ເຊົ້າວັນທີ 27 ຕຸລາ 2019 ທີ່ສວນສຸຂະພາບ ໜູຮັກ ພູມສະຫວັນ, ນະຄອນໄກສອນພົມວິຫານ ແຂວງສະຫວັນນະເຂດ ໃນການຕ້ອນຮັບຄະນະນໍາ ແລະ ຂະບວນຄາລາວານນັກກິລາລົດຖີບ ຈາກ ສ.ສ. ຫວຽດນາມ ຜ່ານ 3 ປະເທດຄື: ກຳປູເຈຍ, ຫວຽດນາມ ແລະ ລາວ , ພ້ອມເປີດການແຂ່ງຂັນຂະບວນຄາຣາວານລົດຖີບນະຄອນ ໂຮ່ຈິມິນ ສ.ສ ຫວຽດນາມ ໄລຍະທາງທີ 6 ສະຫວັນນະເຂດ-ຄຳມ່ວນ, ໂດຍການເຂົ້າຮ່ວມຂອງທ່ານ ຄໍາພູນ ຕຸໄພທູນ ຮອງເຈົ້າແຂວງສະຫວັນນະເຂດ, ກົງສູນໃຫຍ່ແຫ່ງ ສ.ສ ຫວຽດນາມ ປະຈຳແຂວງສະຫວັນນະຂດ, ຜູ້ອຳນວຍການວິທະຍຸກະຈາຍສຽງ ນະຄອນໂຮ່ຈິມິນ, ເຈົ້ານະຄອນໄກສອນພົມວິຫານ ແລະ ບັນດາການນຳຈາກພາກສ່ວນຕ່າງໆເຂົ້າຮ່ວມ.

ທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະເຂດ ກໍ່ໄດ້ກ່າວເປີດງານຢ່າງເປັນທາງການວ່າ:ສໍາລັບຂະບວນການແຂ່ງຂັນລົດຖີບທາງໄກໄລຍະທາງ 2 ພັນ 374 ກິໂລແມັດ ຈາກນະຄອນໂຮ່ຈິມິນ ສ.ສ ຫວຽດນາມຄັ້ງນີ້ ມີຈຸດປະສົງເພື່ອສະເຫຼີມສະຫຼອງໃຫ້ແກ່ວັນສໍາຄັນທາງປະຫວັດສາດຄື: ວັນລຸກຮືຂຶ້ນຕໍ່ສູ້ພາກໃຕ້ຫວຽດນາມ ຄົບຮອບ 79 ປີ ຄືວັນທີ 23 ພະຈິກ 1940 ຫາວັນທີ 23 ພະຈິກ 2019 ແລະ ວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 75 ປີ ຄືວັນທີ 22 ທັນວາ 1944 ຫາວັນທີ 22 ທັນວາ 2019,

ເປັນຄັ້ງທີ 22 ຊິງຂັນລາງວັນສະຖານີວິທະຍຸກະຈາຍສຽງປະຊາຊົນນະຄອນໂຮ່ຈິມິນ ເຊິ່ງເປັນວັນທີ່ມີຄວາມໝາຍສໍາຄັນທາງປະຫວັດສາດຂອງປະຊາຊົນບັນດາເຜົ່າສອງຊາດ ລາວ-ຫວຽດນາມທີ່ສະແດງເຖິງໄຊຊະນະທີ່ຍິ່ງໃຫຍ່, ສະນັ້ນການແຂ່ງຂັນລົດຖີບຂໍໃຫ້ນັກກິລາທີ່ເຂົ້າຮ່ວມການແຂ່ງຂັນເດີນທາງດ້ວຍຄວາມສະຫວັດດີພາບ.
ໂອກາດນີ້ ການນໍາຂອງທັງ 2 ຝ່າຍ ລາວ-ຫວຽດນາມ ຍັງໄດ້ມອບຂອງຂັວນທີ່ລະນຶກໃຫ້ກັນ ແລະ ກັນ, ພ້ອມນີ້ຄະນະປະທານກໍໄດ້ມອບລາງວັນ ແລະ ເສື້ອ ໃຫ້ນັກກິລາທີມທີ່ໄດ້ຮັບໄຊຊະນະໃນການແຂ່ງຂັນລົດຖີບ ໄລຍະທາງທີ 5 ແຕ່ດ່ານສາກົນ ຈາແປງຄີເອວ ແຂວງສະຕຸແຈງ ປະເທດກຳປູເຈຍ ເຖິງດ່ານສາກົນໜອງນົກຂຽນ ນະຄອນປາກເຊ, ແຂວງຈໍາປາສັກທີ່ສຳເລັດໃນວັນທີ 25 ຕຸລາ 2019, ຄືນັກກິລາ ເສື້ອສີຂາວ, ເສື້ອສີຂຽວ ແລະ ເສື້ອສີເຫຼືອງ.

savannakhet medialaos