ກອງປະຊຸມສຳມະນາສຳລັບພະນັກງານສື່ມວນຊົນ ແລະ​ ນັກຂ່າວ​ ຈາກບັນດາປະເທດລຸ່ມແມ່ນໍ້າຂອງ ໂດຍການສະໜັບສະໜູນຂອງພາກລັດຖະບານແຂວງຢຸນນານ,​ ກຸ່ມໜັງສືພິມລາຍວັນຢຸນນານ (Yunnan Daily Press) ຮ່ວມມືກັນຈັດກອງປະຊຸມສຳມະນາສຳລັບພະນັກງານສື່ມວນຊົນ​ ແລະ​ ນັກຂ່າວ​ ຈາກບັນດາປະເທດລຸ່ມແມ່ນໍ້າຂອງ​ ຄັ້ງທີ​ 04 ຂຶ້ນ​ ໃນລະຫວ່າງວັນທີ 13​ ຫາ​ 20​ ພະຈິກ​ 2019​ ທີ່ #ນະຄອນຄຸນມິງ​ #ແຂວງຢຸນນານ #ສປຈີນ.​ ພາຍໃຕ້ຫົວຂໍ້: “ເຂົ້າໃຈປະເທດຈີນໃໝ່”​(Understanding New China) ໂດຍມີຄະນະຜູ້ແທນສື່ມວນຊົນຈາກປະເທດ #ກຳປູເຈຍ,​ #ລາວ,​ #ໄທ​ ແລະ​ #ຫວຽດນາມ.​

ເຊິ່ງຈຸດປະສົງຂອງກອງປະຊຸມສຳມະນາຄັ້ງນີ້ແມ່ນເພື່ອເພີ່ມຄວາມເຂົ້າໃຈກ່ຽວກັບປະເທດຈີນ ກໍຄືພາກຕາເວັນຕົກສ່ຽງໃຕ້ ແຂວງຢຸນນານ​ ພ້ອມທັງປະກອບສ່ວນການຮ່ວມມື​ #ລ້ານຊ້າງ– #ແມ່ຂອງ.​

ໃນ​ໄລຍະກອງປະຊຸມສຳມະນາຜູ້ເຂົ້າຮ່ວມໄດ້ຮັບຟັງກ່ຽວກັບການຮ່ວມມືລະຫວ່າງ ລ້ານຊ້າງ-ແມ່ຂອງ (Lancang -​Mekhong​ Cooperation), ຢ້ຽມຢາມສູນກາງ #ຕະຫລາດຂາຍດອກໄມ້ດູນານ (Dounan Flower Market).

ນອກຈາກນີ້,​ ຈະໄດ້ຮັບຟັງການພັດທະນາສື່ແບບໃໝ່ ແລະ​ ການຮ່ວມມືດ້ານອື່ນໆ ກັບບັນດາປະເທດລຸ່ມແມ່ນໍ້າຂອງ.​

Medialaos Massmedia