ໃນຕອນເຊົ້າຂອງວັນທີ 25 ຕຸລາ 2019 ຢູ່ທີ່ໂຮງຮຽນການເມືອງການປົກຄອງແຂວງສະຫວັນນະເຂດ ໄດ້ຈັດພິທີ ປາຖະກະຖາ 3 ວັນປະຫວັດສາດຄື: ວັນ ປະກາດເອກະລາດ ຄົບຮອບ 74 ປີ, ວັນສ້າງຕັ້ງການທູດ ຄົບຮອບ 74 ປີ ແລະ ລະນຶກວັນສາກົນ ແລະ ສັບປະດາແຫ່ງຊາດ ເພື່ອລືບລ້າງຄວາມທຸກຍາກ ຂອງ ສປປ ລາວ ຄົບຮອບ 32 ປີ ແລະ ຄົບຮອບ 16 ປີໂດຍການໃຫ້ກຽດເຂົ້າຮ່ວມ ແລະ ປາຖະກະຖາຂອງ ທ່ານ ບຸນເລດ ຈັນທອງທິບ ຮັກສາການຫົວໜ້າ ພະແນກກະສິກາ ແລະ ປ່າໄມ້ແຂວງ,ທ່ານ ແກ້ວອຸດອນ ແກ້ວດວງດີ ຮອງຫົວຫນ້າຄະນະໂຄສະນາອົບຮົມແຂວງ, ມີ ບັນດາຫົວໜ້າຫ້ອງການ, ຄະນະຫ້ອງການ, ພະນັກງານ-ລັດຖະກອນ, ທະຫານ, ຕໍາຫຼວດ ອ້ອມຂ້າງແຂວງເຂົ້າຮ່ວມຮັບຟັງ.

ທ່ານ ບຸນເລດ ຈັນທອງທິບ ກໍໄດ້ປາຖະກະຖາກ່ຽວກັບ ລະນຶກວັນ ສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ຂອງ ສປປ ລາວຄົບຮອບ 32 ປີແລະ ຄົບຮອບ 16ປີ (17.10.198-17.10.2019 ແລະ 17-24.10.2003) ເຊິ່ງທ່ານໄດ້ຍົກໃຫ້ເຫັນວ່າ ໃນຖານະທີ່ ສປປ ລາວ ເປັນ ປະເທດສະມາຊິກ ຂອງອົງການສະຫະປະຊາຊາດ ຍາມໃດກໍຖືເອົາວຽກແກ້ໄຂຄວາມທຸກຍາກຂອງປະຊາຊົນເປັນວຽກ ຍຸດທະສາດສໍາຄັນ ແລະ ເປັນໜ້າທີ່ບູລິມະສິດຂອງທົ່ວພັກ-ລັດ ທົ່ວປວງຊົນໄດ້ມີຄວາມພະຍາຍາມເອົາໃຈໃສ່ຊີ້ນໍາ ການຈັດຕັ້ງປະຕິບັດວຽກງານດັ່ງກ່າວຢ່າງຕັ້ງໜ້າຕະຫລອດມາ ໃນກອງປະຊຸມວຽກງານລຶບລາງຄວາມທຸກຍາກທົ່ວປະເທດ ຄັ້ງທີ 1 ວັນທີ17-19 ມີນາ 2003 ໂດຍພາຍໃຕ້ການເປັນປະທານຂອງທ່ານບຸນຍັງວໍລະຈິດ ນາຍົກລັດຖະມົນຕີແຫງ ສປປ ລາວ ໄດ້ກໍານົດ ແລະ ປະກາດເອົາວັນທີ 17-24 ຕຸລາ ຂອງທຸກປີເປັນສັບປະດາແຫ່ງຊາດ ເພື່ອລືບລ້າງຄວາມ ທຸກຍາກ ແລະ ເລີ່ມແຕ່ປີ2003ເປັນຕົ້ນມາລັດຖະບານ ສປປ ລາວ ຮ່ວມກັບອົງການ ສະຫະປະຊາຊາດ ເພື່ອການ ພັດທະນາໄດ້ຈັດຕັ້ງພິທີ, ຈັດຕັ້ງການເຄື່ອນໄຫວກິດຈະກໍາຕ່າງໆ ໃນລະດັບທີ່ແຕກຕາງກັນ ເພື່ອສະເຫລີມສະຫລອງ ວັນສາກົນ ແລະ ສັບປະດາແຫ່ງຊາດ ວັນທີ 17-24 ຕຸລາ ເພື່ອລືບລ້າງຄວາມທຸກຍາກໃນແຕ່ລະປີ
ໃນໂອກາດດຽວກັນນີ້ທ່ານ,ທ່ານ ແກ້ວອຸດອນ ແກ້ວດວງດີ ຮອງຫົວຫນ້າຄະນະໂຄສະນາອົບຮົມແຂວງ ໃຫ້ກຽດປະຖະກະຖາ ວັນປະກາດເອກະລາດ ຄົບຮອບ 74 ປີ ແລະ ວັນສ້າງຕັ້ງ ການທູດລາວ ຄົບຮອບ 74 ປີ ຕື່ມອີກ, ທັງນີ້ກໍ່ເພື່ອ ເຮັດໃຫ້ພະນັກງານພາຍໃນແຂວງສະຫວັນນະເຂດ ໄດ້ເຊື່ອມຊືມ ແລະ ເຂົ້າໃຈຢ່າງທົ່ວເຖິງພ້ອມກັນນໍາເອົາບົດຮຽນດັ່ງກ່າວໄປປະຕິບັດເຂົ້າໃນໜ້າທີ່ວຽກງານຕົວຈິງຂອງຕົນໃຫ້ມີການ ພັດທະນາທີ່ດີຂຶ້ນເລື່ອຍໆ.

savannakhet medialaos