ໃນທ້າຍເດືອນ ຕຸລາ 2019ຜ່ານມານີ້ ທ່ານ ລຳແກ້ວ ແສງໜູທອງ ຮັກສາການ ເລຂາພັກເມືອງ ເຈົ້າເມືອງໆນອງ ພ້ອມຄະນະໄດ້ລົງພົບປະໂອ້ລົມພະນັກງານ ອ້າຍນ້ອງ ປກສ ຢູ່ທີ່ ສະໂມສອນຂອງກອງບັນຊາການ ປກສ ເມືອງ, ແລະ ໄດ້ລົງຢ້ຽມຢາມພະນັກງານແພດໝໍຢູ່ທີ່ຫ້ອງການສາທາລະນະສຸກເມືອງ.

ໃນພິທີທ່ານ ພັນໂທ ແກ້ວດາວອນ ດວງຈັນ ຫົວໜ້າກອງບັນຊາການ ປກສ ເມືອງນອງກໍ່ໄດ້ລາຍງານ ການເຄື່ອນໄຫວ ວຽກງານປ້ອງກັນຄວາມສະຫງົບໃນໄລຍະ 5 ປີຜ່ານມາເຖິງຈຸດດີ, ຈຸດອ່ອນ, ຂໍ້ຄົງຄ້າງ ແລະ ຜົນງານທີ່ຍາດມາໄດ້ ໂດຍສະເພາະແມ່ນ ຕະຫຼອດໄລຍະ 5ປີຜ່ານມາ ດ້ານວຽກງານປະກົດການຫຍໍ້ທໍ້ທີ່ເກີດຂຶ້ນໃນສັງຄົມ ເຊິ່ງມີຄະດີທີ່ເກີດຂຶ້ນທັງໝົດ 38 ລາຍ, ກັກຕົວຜູ້ຕ້ອງຫາມີ 39 ລາຍ, ຍິງ 2 , ມ້າງຄະດີໄດ້ 37 ລາຍ, ມີຜູຖືກຫາ 38 ລາຍ, ຍິງ 2 ລາຍ, ວຽກງານສະກັດກັ້ນຢາເສບຕິດ, ມີຄະດີຢາເສບຕິດເກີດຂຶ້ນທັງໝົດ 7 ລາຍ, ກັກຕົວຜູ້ຖືກຫາ 14 ລາຍ, ຍິງ3 ພ້ອມຂອງກາງ ຢາບ້າຈຳນວນ 3.284 ເມັດ, ໂທລະສັບ 7ເຄື່ອງ, ເງິນ29 ລ້ານກວ່າກີບ, ເງິນບາດ 37.000 ບາດ(ສະກຸນເງິນໄທ), ເງິນ ໂດລາ 700 ໂດລາ, ລົດຈັກ 4 ຄັນ,ສາຍຄໍຄຳ 2 ສະຫຼຶງ,

ຂ່າວຍັງແຈ້ງໃຫ້ຮູ້ຕື່ມອີກວ່າມາໃນຕອນບ່າຍຂອງວັນດຽວກັນນັ້ນ ທ່ານ ລຳແກ້ວ ແສງໜູທອງ ເຈົ້າເມືອງໆນອງ ກໍ່ໄດ້ລົງຢ້ຽມຢາມພົບປະໂອ້ລົມພະນັກງານ ແພດໝໍຢູ່ຫ້ອງປະຊຸມ ຫ້ອງການສາທາລະນະສຸກເມືອງນອງ ໂດຍໄດ້ຮັບຟັງການລາຍງານ ການຈັດຕັ້ງປະຕິບັດວຽກງານໃນໄລຍະ 9 ເດືອນ ຈາກ ທ່ານ ດຣ ນາລອນ ແສງມະນີວັນ ຫົວໜ້າຫ້ອງການ ສາທາລະນະສຸກເມືອງນອງ ໃຫ້ຮູ້ວ່າ:

ຫ້ອງການສາທາລະນະສຸກມີພະນັກງານທັງໝົດ 61 ຄົນ, ຍິງ 33 ຄົນ, ມີພະນັກງານ ອາສາສະໝັກທັງໝົດ 14 ຄົນ, ຍິງ 8 ຄົນ, ມີພະນັກງານ ຊ່ຽວຊານຂັ້ນ 1 ມີ 1 ຄົນ, ປະລິນຍາໂທມີ 6 ຄົນ, ຍິງ 1 ຄົນ, ຊັ້ນສູງ 7 ຄົນ, ຍິງ 6 ຄົນ, ຊັ້ນກາງ 39 ຄົນ, ຍິງ 23 ຄົນ, ຊັ້ນຕົ້ນ 7 ຄົນ, ຍິງ 3 ຄົນ ຈາກນັ້ນກໍ່ໄດ້ອະທິບາຍພາລະບົດບາດສິດ ແລະໜ້າທີ່ ການແບ່ງປັນລະບົບການຈັດຕັ້ງວຽກງານຕ່າງໆລະຫວ່າງ ຫ້ອງການສາທາລະນະສຸກ ກັບໂຮງໝໍ ຂອດການປະສານງານເພື່ອໃຫ້ສອດຄ່ອງຕໍ່ກັບໜ້າວຽກ ແລະໃຫ້ຮູ້ເຖິງການຈັດຕັ້ງປະຕິບັດດ້ານວຽກງານຕ່າງໆເຊັ່ນ: ວຽກງານ ແມ່ ແລະເດັກ, ການສັກຢາກັນພະຍາດ, ວຽກງານການກັນ ແລະຄວບຄຸມໄຂ້ມາລາເຣຍ ແລະ ວຽກງານ ອັດຕາການເກີດ, ການຕາຍ ຂອງແມ່ ແລະເດັກ ແລະ ວຽກງານອື່ນໆນຳອີກດ້ວຍ.

savannakhet medialaos