ກອງປະຊຸມເຜີຍແຜ່ແນະນຳວຽກງານໂຄສະນາ ແລະ​ ຂະບວນການ​ໃຫ້ແກ່ກອງປະຊຸມໃຫຍ່ ຂອງພັກແຕ່ລະຂັ້ນ ໄດ້ຈັດຂຶ້ນ ໃນວັນທີ​ 4/11/2019​ ທີ່ຫ້ອງປະຊຸມສູນກາງແນວລາວສ້າງຊາດ ໂດຍການເປັນປະທານ​ຂອງທ່ານ​ ປອ ໄຊສົມພອນ ພົມວິຫານ​ ກຳມະການກົມການເມືອງສູນກາງພັກ,​ ປະທານສູນກາງແນວລາວສ້າງຊາດ,​ ຫົວຫນ້າອະນຸກຳມະການໂຄສະນາ ແລະ​ ຂະບວນການ​ ກອງປະຊຸມໃຫຍ່​ ຄັ້ງທີ​ XI​ ຂອງພັກ​ ແລະ​ເຂົ້າຮ່ວມຂອງການນຳຂອງພັກ ແລະ​ ລັດຈາກກະຊວງ,​ ອົງການທຽບເທົ່າ,​ ແຂວງ​ ແລະ​ ນະຄອນຫລວງວຽງຈັນ.

ກອງປະຊຸມເຜີຍແຜ່ແນະນຳວຽກງານໂຄສະນາ ແລະ​ ຂະບວນການ​

ກອງປະຊຸມໄດ້ເຊື່ອມຊຶມມະຕິຂອງກົມການເມືອງກ່ຽວກັບການກະກະກຽມ ແລະ​ ດຳເນີນກອງປະຊຸມໃຫຍ່ ຄັ້ງທີ​ XI​ ຂອງພັກ​ ແລະ​ ກອງປະຊຸມໃຫຍ່​ 3 ຂັ້ນ​ຂອງພັກ,​ ຄຳແນະນຳຂອງອະນຸກຳມະການໂຄສະນາ ແລະ​ ຂະບວນການ,​ ກອງປະຊຸມໄດ້ຮັບຟັງບົດລາຍງານ ແລະ​ ແຜນການໂຄສະນາ ແລະ​ ຂະບວນການໃຫ້ແກ່ກອງປະຊຸມໃຫຍ່ຂອງພັກ​ ກອງປະຊຸມໄດ້ປະກອບຄຳເຫັນ ແລະ​ ແລກປ່ຽນໃນການປະຕິບັດວຽກງານໃນຕໍ່ຫນ້າ.​

ກອງປະຊຸມເຜີຍແຜ່ແນະນຳວຽກງານໂຄສະນາ ແລະ​ ຂະບວນການ​

ໃນຕອນທ້າຍ​ ກອງປະຊຸມໄດ້ຮັບຟັງຄຳຊີ້ນຳຂອງທ່ານ ປອ​ ໄຊສົມພອນ​ ພົມວິຫານ​ ກຳມະການກົມການເມືອງສູນກາງພັກ,​ ປະທານສູນກາງແນວລາວສ້າງຊາດ​ ຫົວຫນ້າອະນຸກຳມະການໂຄສະນາ​ ແລະ​ ຂະບວນການ.​

Medialaos Massmedia