ໜ່ວຍພັກເສນາທິການ ພະແນກ ຖວທ ແຂວງ ດຳເນີນຊີວິດການເມືອງທ້າຍສະໄໝ ຄັ້ງທຳອິດ

0
198

ໜ່ວຍພັກ ເສນາທິການ ທີ່ຂຶ້ນກັບພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງສາລະວັນ ດຳເນີນຊີວິດການເມືອງທ້າຍສະໄໝ ຄັ້ງທີ I, ໃນວັນທີ 13 ພະຈິກ 2019 ນີ້. ໂດຍການເປັນປະທານຂອງ ສະຫາຍ ຄຳໄພ ໄຊຍະເດດ ຄະນະພັກຮາກຖານພະແນກ ເລຂາໜ່ວຍພັກເສນາທິການ, ເປັນກຽດເຂົ້າຮ່ວມຂອງ ສະຫາຍ ມະໄລວອນ ສີປະເສີດ ຮອງເລຂາຄະນະພັກຮາກຖານ ຮອງຫົວໜ້າພະແນກ ຖວທ ແຂວງ ຜູ້ປະຈຳການ, ມີໜ່ວຍພັກອ້ອມຂ້າງ ແລະ ຈາກຄະນະກວດກາແຂວງ, ຫ້ອງວ່າການແຂວງ ພ້ອມດ້ວຍສະມາຊິກພັກເຂົ້າຮ່ວມ.

ສະຫາຍ ຄຳໄພ ໄຊຍະເດດ ໄດ້ຜ່ານຮ່າງບົດລາຍງານການເມືອງຂອງໜວ່ຍພັກເສນາທິການ ໃນໄລຍະ 5 ປີຜ່ານມາ ເຊິ່ງມີທັງດ້ານຕັ້ງໜ້າ, ດ້ານດີ, ດ້ານອ່ອນ ແລະບົດຮຽນທີ່ຖອດຖອນໄດ້ເປັນຕົ້ນ: ດ້ານການເມືອງ-ແນວຄິດເປັນກົກ ໄດ້ຈັດຕັ້ງຜັນຂະຫຍາຍມະຕິ X ຂອງສູນກາງພັກ, ມະຕິ VIII ຂອງອົງຄະນະພັກແຂວງ ແລະມະຕິ V ຂອງໜ່ວຍພັກ ແລະຮໍ່າຮຽນເອົາມູນເຊື້ອອັນດີງາມຂອງຜູ້ນຳພັກ-ລັດ. ເຮັດໃຫ້ສະມາຊິກພັກແຕ່ລະສະຫາຍມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ແບບແຜນວິທີນຳພາເຮັັດວຽກທີ່ຖືກຕ້ອງ, ຈົງຮັກພັກດີເຊື່ອໝັ້ນຕໍ່ອຸດົມການຂອງພັກ, ເຄື່ອນໄຫວຈັດຕັ້ງປະຕິບັດວຽກງານໃຫ້ມີຜົນສຳເລັດຕາມການມອບໝາຍຂອງພັກ, ເອົາໃຈໃສ່ກໍ່ສ້າງ ແລະປັບປຸງການຈັດຕັ້ງພັກ, ມີການແບ່ງໜ້າທີ່ຄວາມຮັບຜິດຊອບໃນການຊີ້ໆນຳພາຢ່າງລະອຽດຈະແຈ້ງ, ມີການປຶກສາຫາລືເປັນໝູ່ຄະນະບົນພື້ນຖານການລວມສູນປະຊາທິປະໄຕ, ດຳເນີນຊີວິດການເມືອງຕຳນິຕິຊົມຊ່ວຍເຫຼືອກໍ່ສ້າງກັນເປັນປົກກະຕິ, ດ້ານແບບແຜນວິທີການນຳພາແມ່ນໄດ້ຕັ້ງໜ້າກໍ່ສ້າງ ແລະຂະຫຍາຍພັກໃຫ້ໄດ້ຄຸນນະພາບ, ປັບປຸງແກ້ໄຂສິ່ງຫຍໍ້ທໍ້ຕ່າງໆພາຍໃນໜ່ວຍພັກ.

ໂດຍ: ທິດລານີ
medialaos salavan