ກອງປະຊຸມຈັດຕັ້ງປະຕິບັດ ລາຍຮັບ-ລາຍຈ່າຍ ງົບປະມານແຫ່ງລັດ 9 ເດືອນ ແລະ ທິດທາງແຜນການຈຸດສຸມ 3 ເດືອນທ້າຍປີ2019 ແຂວງໄຊຍະບູລີໄດ້ຈັດຂຶື້ນໃນວັນທີ 28 ຕຸລາ 2019ນີ້ ຢູ່ທີ່ຫ້ອງປະຊຸມຫ້ອງວ່າການປົກຄອງ ແຂວງໄຊຍະບູລີ ໂດຍການເປັນປະທານຂອງ ທ່ານ ສຳລານ ສຸວັນນະໂຊດ ຫົວໜ້າພະແນກການເງິນແຂວງໄຊຍະບູລີ ເຂົ້າຮ່ວມເປັນກຽດຂອງ ທ່ານ ເພັງນິລັນ ຄຳພັນເພັງ ຮອງເຈົ້າແຂວງໄຊຍະບູລີ ມີເຈົ້າເມືອງ, ຮອງເຈົ້າເມືອງ, ຫົວໜ້າ, ຮອງຫົວໜ້າ, ພະແນກການກົມກອງ, ຫົວໜ້າຮອງຫົວໜ້າຫ້ອງການ, ການເງິນເມືອງພ້ອມດ້ວຍພະນັກງານຫຼັກແຫຼ່ງ ຜູ້ທີ່ເຮັດວຽກການເງິນ, ພະແນກການອ້ອມຂ້າງແຂວງເຂົ້າຮ່ວມ.

ໃນພິທີ ທ່ານ ສຳລານ ສຸວັນນະໂຊດ ຫົວໜ້າພະແນກການເງິນແຂວງ ໄດ້ຂື້ນລາຍງານການຈັດຕັ້ງປະຕິບັດເກັບລາຍຮັບລາຍຈ່າຍໃນ 9 ເດືອນ ຜ່ານມາໂດຍຍົກໃຫ້ເຫັນດ້ານດີ, ດ້ານອ່ອນ ຂໍ້ຄົງຄ້າງ ໃນ 9 ເດືອນຜ່ານມາ ໂດຍລວມແລ້ວເຫັນວ່າຍັງມີຄວາມຫຍຸ້ງຍາກເນື່ອງຈາກວ່າ ງົບປະມານລວມຂອງແຂວງຍັງເປັນແຜນຂາດດຸນທີ່ສຸງ ຕ້ອງໄດ້ເພິ່ງພາ ການດຸ່ນດ່ຽງຂອງສູນກາງ 50-55 % ຕໍ່ປີໃນຂະນະທີ່ການຈັດເກັບລາຍຮັບໄດ້ພຽງແຕ່ 60-65 % ຂອງແຜນການປີ, ຕົວເລກທີ່ຕໍ່າເຮັດໃຫ້ການຊໍາລະບາງຫ່ວງລາຍຈ່າຍຊັກຊ້າ ເນື່ອງຈາກຄັງເງິນແຫ່ງຊາດປະຈຳແຂວງຂາດສະພາບຄ່ອງຕົວສະແດງອອກໃນ 9 ເດືອນຜ່ານມາ ສາມາດເກັບລາຍຮັບໄດ້653.298,11 ລ້ານກີບ ເທົ່າກັບ 67,93% ຂອງແຜນການປີທຽບໃສ່ແຜນທີ່ສະພາຮັບຮອງເທົ່າກັບ 67,93% ທຽບໃສ່ໄລຍະດຽວກັນເທົ່າກັບ 103,59%ໃນແຜນໝົດປີ ລາຍຮັບທັງໝົດຕັ້ງໄວ້ 961,688,85 ລ້ານກີບ ສ່ວນການປະຕິບັດລາຍຈ່າຍຕາມແຜນປີ 548.139,89 ລ້ານກີບ ປະຕິບັດໄດ້ 363.416,80 ລ້ານກີບ ເທົ່າກັບ 66,30% ທຽບໃສ່ໄລຍະດຽວເທົ່າກັນ 98,93% ທ່ານຍັງກ່າວຕື່ມອີກວ່າລາຍຮັບທີ່ຕໍ່າ ແລະ ອາໄສການດຸນຈາກສູນກາງສາຍເຫດຍ້ອນລາຍຮັບທີ່ຕິດພັນກັບໂຄງການກໍ່ສ້າງຮັບເໝົາກໍ່ສ້າງພື້ນຖານໂຄງລ່າງຫຼຸດລົງເປັນຕົ້ນລາຍຮັບທີ່ເກັບກຳຈາກໂຄງການໄຟຟ້ານໍ້າຂອງ ຫຼຸດລົງຫຼາຍທຽບໃສ່ປີຜ່ານມາສະເລ່ຍ 3 ຕື້ກ່ວາກີບຕໍ່ເດືອນ ມາຮອດປີ2019ເຫຼືອສະເລ່ຍ 1,5 ຕື້ກີບຕໍ່ເດືອນອີກດ້ານໜຶ່ງຖານລາຍຮັບຍັງເປັນຖານລາຍຮັບທີ່ບໍ່ໝັ້ັ້ັ້ັ້ັ້ັ້ັ້ັ້ັ້ັ້ັ້ນທ່ຽງ ແລະ ບໍ່ສາມາດຮັບຮອງຕໍ່ແຜນງົບປະມານໄດ້ໂດຍສະເພາະຫົວໜ່ວຍລາຍຮັບຢູ່ຂັ້ນທ້ອງຖິ່ນຮາກຖານ ສ່ວນຫຼາຍແມ່ນຖານຂໍ້ມູນລາຍຮັບແບບມອບເໝົາ ບໍ່ຖືກລະບົບບັນຊີ ລະບົບກົນໄກການກວດກາເລັ່ງທວງໜີ້ສິນຄ້າງມອບ ໃນໄລຍະຜ່ານມາບໍ່ປົກກະຕິຕໍ່ເນື່ອງ ການໃຊ້ມາດຕະການຕໍ່ຜູ້ປະກອບການທຸລະກິດທີ່ລະເມີດລະບຽບກົດໝາຍຄ້າງມອບພັນທະອາກອນແກ່ຍາວຍັງບໍ່ທັນເຂັ້ມງວດຈາກນັ້ນກອງປະຊຸມຜູ້ເຂົ້າຮ່ວມຍັງໄດ້ປະກອບຄຳຄິດຄຳເຫັນໃສ່ບົດສະຫຼຸບ ແລະ ທິດທາງແຜນການໃນຕໍ່ໜ້າ ເພື່ອເຮັດໃຫ້ວຽກງານການຈັດເກັບລາຍຮັບຂອງແຂວງໃຫ້ໄປຕາມແຜນການທີ່ວາງໄວ້.

ຂ່າວ: ບຸນທີ ແສງຈັນທະລາ.
Medialaos xayaboury