ຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງອຸທຸມພອນໄດ້ປຶກສາຫາລືກັນກັບ ອຳນາດການປົກຄອງບ້ານທັງ 36 ບ້ານກ່ຽວກັບການກະກຽມພິທີທີ່ຈະຈັດມອບ-ຮັບຂໍ້ຕົກລົງຂອງທ່ານ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງວ່າຈະກຳນົດເອົາບ່ອນໃດ ເປັນບ່ອນມອບ, ສຽງສ່ວນຫຼາຍແມ່ນໃຫ້ເອົາສະໂມສອນຂອງເມືອງ, ສ່ວນວ່າວັນເວລານັ້ນແມ່ນຍັງ ກຳນົດບໍ່ໄດ້ມີແຕ່ວ່າເຂົ້ານຳສະເໜີທາງເມືອງແລ້ວຈິ່ງແຈ້ງໃຫ້ທາງນາຍບ້ານແຕ່ລະບ້ານຮັບຊາບ.

ທ່ານ ນາງ ລຳທອງ ຈັນທະແສງຫົວໜ້າຫ້ອງການ ຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງມີຄຳເຫັນວ່າ: ການມອບຮັບຂໍ້ຕົກລົງຂອງທ່ານ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໃນການປະເມີນຄືນບ້ານວັດທະນະທຳຄັ້ງນີ້ ກໍ່ຕ້ອງມີຄ່າໃຊ້ຈ່າຍຫຼາຍຢ່າງ ບໍ່ວ່າຈະເປັນ ຄ່າຄຳຂວັນ,ຂອບໃສ່ໃບຢັ້ງຢືນ,ນໍ້າດື່ມ ແລະ ອາຫານຫວ່າງສິ່ງເຫຼົ່ານີ້ເຮົາຈະເອົາງົບປະມານສ່ວນໃດມາໃຊ້ຈ່າຍ,ຖ້າອີງໃສ່ຫ້ອງການຂອງພວກເຮົາແລ້ວແມ່ນບໍ່ມີ ສະນັ້ນຈິ່ງລະດົມໃຫ້ແຕ່ລະບ້ານຕ້ອງໄດ້ປະກອບສ່ວນຊ່ວຍເຫຼືອທາງພາກລັດ ແລະ ຄຳຕອບທີ່ໄດ້ມາ ທາງອຳນາດການປົກຄອງແຕ່ລະບ້ານ ແມ່ນເຫັນດີເກັບກັນແຕ່ລະບ້ານ ເພື່ອເປັນຄ່າໃຊ້ຈ່າຍພາຍໃນງານ, ອີກຢ່າງທັງເປັນການປະຫຍັດບໍ່ໃຫ້ຟຸມເຟືອຍຈົນເກີນໄປ

ຈາກນັ້ນ ທ່ານ ຄຳຮຸ່ງ ຈັນໂທສິດທິພອນ ຮອງຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງກໍ່ຍັງນຳສະເໜີຕື່ມອີກວ່າ: ການເຂົ້າຮ່ວມມອບ-ຮັບນັ້ນແມ່ນໃຫ້ກຳນົດເອົາ ບ້ານລະ 5 ທ່ານ, ສຳລັບພາເຂົ້າສາມັກຄີນັ້ນແມ່ນໃຫ້ຕັດອອກເພາະມັນຊິ້ນເປືອງຫຼາຍສົມຄວນເພາະ ງົບປະມານຂອງພວກເຮົາແມ່ນບໍ່ມີ
ເຊິ່ງກອງປະຊຸມປຶກສາຫາລືແມ່ນໄດ້ຈັດຂື້ນໃນຕອນເຊົ້າຂອງວັນທີ 31 ຕຸລາ 2019 ທີ່ຫ້ອງປະຊຸມຂອງຫ້ອງການກະສິກຳ-ປ່າໄມ້ເມືອອງອຸທຸມພອນ,ໂດຍການເຂົ້າຮ່ວມຂອງທ່ານ ນາງ ລຳທອງ ຈັນທະແສງ ຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງ.

ນັກຂ່າວເມືອງອຸທຸມພອນ
ບຸນຊູ ພົມມະເທບ
savannakhet medialaos