ໃນຕອນເຊົ້າຂອງວັນທີ 12 ພະຈິກ 2019 ທີ່ຜ່ານມາ ຢູ່ທີ່ສະໂມສອນເມືອງອຸທຸມພອນ ໄດ້ຈັດໃຫ້ມີພິທີ ມອບຂໍ້ຕົກລົງ ຢັ້ງຢືນການກວດກາ-ປະເມີນບ້ານວັດທະນະທຳເມືອງອຸທຸມພອນ ຊຸດທີ I ປະຈຳປີ 2019. ເປັນ ກຽດເຂົ້າຮ່ວມໃນພິທີຄັ້ງນີ້ມີ ທ່ານ ໂພໄຊ ອິນທະວົງສາ ກຳມະການປະຈຳພັກເມືອງ ຮອງເຈົ້າເມືອງໆອຸທຸມພອນ, ທ່ານນາງ ລຳທອງ ຈັນທະແສງ ກຳມະການພັກເມືອງ ຫົວໜ້າຫ້ອງການ ຖວທ ເມືອງ. ຈາກນີ້ກໍ່ມີບັນດາທ່ານ ຫົວ ໜ້າຫ້ອງການ, ຄະນະຫ້ອງການ, ຄະນະອຳນາດການປົກຄອງບ້ານ, ນາຍບ້ານ ຕະຫຼອດຮອດອົງການຈັດຕັ້ງທີ່ກ່ຽວ ຂ້ອງເຂົ້າຮ່ວມ.

ໃນພິທີ ທ່ານນາງ ລຳທອງ ຈັນທະແສງ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງ ກໍ່ໄດ້ຜ່ານຂໍ້ຕົກລົງຂອງທ່ານຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ສະຫວັນ ນະເຂດ ສະບັບເລກທີ 1642/ຖວທ.ສຂ ວ່າດ້ວຍການຢັ້ງຢືນການກວດກາ-ປະເມີນບ້ານວັດທະນະທຳ ເມືອງອຸ ທຸມພອນ ຊຸດທີ I ປະຈຳປີ 2019 ເຊິ່ງມີທັງໝົດ 36 ບ້ານຄື: ບ້ານໂພນຢານາງ, ໂພນທັນ, ນາຫົວຂົວ, ໂພນເດື່ອ, ໂພນສະຫວ່າງ, ອາຮົງໃຫຍ່, ນາໂພ, ໂນນອຸດົມ, ນາປົ່ງ, ປ່າໜາມ, ນາເກັງ, ເອ້, ນາກະເຊາະ, ດົງນ້ອຍ, ຫົວຄຳ, ກຸດແຂ້, ໂນນສະຫວ່າງ, ສີບຸນເຮືອງ, ພີນເໜືອ, ພີນໃຕ້, ນາຈານ, ໄຊອຸດົມ, ນາທາດ, ໄຊຍະມຸງຄຸນ, ໂນນປ່າໄລ່, ດົງທ່າ, ດົງໃນ, ດົງຂວາງ, ໜອງແປນ, ນາຄຳ, ໂຄກໃຫຍ່, ໂຄກປ່າຫວາຍ, ໄຊຍະເພັດ, ຈະເລີນສຸກ, ກາງໂພສີ ແລະ ໜອງອາຮົງ.

ຈາກນັ້ນ ທ່ານ ໂພໄຊ ອິນທະວົງສາ ຮອງເຈົ້າເມືອງໆອຸທຸມພອນ ກໍ່ໃຫ້ກຽດມອບຂໍ້ຕົກລົງວ່າ ດ້ວຍການຢັ້ງຢືນການກວດກາ-ປະເມີນບ້ານວັດທະນະທຳ ເມືອງອຸທຸມພອນ ຊຸດທີ I ປະຈຳປີ 2019 ໃຫ້ກັບ 36 ບ້ານດັ່ງກ່າວຕາມລຳດັບ. ໃນຕອນທ້າຍຍັງໄດ້ຮັບຟັງການໂອ້ລົມ ຈາກທ່ານ ໂພໄຊ ອິນທະວົງສາ ຮອງເຈົ້າເມືອງໆ ອຸທຸມພອນ ນຳອີກດ້ວຍ.

ຂ່າວ:ພອນປະເສີດ ແຜນພັກດີ
savannakhet medialaos