ມອບ-ຮັບໜ້າທີ່ເລຂາຄະນະພັກ, ລັດຖະມົນຕີກະຊວງຖວທ ລະຫວ່າງຜູ້ເກົ່າ ແລະ ຜູ້ໃໝ່

0
1395

ພິທີມອບ-ຮັບໜ້າທີ່ເລຂາຄະນະພັກ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ລະຫວ່າງ ທ່ານ ສຈ ດຣ ບໍ່ແສງຄຳ ວົງດາລາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ ຖວທ ຜູ້ເກົ່າ ແລະ ທ່ານ ກິແກ້ວ ໄຂຄຳພິທູນ ອະດີດຫົວໜ້າໂຄສະນາອົບຮົມສູນກາງພັກ, ຄະນະເລຂາທິການສູນກາງພັກ, ເລຂາຄະນະພັກ, ວ່າການລັດຖະມົນຕີ ກະຊວງ ຖວທ ຜູ້ໃໝ່ ຈັດຂຶ້ນວັນທີ 30 ຕຸລາ 2019 ທີ່ຫໍວັດທະນະທຳແຫ່ງຊາດ

ເປັນກຽດເຂົ້າຮ່ວມຂອງທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ, ຕາງໜ້າຈາກຄະນະຈັດຕັ້ງສູນກາງພັກ ກະຊວງກ່ຽວຂ້ອງ ບັນດາທ່ານລັດຖະມົນຕີ, ຮອງລັດຖະມົນຕີ, ຄະນະນຳ ແລະ ພະນັກງານຫຼັກແຫຼ່ງພາຍໃນກະຊວງເຂົ້າຮ່ວມ.

ອີງຕາມມະຕິຕົກລົງຂອງກົມການເມືອງສູນກາງພັກ ວ່າດ້ວຍການອະນຸມັດໃຫ້ພະນັກງານເຂົ້າຮັບອຸດ ໜູນບຳນານ ອີງຕາມການຕົກລົງເຫັນດີໃນກອງປະຊຸມກົມການເມືອງສູນກາງພັກ ອີງຕາມການສະເໜີຂອງຄະນະຈັດຕັ້ງສູນກາງພັກ ດັ່ງນັ້ນ ກົມການ ເມືອງສູນກາງພັກ ອອກມະຕິຕົກລົງໃຫ້ ທ່ານ ສຈ ດຣ ບໍ່ແສງຄຳ ວົງດາລາ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງ ຖວທ ເຂົ້າຮັບເບ້ຍບຳນານ ແລະ ແຕ່ງຕັ້ງທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ ເປັນເລຂາຄະນະບໍລິຫານງານພັກ ວ່າການລັດຖະມົນຕີກະຊວງ ຖວທ ຜູ້ໃໝ່.

Medialaos Massmedia