ກຳມະບານຮາກຖານຄະນະກວດກາແຂວງສາລະວັນປະກາດຮັບຮອງ 5 ເປັນເຈົ້າ 3 ປີຕໍ່ເນື່ອງ

0
222

ໃນວັນທີ 25 ຕຸລາ ປີ 2019 ນີ້ ກຳມະບານຮາກຖານຄະນະກວດກາແຂວງສາລະວັນໄດ້ຈັດກອງປະຊຸມສະຫຼຸບຕີລະຄາພ້ອມທັງຮັບຮອງ 5 ເປັນເຈົ້າ 3 ປີຕໍ່ເນື່ອງຂື້ນຢູ່ທີ່ຫ້ອງປະຊຸມຂອງຄະນະກວດກາແຂວງໂດຍການເປັນປະທານຂອງທ່ານ ນາງ ຄຳພູ ພົງສະຫວັນ ຮອງປະທານຮາກຖານກຳມະບານຄະນະກວດກາແຂວງສາລະວັນ, ເປັນກຽດເຂົ້າຮ່ວຂອງທ່ານ ສຸລິດ ສີລີມະໂນທຳ ປະທານສະຫະພັນກຳມະບານແຂວງ ແລະທ່ານ ຄຳຈັນ ແຈ່ມສະໝອນ ຄະນະປະຈຳພັກແຂວງ ປະທານກວດກາແຂວງ, ພ້ອມແຂກຖືກເຊີນຈາກພາກສ່ວນຕ່າງໆ ແລະອ້າຍເອື້ອຍນ້ອງສະມາຊິກກຳມະບານພາຍໃນເຂົ້າຮ່ວມ,

ທ່ານ ສຸກສາຄອນ ຮຸ່ງເຮືອງ ຮອງປະທານຮາກຖານກຳມະບານຄະນະກວດກາ ແຂວງກໍ່ໄດ້ຂື້ນຜ່ານບົດສະຫຼຸບລາຍງານຕີລະຄາກ່ຽວກັບການຈັດຕັ້ງປະຕິບັດວຽກງານຂອງສະມາຊິກຳມະບານໃນໄລຍະ 3 ປີ, ພ້ອມທັງວາງທິດທາງຕໍ່ໜ້າ, ໃນໄລຍະຜ່ານມາແມ່ນໄດ້ເອົາໃຈໃສ່ໂຄສະນາສຶກສາອົບຮົມການເມືອງແນວຄິດໃຫ້ແກ່ພະນັກງານລັດຖະກອນ, ສະມາຊິກກຳມະບານ, ເປັນຕົ້ນກໍ່ແມ່ນຈັດຕັ້ງເຊື່ອມຊືມເອກະສານມະຕິກອງປະຊຸມໃຫຍ່ຄັ້ງທີ X ຂອງພັກ, ຄັ້ງທີ VIII ຂອງອົງຄະນະພັກແຂວງ, ມະຕິ VII ຂອງສູນກາງກຳມະບານລາວ ແລະມະຕິ VI ຂອງກຳມະບານແຂວງ ແລະມະຕິກອງປະຊຸມໃຫຍ່ຄັ້ງທີ VI ຂອງກຳມະບານຮາກຖານຄະນະກວດກາແຂວງ, ນອກຈາກນັ້ນກໍ່ຍັງໄດ້ເຊື່ອມຊືມວັນສຳຄັນຕ່າງໆຂອງພັດ ແລະຂອງຊາດ, ມະຕິຄຳສັງ, ກົດໝາຍ ແລະລະບຽບການອື່ນທີ່ພັກ-ລັດວາງອອກໃນແຕ່ລະໄລຍະ, ກຳມະບານຮາກຖານຄະນະກວດກາແຂວງມີສະມາຊິກທັງໝົດ 32 ສະຫາຍ, ຍິງ 11 ສະຫາຍ, ປະຈຸບັນມີ 29 ສະຫາຍ, ຍິງ 9 ສະຫາຍ, ຜ່ານການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃນໄລຍະ 3 ປີຜ່ານມາ, ສາມາດຕິລະຄາໄດ້ດັ່ງນີ້ຄື:

ເປັນເຈົ້າການໂຄສະນາສຶກສາອົບຮົມການເມືອງ-ແນວຄິດປະຕິບັດໄດ້ 89%, ເປັນເຈົ້າການໃນການປັບປຸງແບບແຜນການນໍາພາປະຕິບັດໄດ້ ແລະຂະຫຍາຍການຈັດຕັ້ງກຳມະບານ, ເປັນເຈົ້າການໃນການຕິດຕາມ, ກວດກາຄຸ້ມຄອງລັດ, ເສດຖະກິດ-ສັງຄົມ, ເປັນເຈົ້າການໃນການປົກປ້ອງສິດຜົນປະໂຫຍດອັນຊອບທຳຂອງພະນັກງານສະມາຊິກກຳມະບານ, ກຳມະກອນ ແລະຊາວຜູ້ອອກແຮງານປະຕິບັດໄດ້ຂໍ້ລະ 88% ແລະເປັນເຈົ້າການໃນການເຂົ້າຮ່ວມການປະຕິບັດແນວທາງການຕ່າງປະເທດ ແລະລະບຽບກົດໝາຍປະຕິບັດໄດ້ຂໍລະ 87%, ຈາກໜາກຜົນ ແລະຜົນງານໃນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າໃນ 3 ປີຜ່ານມາເຮັດໃຫ້ສະມາຊິກກຳມະບານໄດ້ຮັບການຍ້ອງຍໍ 5 ເປັນເຈົ້າ 3 ປີຕໍ່ເນື່ອງມີທັງໝົດ 28 ສະຫາຍ, ຍິງ 8 ກວ່າສະຫາຍເທົ່າກັບ 98,87%

ພາບຂ່າວ: ສິດຕາ ເພັດວົງສາ
medialaos salavan