ໃນວັນທີ 13 ພະຈິກ 2019 ນີ້ ທ່ານ ຄຳແພງ ເພັດທຸມພອນ ກຳມະການພັກແຂວງ ເລຂາພັກເມືອງ ເຈົ້າເມືອງອາດສະພອນ ພ້ອມຄະນະ ໄດ້ລົງຢ້ຽມຢາມອຳນາດການປົກຄອງ ແລະພໍ່ແມ່ປະຊາຊົນບ້ານທາດອກແກ້ວ ເມືອງອາດສະພອນ ແຂວງສະຫວັນນະເຂດ.
ໂອກາດລົງຢ້ຽມຢາມໃນຄັ້ງນີ້ ກໍ່ໄດ້ຮັບຟັງການລາຍງານ ການຈັດຕັ້ງປະຕິບັດວຽກງານຊີ້ນໍາໆພາຂອງຄະນະບ້ານທາດດອກແກ້ວ ຈາກ ທ່ານ ໝອນໃຈ ທິໄກສອນ ຄະນະບ້ານທາດດອກແກ້ວ, ໂດຍບ້ານທາດດອກແກ້ວ ມີທັງໝົດ 415 ຫຼັງຄາ, ມີ 359 ຄອບຄົວ, ມີພົນລະເມືອງທັງໝົດ 2.127 ຄົນ, ຍິງ 1.070 ຄົນ, ມີສະມາຊິກພັກທັງໝົດ 52 ສະຫາຍ, ຍິງ 12 ສະຫາຍ, ສົມບຸນ 52 ຍິງ 12 ສະຫາຍ, ລັດຖະກອນ 3 ສະຫາຍ, ສະມາຊິກພັກບຳນານ 21 ສະຫາຍ, ຍິງ 4 ສະຫາຍ, ໃນໄລຍະຜ່ານມາຄະນະພັກຂອງພວກເຮົາໄດ້ພ້ອມກັນເຮັດວຽກສຶກສາອົບຮົມການເມືອງແນວມຄິດ ສຸມໃສ່ແຕ່ລະຂົງເຂດວຽກງານເປັນບັນຫາກົກ, ເອົາໃຈໃສ່ຊີ້ນຳ-ນຳພາຊຸກຢູ້ການຈັດເກັບລາຍຮັບເຂົ້າງົບປະມານ ເຮັດໃຫ້ພໍ່ແມ່ປະຊາຊົນມີຄວາມຕື່ນຕົວສູງໃນການເສຍພັນທະ ເສຍພາສີອາກອນໃຫ້ລັດເຊິ່ງສົກປີນີ້ປະຕິບັດໄດ້ 16 ລ້ານກວ່າກີບ, ເທົ່າກັບ 71,36%, ດ້ານການລ້ຽງສັດ ພາຍໃນບ້ານມີຄວາຍ 75 ໂຕ, ງົວ 550 ໂຕ, ແບ້ 730 ໂຕ, ໝູ 69 ໂຕ ແລະ ສັດປີກ 2.600 ໂຕ, ມີໜອງລ້ຽງປາທັງໝົດ 285 ໜອງ, ວຽກງານຄົມມະນາຄົມບ້ານທາດດອກແກ້ວມີເສັ້ນທາງເຂົ້າເຖິງທຸກຫຼັງຄາເຮືອນຢ່າງສະດວກສະບາຍ, ພາຍໃນບ້ານມີລົດໂດຍສານ 4 ຄັນ, ມີລົດໄຖນາເດີນຕາມ 81 ຄັນ, ມີລົດຈັກ 255 ຄັນ, ໂຮງສີເຂົ້າ 5 ເຄື່ອງ ຈັກປັ່ນເຂົ້າ 22 ເຄື່ອງ.

ພ້ອມກັນນີ້ ອຳນາດການປົກຄອງບ້ານ ກໍ່ຍັງໄດ້ສະເໜີໃຫ້ຕໍ່ຄະນະທ່ານເຈົ້າເມືອງ ຊ່ວຍຄົ້ນຄວ້າພິຈາລະນາໃນການສຳລະເງິນທີ່ຍັງຄ້າງ ໃນການກໍ່ສ້າງຫ້ອງການສົງ ຈຳນວນເງິນ 200 ລ້ານກີບ ແລະສະເໜີແກ້ໄຂຊ່ວຍ ກ່ຽວກັບທຶນໃນການຕິດຕັ້ງດອກໄຟເຢືອງທາງ. ໂອກາດນີ້ ກໍ່ຍັງໄດ້ມີການ ອອກບັດ-ມອບບັດ ໃຫ້ສະມາຊິກພັກສົມບູນທັງ 3 ໜ່ວຍພັກຄື: ໜ່ວຍພັກບ້ານນາກຸດຈານ 9 ສະຫາຍ, ໜ່ວຍພັກບ້ານທາດດອກແກ້ວ 20 ສະຫາຍ ແລະໜ່ວຍພັກບ້ານຜັກຂະຫຍ່າ 9 ສະຫາຍ.
ຈາກນັ້ນ, ທ່ານ ຄຳແພງ ເພັດທຸມພອນ ກໍ່ໄດ້ໃຫ້ກຽດໂອ້ລົມຕໍ່ອຳນາດການປົກຄອງບ້ານ ແລະ ພໍ່ແມ່ປະຊາຊົນບ້ານທາດດອກແກ້ວ ເຊິ່ງທ່ານກໍ່ຍັງໄດ້ກ່າວຍ້ອງຍໍຊົມເຊີຍຜົນງານການຊີ້ນຳໆພາ ຂອງຄະນະພັກບ້ານທາດດອກແກ້ວ ທີ່ໄດ້ເອົາໃຈໃສ່ຊີ້ນຳໆພາ ວຽກງານພາຍໃຕ້ການຄຸ້ມຄອງຂອງຕົນ ເຮັດໃຫ້ເກີດມີຜົນສຳເລັດໃນຫຼາຍດ້ານ, ເຊິ່ງມັນໄດ້ກາຍເປັນອີກໜຶ່ງກຳລັງແຮງ ໃນການສ້າງສາພັດທະນາບ້ານເມືອງຂອງພວກເຮົາ, ພ້ອມກັນນັ້ນ, ທ່ານກໍ່ໄດ້ຮຽນຮ້ອງໃຫ້ເອົາໃຈໃສ່ມີສະຕິ ຕໍ່ກັບປະກົດການຫຍໍ້ທໍ້ຕ່າງໆພາຍໃນສັງຄົມ ເຊິ່ງມັນໄດ້ຫັນທຸກຮູບແບບໃນການໃສ່ຮ້າຍປ້າຍສີ ໂຈມຕີພັກ-ລັດຖະບານ ເພື່ອຫວັງມ້າງເພທຳລາຍຄວາມເຊື່ອໝັ້ນ, ສ້າງຄວາແຕກແຍກພາຍໃນ, ບັ່ນທອນແນວຄິດພໍ່ແມ່ປະຊາຊົນໂດຍໃຊ້ສື່ສັງຄົມອອນລາຍ ແລະສື່ໆອື່ນໆ ເພື່ອສ້າງຄວາມແຕກແຍກ ຄວາມສາມັກຄີຂອງປະຊາຊົນບັນດາເຜົ່າ, ສະນັ້ນເຮົາທຸກຄົນຈົ່ງມີສະຕິລະວັງຕົວສູງໃນກາານຮັບຂໍ້ມູນຂ່າວສານຕ່າງໆ ເພື່ອຫຼີກລ້ຽງຂ່າວປອມທີ່ສ້າງຄວາມບໍ່ສະຫງົບຕໍ່ບ້ານເມືອງຂອງພວກເຮົາ.

ພາບ ແລະ ຂ່າວ
ສົມຈິດ ແກ້ວສີຖາທິລາດ
savanakhet medialaos