ໃນທ້າຍອາທິດຜ່ານມານີ້,ຫ້ອງການສຶກສາທິການ ແລະ ກິລາເມືອງໄຊພູທອງ ແຂວງສະຫວັນນເຂດ ໄດ້ຈັດ ພິທີມອບ-ຮັບອາຄານ 2 ຫຼັງ ຄື: ໂຄງການກໍ່ສ້າງໂຮງຮຽນລ້ຽງເດັກ- ອະນຸບານເມືອງໄຊພູທອງ ແລະ ໂຄງ ການກໍ່ສ້າງສະໂມສອນຫ້ອງການສຶກສາທິການ ແລະ ກິລາເມືອງໄຊພູທອງຂື້ນຢ່າງເປັນທາງການ.ໂດຍການເຂົ້າຮ່ວມຂອງ ທ່ານ ຄໍາວິໃສ ຜຸຍຍະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງ ໄຊພູທອງ ມີທ່ານ ຖາວອນ ອິນສີຊຽງໃໝ່ ຮອງຫົວໜ້າພະແນກສຶກສາທິການ ແລະ ກິລາແຂວງ ມີບັນດາທ່ານໃນຄະນະປະຈໍາພັກ

ທ່ານ ໄທ ຫົວໜ້າບໍລິສັດໄດ້ລາຍງານຄວາມເປັນມາຂອງໂຄງການກໍ່ສ້າງອາຄານໄດ້ຂື້ນຜ່ານບົດລາຍງານການກໍ່ສ້າງໂຮງຮຽນລ້ຽງເດັກອະນຸບານເມືອງໄຊພູທອງເຊິ່ງໄດ້ໃຫ້ຮູ້ວ່າ:ອາຄານຮຽນດັ່ງກ່າວນີ້ເລີ່ມຕົ້ນມາແຕ່ວັນທີ 12 ເດືອນ ມີຖຸນາ ປີ 2017 ດ້ວຍທຶນງົບປະມານທັງໝົດ 970 ລ້ານກວ່າກີບ ກີບໂດຍແມ່ນບໍລິສັດເທບທອງຄຳກໍ່ສ້າງເຄຫາສະຖານຈຳກັດເປັນຜູ້ຮັບເໝົາກໍ່ສ້າງຂະໜາດໂຄງການ 10 X 30 ແມັດ ປະກອບດ້ວຍຫ້ອງລ້ຽງເດັກ-ອະນຸບານຂະໜາດ 8 X 8 ແມັດຈໍານວນ 3 ຫ້ອງບໍລິຫານຄູອາຈານຈໍານວນ 1 ຫ້ອງ ແລະ ຫ້ອງນ້ຳ 1 ຫຼັງຈຳນວນ 4 ຫ້ອງ,ຂະໜາດໂຄງການ 20 X 26 ແມັດໃນນັ້ນປະກອບມີໜ່ວຍງານຈັດຕັ້ງ ແລະ ໜ່ວຍງານກວດການ ຫ້ອງນໍ້າຈໍານວນ 5 ຫ້ອງ, ສ່ວນໂຄງການກໍ່ສ້າງສະໂມສອນຫ້ອງການສຶກສາທິການ ແລະ ກິລາເມືອງໄຊພູທອງ ໄດ້ເລີ້ມລົງມືການກໍ່ສ້າງ ແຕ່ວັນທີ 16 ເດືອນ ພຶດສະພາ ປີ 2016 ງົບປະມານໄດ້ຈາກການປະກອບສວ່ນຄູອາຈານພາຍໃນເມືອງ ແລະ ຫ້ອງການສຶກສາທິການ-ກິລາເມືອງໃນມູນການກໍ່ສ້າງ 543 ລ້ານກວ່າກີບ ກີບໂຄງສ້າງເສົາ-ຄານເຮັດດ້ວຍເບຕົງເສີມເຫຼັກ,ຝາກໍ່ດ້ວຍດິນຈີ່,ໂຄງຫຼັງຄາເຫຼັກມຸງດ້ວຍສັງກະສີລີຊິ້ງ,ພື້ນປູດ້ວຍກະໂລ,ຕິດຕັ້ງລະບົບໄຟຟ້າຄົບຊຸດໃນອາຄານ,ຫ້ອງນໍ້າ 6 ຫ້ອງ
ໃຫ້ກຽດຂື້ນກ່າວມອບອາຄານຮຽນດັ່ງກ່າວໂດຍຕ່າງໜ້າບໍລິສັດ ແລະ ກ່າວຮັບໂດຍ ທ່ານ ເມກສຸວັນ ນິນພູສະຫວັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມນີ້ທ່ານຍັງໄດ້ກ່າວມອບອາຄານ ເປັນຜູ້ຄຸ້ມຄອງນໍາໃຊ້ໃຫ້ມີຜົນປະໂຫຍດສູງສຸດໃນການຮຽນ-ການສອນ ກໍຄືການພັດທະນາຊັບພະຍາກອນມະນຸດ ແລະ ພັດທະນາລູກຫຼານ ໃຫ້ມີຄວາມຮູ້ຄວາມສາມາດໃນອະນາຄົດ ແລະ ຮຽກຮ້ອງມາຍັງ ອຳນາດການປົກບ້ານ, ຄູ-ອາຈານ ຈົ່ງພ້ອມກັນປົກປັກຮັກສາອຸປະກອນຕ່າງໆ ແລະ ອາຄານຮຽນຫຼັງນີ້ໃຫ້ສາມາດນຳໃຊ້ໄດ້ຢ່າງຍາວນານ.

ພາບ-ຂ່າວ: ພັນທະມິດ ວົງສຸທິ
savannakhet  medialaos