ໜ່ວຍພັກຄັ້ງເງິນແຫ່ງຊາດປະຈໍາແຂວງສາລະວັນສຳເລັດກອງປະຊຸມໃຫຍ່ຄັ້ງ II

0
152

ກອງປະຊຸມໃຫຍ່ຄະນະໜ່ວຍພັກຄັງເງິນແຫ່ງຊາດປະຈຳແຂວງສາລະວັນຄັ້ງທີ່ II ໄດ້ເປີດຂື້ນ ແລະອັດລົງໃນວັນດຽວກັນ, ວັນທີ 7 ເດຶອນ ພະຈິກ ປີ 2019 ນີ້, ຢູ່ທີ່ຫ້ອງປະຊຸມຂອງພະແນການເງິນແຂວງ ສາລະວັນ, ໂດຍການເປັນປະທານຂອງສະຫາຍ ນາງ ດາວວີ ສີບຸນເຮືອງ ເລຂາໜ່ວຍພັກຄັງເງິນແຫ່ງຊາດປະຈຳແຂວງສາລະວັນ, ເປັນກຽດເຂົ້າຮ່ວມຂອງສະຫາຍ ຂັນທະລັກ ໂພໃຊ ເລຂາຄະນະພັກຮາກຖານ ຫົວໜ້າພະແນກການເງິນແຂວງສາລະວັນ, ມີບັນດາທ່ານ ຕ່າງໜ້າພະແນການຕ່າງໆ ແລະໜ່ວຍພັກຕ່າງໆທີ່ຂື້ນກັບພະແນກ, ພ້ອມດ້ວຍສະມາຊິກພັກເຂົ້າຮ່ວມ.

ສະຫາຍ ນາງ ດາວວີ ສີບຸນເຮືອງ ເລຂາໜ່ວຍພັກຄັງເງິນແຫ່ງຊາດປະຈຳແຂວງສາລະວັນ ກໍ່ໄດ້ຜ່ານບົດລາຍງານການເມືອງ ແລະວາງທິດທາງ 5 ປີຕໍ່ໜ້າ, ພ້ອມທັງບົດສຳຫຼວດການນຳພາລວມໃນໄລຍະ 5 ປີຜ່ານມາໜ່ວຍພັກຄັ້ງເງິນແຫ່ງຊາດປະຈຳແຂວງສາລະວັນກໍ່ແມ່ນໜ່ວຍໜຶ່ງທີ່ນອນໃນຄວາມຮັບຜິດຊອບພາຍໄຕ້ການຊີ້ນຳໆພາຂອງຄະນະພັກຮາກຖານພະແນການເງິນແຂວງສາລະວັນເຊີ່ງມີສະມາຊິກພັກທັງໝົດ 16 ສະຫາຍ, ຍິງ 6 ສະຫາຍ, ໃນໄລຍະຜ່ານກໍ່ໄດ້ເອົາໃຈໃສ່ປະຕິບັດໃນການຊີ້ນໍ້າໆພາ, ສຶກສາອົບຮົມການເມືອງແນວຄິດໃຫ້ແກ່ພະນັກງານສະມາຊິກພັກລັດຖະ ກອນໃນຂອບເຂດຄວາມຮັບຜິດຊອບຂອງຕົນ ແລະໄດ້ເອົາໃຈໃສ່ເຜີຍແຜ່ເຊື່ອມຊືມມະຕິ, ຄຳສັງ, ລະບຽບການຕ່າງໆຂອງພັກ-ລັດວາງອອກເປັນຕົ້ນກໍ່ແມ່ນມະຕິກອງປະຊຸມໃຫຍ່ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ, ມະຕິກອງປະຊຸມໃຫຍ່ຄັ້ງທີ II ຂອງຄະນະພັກຮາກຖານພະແນກການເງິນແຂວງ ແລະມະຕິກອງປະຊຸມໃຫຍ່ຄັ້ງທີ I ຂອງໜ່ວຍພັກຕົນຢ່າງເປັນຂະບວນພົດຟື້ນ, ຖືກຕ້ອງເລິກເຊີ່ງ ແລະສອດຄອງກັບແນວທາງຂອງພັກ-ລັດວາງອອກ, ນອກຈາກນັ້ນກໍ່ໄດ້ເອົາໃຈໃສ່ປັບປຸງກົງຈັກການຈັດຕັ້ງໃຫ້ສອດຄ່ອງກັບໜ້າທີ່ວຽກງານ, ເອົາໃຈໃສ່ວຽກງານວິຊາສະເພາະຂອງຕົ້ນ, ວຽກງານອົງການຈັດຕັ້ງ, ວຽກງານເສດຖະກິດ ແລະວັດທະນະທຳສັງຄົມ, ຜ່ານການຈັດຕັ້ງປະຕິບັດວຽກງານວິຊາສະເພາະຄື: ດ້ານລາຍຮັບແຜນ 5 ປີມີທັງໝົດ 625 ຕື້ກີບ, ປະຕິບັດໄດ້ 711,15 ຕື້ກີບທຽວໃສ່ແຜນ 5 ປີເທົ່າກັບ 113,78%, ດ້ານລາຍຈ່າຍແຜນ 5 ປີມີທັງໝົດ 2.215,53 ຕື້ກີບ, ປະຕິບັດໄດ້ 2.176,69 ຕື້ກີບ, ທຽບໃສ່ແຜນ 5 ປີເທົ່າກັບ 98,25% ແລະການດຸ່ນດຽງໃນ 5 ປີແຂວງສາລະວັນພວກເຮົາຂາດດຸ່ນທັງໝົດ 1.507.43 ຕື້ກີບ, ສູນກາງປະຕິບັດການດຸ່ນດ່ຽງໃຫ້ແຂວງ 1.507.43 ຕື້ກີບເທົ່າກັບ 100%

ທິດທາງຕໍ່ໜ້າສືບຕໍ່ ເພີ້ມທະວີບົດບາດ ແລະຍົກສູງຄວາມສາມາດນຳພາຂອງພັກ, ປັບປຸງການຈັດຕັ້ງໜ່ວຍພັກໃຫ້ປອດໃສ, ເຂັ້ມແຂງ, ໜັກແໜ້ນ ແລະມີຄວາມເປັນເອກະພາບສູງທາງດ້ານແນວຄິດ ແລະການກະທຳ, ເອົາໃຈໃສ່ປັບປຸງກົງຈັກການຈັດຕັ້ງ, ແບແຜນວິທີເຮັດວຽກ, ຕັ້ງໜ້າສຶກສາອົບຮົມການເມືອງແນວຄິດໃຫ້ພະນັກງານລັດຖະກອນສະມາຊິກພັກໄດ້ຮັບຮູ້ເຂົ້າໃຈຢ່າງເລິກເຊີ່ງ, ເອົາໃຈໃສ່ປັບປຸງກໍ່ສ້າງໜ່ວຍພັກໃຫ້ເຕີບໃຫຍ່ເຂັ້ມແຂງ, ນຳພາປຸກລະດົມພະນັກງານ-ສະມາຊິພັກ, ມະຫາຊົນໃຫ້ມີຄວາມຕັດສິນໃຈສູງ, ມີຄວາມດຸໜັ້ນ, ຊື່ສັດປະຢັດ, ອົດທົນ ແລະມີຄວາມເສຍສະຫຼະ, ດ້ານລາຍຮັບ-ລາຍຈ່າຍ ແລະການດຸ່ນດຽງຄື: ດ້ານລາຍຮັບໃນ 5 ປີຕໍ່ໜ້າຕ້ອງສູ້ຊົນເກັບລາຍຮັບເຂົ້າງົບປະມານໃຫ້ໄດ້ 549,65 ຕື້ກີບ, ລາຍຈ່າຍໃຫ້ຢູ່ໃນລະດັບ 2.316,73 ຕື້ກີບ ແລະການດຸ່ນດ່ຽງງົບປະມານ ແຂວງສາລະວັນຈະຂາດດຸ່ນງົບປະມານ ທັງໝົດ 1.767,07 ຕື້ກີບ, ຈາກນັ້ນຜູ້ແທນກອງປະຊຸມກໍ່ໄດ້ປະກອບຄຳຄິດ, ຄຳເຫັນໃສ່ຮ່າງບົດລາຍງານການເມືອງ, ພ້ອມທັງປ່ອນບັດຄັດເລືອກເອົາເລຂາຄະນະໜ່ວຍພັກຊຸດໃໝ່ເຊິ່ງມີຜູ້ສະໝັກທັງໝົດ 5 ສະຫາຍ, ເລືອກເອົາ 3 ສະຫາຍ, ຜ່ານການປ່ອນບັດຄັດເລືອກ ແລະກອງປະຊຸມປະຖົມມະລຶກໄດ້ເຫັນດີຕົກລົງແຕ່ງ ຕັ້ງສະຫາຍ ນາງ ດາວວີ ສີບຸນເຮືອງ ເປັນເລຂາໜ່ວຍພັກຊຸດໃໝ່, ໄດ້ແຕ່ງຕັ້ງສະຫາຍ ມຸກຕິກາ ວົງສາລະວັນ ເປັນຮອງເລຂາ, ທັງເປັນປະທານກວດກາ ແລະໄດ້ແຕ່ງຕັ້ງສະຫາຍ ຄຳພູວົງ ຜຸຍສົມບັດ ເປັນຄະນະໜ່ວຍ.

ພາບຂ່າວ: ສິດຕາ ເພັດວົງສາ
medialaos salavan