ໃນຕອນເຊົ້າວັນທີ 14 ພະຈິກ 2019 ນີ້ຢູ່ທີ່ເດີ່ນບໍລິສັດນໍ້າຕານ ມິດລາວຈຳກັດ ເມືອງ ໄຊບູລີ ໄດ້ຈັດງານພົບປະຊາວສວນອ້ອຍຂຶ້ນ ໂດຍການໃຫ້ກຽດເປັນປະທານ ຂອງທ່ານ ອ່ອນລຳພັນ ບົວສີແກ້ວ ເຈົ້າເມືອງໄຊບູລີ, ທ່ານ ອະທິພອນ ຣາຫຸນປານ ຄະນະກຳມະການຜູ້ຈັດການບໍລິສັດນໍ້າຕານລາວ ມິດລາວ ຈໍາກັດ ພິເສດມີເຈົ້າເມືອງໆອາດສະພອນ, ຮອງເຈົ້າເມືອງຈຳພອນ, ຮອງເຈົ້າເມືອງເຊບັ້ງໄຟ ແລະ ຫົວໜ້າຫ້ອງວ່າການເມືອງໜອງບົກ ແຂວງຄຳມ່ວນ ແລະ ຫົວໜ້າຫ້ອງວ່າການເມືອງໄຊພູທອງ, ຊາວສວນອ້ອຍຈາກເມືອງອ້ອມຂ້າງເຂົ້າຮ່ວມ.
ໃນພິທີ ທ່ານ ອະທິພອນ ຣາຫຸນປານ ຄະນະກໍາມະການຜູ້ຈັດການບໍລິສັດນໍ້າຕານມິດລາວ ຈຳກັດ ກໍ່ໄດ້ກ່າວຄວາມຂອບໃຈມາຍັງຊາວສວນອ້ອຍຂອງບໍລິສັດນໍ້າຕານມິດລາວທີ່ໄດ້ຊ່ວຍສ້າງສະຖິຕິໃໝ່ໃຫ້ກັບບໍລິສັດນໍ້າຕານມິດລາວຂອງເມືອງໄຊບູລີ ແຂວງສະຫວັນນະເຂດ

ເຊິ່ງປີທີ່ຜ່ານມາສາມາດເກັບອ້ອຍເຂົ້າຫີບໄດ້ຫຼາຍກວ່າ 5 ແສນ 6 ໝື່ນໂຕນ ເປັນປີທີ່ໄດ້ອ້ອຍເຂົ້າຫີບຫຼາຍທີ່ສຸດຕັ້ງແຕ່ຕັ້ງບໍລິສັດນໍ້າຕານມິດລາວ ມາເປັນເວລາ 11 ປີ ແລະ ສາມາດຜະລິດນໍ້າຕານໄດ້ຫຼາຍກວ່າ 7 ໝື່ນ 2 ພັນໂຕນ ແລະ ນໍ້າຕານທັງໝົດກໍ່ສາມາດສົ່ງຂາຍໄປປະເທດອີຢູ, ຫວຽດນາມ ແລະ ຈໍາໜ່າຍເອງໃນ ສປປ ລາວ, ຫຼັງຈາກນີ້ກໍ່ຈະໄດ້ສ້າງຕົວເລກສະຖິຕິກັນໃຫມ່ເພາະວ່າ ຊາວສວນອ້ອຍຂອງບໍລິສັດນໍ້າຕານມິດລາວ ຖ້າຢູ່ໃນການຜະລິດອ້ອຍແບບເກົ່າທີ່ໃຊ້ປຸ໋ຍເຄມີ ສິ່ງທີ່ຈະເກີດຂຶ້ນແມ່ນຜົນກະທົບຂອງຊາວສວຍອ້ອຍ,ຊຸມຊົນ ແລະ ປະຊາຊົນທຸກຄົນ ຖ້າຢຸດໃຊ້ສານເຄມີກໍ່ຈະສາມາດເປັນປະໂຫຍດກັບທຸກໆຄົນ, ຄາດວ່າໃນປີ 2021-2022 ຈະຫັນປ່ຽນເປັນອ້ອຍອິນຊີ100% ຈຸດປະສົງຂອງການຈັດງານຄັ້ງນີ້ ກໍ່ເພື່ອເປັນລວບລວມຊາວສວນອ້ອຍມາພົບປະກັນປະຈຳປີ ໂດຍຈະໄດ້ມີການແລກປ່ຽນເຊິ່ງກັນ ແລະ ກັນ, ໄດ້ມີໂອກາດໄດ້ເຫັນການຈັດເທສະການໄດ້ມີໂອກາດໄດ້ອອກຈາກຮ້ານຄ້າການສະແດງສິນຄ້າຕ່າງໆ ແລະ ເປັນການກຽມພ້ອມເປີດຫີບຜະລິດລະດູປີ2019-2020 ເຊິ່ງຈະເປີດຫີບອ້ອຍອໍການິກກ່ອນ ທີ່ຈະເປີດຫີບອ້ອຍໃນວັນທີ20ພະຈິກ ແລະ ໃຫ້ຈົບໃນຕົ້ນເດືອນທັນວານີ້.

ຈາກນັ້ນໃນພິທີ ທ່ານ ອ່ອນລຳພັນ ບົວສີແກ້ວ ເຈົ້າເມືອງໄຊບູລີກໍ່ໄດ້ກ່າວເປີດງານຢ່າງເປັນທາງການວ່າ ໃນການຮ່ວມງານພົບປະຊາວສວນອ້ອຍໃນຄັ້ງນີ້ແມ່ນໄດ້ດຳເນີນ 1ວັນເຕັມເຊິ່ງຈະມີບັນດາຊາວສວນອ້ອຍເມືອງອ້ອມຂ້າງເຂົ້າຮ່ວມ ເຊິ່ງໃນແຕ່ລະປີ ບໍລິສັດນໍ້າຕານມິດລາວກໍ່ໄດ້ຈັດງານພົບປະປະຈຳປີຂຶ້ນທີ່ເປັນປະເພນີທີ່ສືບທອດມາ ແຕ່ສ້າງຕັ້ງບໍລິສັດຂຶ້ນ ພາຍຫຼັງປູກອ້ອຍສິ້ນລະດູຝົນແມ່ນຈະໄດ້ໃຫ້ຊາວສວຍອ້ອຍໄດ້ແລກປ່ຽນ ແລະ ເຫັນການເຄື່ອນໄຫວຂອງບໍລິສັດທີ່ຈັດຂຶ້ນເພື່ອສ້າງຄວາມເຊື່ອຖືໃນການຈັດຕັ້ງປະຕິບັດເພື່ອໃຫ້ສົມກັບຄຳຂວັນບໍລິສັດ ຮ່ວມກັນຢູ່ ຮ່ວມກັນພັດທະນາ ເພື່ອໃຫ້ຊາວສວນອ້ອຍມີຄວາມເຊື່ອໝັ້ນຕໍ່ບໍລິສັດ.

ຈາກນັ້ນຊາວສວນອ້ອຍກໍ່ໄດ້ຮັບຟັງການຜ່ານແຜນການຂອງການຕັດອ້ອຍແຕ່ລະປີ ແລະ ໄດ້ຮັບຟັງການແຈ້ງລາຄາຂອງອ້ອຍໃນປີນີ້ລາຄາອ້ອຍແມ່ນມີ: 3ປະເພດຄື: ອ້ອຍສົດສະອາດເກດ1ໂຕນລະ350.000ກີບ, ອ້ອຍສົດປະເກດ2ໂຕນລະ 337.000ກີບ, ອ້ອຍເປື້ອນຫຼືຍອດຍາວໂຕນລະ317.500ກີບ.
ໂອກາດດຽວກັນກໍ່ໄດ້ຈັບສະຫຼາດລຸ້ນຮັບຊິງໂຊກຈາກທາງບໍລິສັດນໍ້າຕານມິດລາວ ເຊິ່ງມີລາງວັນ ແລະ ໂຊກອັນຍິ່ງໃຫຍ່ໃຫ້ແກ່ຊາວສວນອ້ອຍໂດຍມີລົດຈັກຮອນດ້າເວັບ2 ຄັນ, ຄໍາໜັກ2 ສະຫຼຶງ 2 ເສັ້ນ, ຄໍາໜັກ1 ສະຫຼຶງ 4 ເສັ້ນ, ເຄື່ອງຊັກຜ້າ 3ເຄື່ອງ, ກະຕິກນໍ້າຮ້ອນໄຟ້ຟ້າ 4 ອັນ, ລົດຖີບ 15 ຄັນ, ໝໍ້ໄຟຟ້າ19ອັນ,ພັດລົມ 13 ເຄື່ອງຜ້າຫົ່ມ30ຜືນ ,ໂທລະພາບ32ນີ້ 5 ໜ່ວຍ,ຕູ້ເຢັນ 2 ໜ່ວຍ ແລະຂອງຂວັນລາງວັນອື່ນໆອີກທີ່ຫຼາກຫຼາຍ

savannakhet medialaos