ສານປະຊາຊົນຕັດສິນຄະດີສໍ້ລາດບັງຫຼວງອາດີດພະນັກງານ ບໍລິສັດລັດວິສາຫະກິດໄປສະນີລາວ

0
1403

ອີງຕາມໃບແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີສະບັບເລກທີ 1671/ຫສນຍ, ລົງວັນທີ 23 ກັນຍາ 2019 ແລະ ເຫັນດີຕາມຜົນການກວດກາຂອງຄະນະກວດກາສູນກາງ ໂດຍສົມທົບກັບກະຊວງໄປສະນີ,ໂທລະຄົມມະນາຄົມ ແລະ ການສື່ສານ ໄດ້ຕົກລົງໃຫ້ດຳເນີນຄະດີຕາມກົດໝາຍຕ້ານສໍ້ລາດບັງຫຼວງຕໍ່ອາດີດພະນັກງານບໍລິສັດລັດວິສາຫະກິດໄປສະນີລາວ ຈຳນວນ 29 ຄົນ.

ດັ່ງນັ້ນ ຕອນເຊົ້າວັນທີ 3 ຕຸລາ 2019 ສານປະຊາຊົນນະຫຼວງວຽງຈັນ ຈຶ່ງໄດ້ພິຈາລະນາຕັດສິນຄະດີສໍ້ຫຼາດບັງຫຼວງ ອາດີດພະນັກງານບໍລິສັດໄປສະນີລາວຈຳນວນ 17 ຄົນ ແລະ ຄົນນອກຈຳນວນ 3 ຄົນ ໃນຂໍ້ຫາສົມຮູ້ຮ່ວມຄິດ ຍັກຍອກເງີນຂອງບໍລິສັດ. ໂດຍໂທດສູງສຸດທີ່ພວກກ່ຽວໄດ້ຮັບແມ່ນຖືກຈຳຄຸກຕະຫຼອດຊີວິດໜຶ່ງຄົນ ສ່ວນຜູ້ອື່ນໄລ່ລຽງກັນໄປ 15 ປີ, 09 ປີ, 04 ປີ, 03 ປີ ແລະ 02 ປີ ຕາມສະຖານໜັກຫຼືເບົາ, ພ້ອມທັງໃຊ້ຄ່າເສຍຫາຍຄືນໃຫ້ແກ່ບໍລິສັດ ແລະ ຍັງຖືກປັບໄໝຕາມມູນຄ່າຄວາມເສຍຫາຍ ອີງຕາມກົດໝາຍວ່າດ້ວຍການສໍ້ລາດບັງຫຼວງ ສະບັບປັບປຸງໃໝ່ ປີ2013. ສ່ວນທີ່ເຫຼືອຍັງຢູ່ຂັ້ນຕອນດຳເນີນຄະດີຂອງອົງການໄອຍະການປະຊາຊົນຈຳນວນ 02 ຄົນ ແລະ ພວມດຳເນີນຄະດີ ຈຳນວນ 12 ຄົນ.

Medialaos Mass Media