ກອງປະຊຸມເຊື່ອມຊືມມະຕິການນຳພາຂອງອົງຄະນະພັກ ກອງບັນຊາການທະຫານແຂວງສະຫວັນະເຂດ ປະຈຳໄຕມາດ III ແລະ ວາງທິດທາງແຜນການປະຈໍາໄຕມາດ IV

0
277

ໃນຕອນເຊົ້າຂອງວັນທີ 31 ຕຸລາ 2019 ນີ້ ຢູ່ທີ່ສະໂມສອນກອງບັນຊາການທະຫານແຂວງສະຫວັນະເຂດໄດ້ເປີດກອງປະຊຸມເຊື່ອມຊືມມະຕິການນຳພາຂອງອົງຄະນະພັກກອງບັນຊາການທະຫານແຂວງປະຈຳໄຕມາດ III ແລະ ວາງທິດທາງແຜນການປະຈໍາໄຕມາດ iV ປະຈຳປີ 2019.ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ຈະເລີນ ວົງວິໄຊ ເລຂາພັກ ຫົວໜ້າການເມືອງກອງບັນຊາການທະຫານແຂວງ ມີສະຫາຍ ພັນໂທ ຄຳເພັດ ສຸລິຍະວົງ ຮັກສາການຫົວໜ້າການທະຫານກອງບັນຊາການທະຫານແຂວງສະຫວັນະເຂດມີຄະນະພັກກອງບັນຊາການທະຫານແຂວງ,ທະຫານເມືອງໃນ 14 ຕົວເມືອງກັບ 1 ນະຄອນ,ມີເລຂາໜ່ວຍພັກໃນອົງການ 5 ຫ້ອງໂຮງຮຽນ,ໂຮງໝໍ,ກອງພັນ,ກອງຮ້ອຍທະຫານຊາຍ ແລະ ກົມກອງອອ້ມຂ້າງກອງບັນຊາການເຂົ້າຮ່ວມ.

ສະຫາຍ ພັນໂທ ວັນທອງ ບຸດສະດາ ຄະນະພັກ ຫົວໜ້າຫ້ອງການກອງບັນຊາການທະຫານແຂວງ ຂື້ນຜ່ານບົດສະຫຼຸບຕີລາຄາໃນການຈັດຕັ້ງປະຕິບັດມະຕິນຳພາຂອງອົງຄະນະພັກທະຫານແຂວງປະຈຳໄຕມາດ III ແລະ ວາງທິດທາງແຜນການປະຈຳໄຕມາດ Iv ປະຈໍາປີ 2019 ເຊິ່ງເຫັນໄດ້ຜົນງານຫຼາຍດ້ານເປັນຕົ້ນການປະຕິບັດ 4 ໜ້າທີ່ໃຫ່ຍ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ,ໃນນັ້ນວຽກງານແກ້ໄຂຊິວິດການເປັນຢູ່ຂອງພະນັກງານ-ນັກຮົບຢູ່ກອງບັນຊາການທະຫານແຂວງແມ່ນໄດ້ສຸມໃສ່ການປະຕິບັດຕາມມູນເຊື້ອຂອງກອງທັບດ້ວຍນຳໃຈເພິ່ງຕົນເອງ,ກຸ້ມຕົນເອງ,ສ້າງຄວາມເຂັ້ມແຂງດ້ວຍຕົນເອງໂດຍໄດ້ປ່ອຍປາລວມທັງໝົດ 900 ຖົງ ໄດ້ນຳພາກົມກອງສ້ງລາຍຮັບຈາກການຂາຍສັດລ້ຽງ,ຜຶດຜັກ ແລະ ການບໍລິການຕ່າງໆໄດ້ 596.599.712 ກີບ,ສຳລັບທິດທາງແຜນການໃນຕໍ່ໜ້າທາງຄະນະພັກ-ຄະນະບັນຊາຈະໄດ້ສືບຕໍ່ປະຕິບັດ 4 ໜ້າທີ່ໃຫ່ຍ 26 ແຜນງານຂອງຄະນະພັກກະຊວງປ້ອງກັນປະເທດວາງໃຫ້ໄດ້ດີກວ່າເກົ່າໂດຍສະເພາະວຽກງານເຮັດໃຫ້ສະພາບມີຄວາມສະຫງົບ,ວຽກງານປັບປຸງກໍ່ສ້າງກຳລັງ ແລະ ວຽກງານອື່ນໆ. ຈາກນັ້ນກອງປະຊຸມຍັງໄດ້ຜ່ານບົດສະຫຼຸບການເຄື່ອນໄຫວຕ້ານ ແລະ ສະກັດກັ້ນການລັກລອບຕັດໄມ້ ແລະ ສິນຄ້າເຖື່ອນທີ່ຜິດລະບຽບກົດໝາຍໂດຍອິງໃສ່ຄຳສັ່ງເລກທີ 15/ນຍ ລົງວັນທີ 15 ພຶດສະພາ 2016 ໃນການຈັດຕັ້ງປະຕິບັດຜ່ານມາສາມາດຢຶດໄມ້ຊະນິດຕ່າງໆໄດ້53,042 ແມັດກ້ອນ ພາຫະນະປະເພດຕ່າງໆໄດ້ 35 ຄັນ ໃນນັ້ນລົດໄຖນາ 6 ຄັນ ລົດຈັກ 4 ຄັນ,ຢຶດໄມ້ຂະຍຸງໄດ້ 3,423 ກິໂລ,ໄມ້ທ່ອນ 338 ທ່ອນ,ໄມ້ຕັບ 68 ຕັບ,ໄມ້ເສັ້ນ 617 ເສັ້ນ ແລະ ໄມ້ແປ້ນ 44 ແຜ່ນ.ໃນຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງສະຫາຍ ພົນຈັດຕະວາ ຈະເລີນ ວົງວິໄຊ ຫົວໜ້າການເມືອງ ກອງບັນຊາການທະຫານແຂວງສະຫວັນະເຂດ ກ່ອນອື່ນສະຫາຍໄດ້ສະແດງຄຳຍ້ອງຍໍຊົມເຊີຍຕໍ່ຜົນງານທີ່ບັນດາກົມກອງຍາດມາໄດ້ໃນການເຄື່ອນໄຫວຕ້ານ ແລະ ສະກັດກັ້ນການລັກລອບຕັດໄມ້ ແລະ ສິນຄ້າເຖື່ອນທີ່ຜິດຕໍ່ລະບຽບກົດໝາຍ,ເຊິ່ງເປັນຜົນງານທີ່ພວກເຮົາສາມາດເຮັດໄດ້ ພ້ອມທັງຮຽກຮ້ອງໃຫ້ຄະນະພັກ-ຄະນະບັນຊາແຕ່ລະກົມກອງ,ພ້ອມກັນສືບຕໍ່ປະຕິບັດຄຳສັ່ງຂອງຂັ້ນເທິງໃຫ້ໄດ້ດີກວ່າເກົ່າ,ເຮັດວຽກລວມສູນປະຊາທິປະໄຕ,ແບ່ງວຽກງານໃຫ້ບຸກຄົນຮັບພິຊອບ,ຮັກສາໃຫ້ໄດ້ຄວາມສາມັກຄີຢູ່ໃນໝູ່ຄະນະຈິ່ງຈະພ້ອມກັນເຮັດສຳເລັດໜ້າທີ່-ທີ່ພັກ-ລັດ ແລະ ການຈັດຕັ້ງຂັ້ນເທີງມອບໝາຍໃຫ້.

ກວດຂ່າວໂດຍ ບ ກ ທະຫານແຂວງ
ພາບ – ຂ່າວ ພານິດ ພິລາວົງ
savannakhet medialaos