັງລ້ຽງສັດ ໃຫ້ໄດ້ຫລາຍກາຍເປັນສິນຄ້າສ້າງໃຫ້ຄອບຄົວຂອງປະຊາຊົນມີລາຍຮັບເພີ້ມຂື້ນ.
ໃນໂອກາດລົງມາຢ້ຽມຢາມໃນຄັ້ງນີ້ ທ່ານ ຄໍາຫຼ້າ ພົມມີໄຊ ຮອງເຈົ້າເມືອງເຊໂປນ ພ້ອມຄະນະ ມີເຄື່ອງຈໍານວນໜຶ່ງ,ເງິນ ນໍາມາມອບໃຫ້ ຄະນະພັກຮາກຖານກຸ່ມບ້ານດັ່ງກ່າວ

savannakhet medialaos