ທ່ານ ພັອ ສົມໝາຍ ພົມມະຈັນ ຮັກສາການຫົວໜ້າກອງບັນຊາການ ປກສ ແຂວງສະຫວັນນະເຂດ,ໄດ້ເຄື່ອນໄຫວຢ້ຽມຢາມ ແລະ ຊີ້ນຳວຽກງານຢູ່ທີ່ກອງພັນປ້ອງກັນເຄື່ອນທີ່ ປກສ ແຂວງ ໃນວັນທີ 20 ພະຈິກ 2019 ນີ້ ໂດຍມີ: ພັທ ບົວສອນ ແສງສະຫວ່າງ ຫົວໜ້າກອງພັນປ້ອງກັນເຄື່ອນທີ່ ປກສ ແຂວງ,ມີຄະນະຫ້ອງ,ຄະນະພະແນກອ້ອມຂ້າງກອງພັນເຄື່ອນທີ່ ແລະ ພະນັກງານຫຼັກແຫຼ່ງພາຍໃນຫ້ອງເຂົ້າຮ່ວມ.

ໃນພິທີທ່ານ ພັທ ບົວສອນ ແສງສະຫວ່າງ ຫົວໜ້າກອງພັນເຄື່ອນທີ່ ປກສ ແຂວງ ໄດ້ລາຍງານສະພາບລວມໂດຍຫຍໍ້,ໂດຍສະເພາະແມ່ນ ການຈັດຕັ້ງປະຕິບັດການຊີ້ນຳໆພາຂອງວຽກງານປ້ອງກັນຄວາມສະຫງົບ ໃນໄລຍະຜ່ານມາ,ເປັນຕົ້ນ ແມ່ນການເຮັດໜ້າທີ່ເຄື່ອນໄຫວສູ້ຮົບ,ວຽກງານການເມືອງນຳພາແນວຄິດ,ແບບແຜນນຳພາແລະວິທີເຮັດວຽກແລະບັນດາວຽກງານວິຊາສະເພາະໃນການເຄື່ອນໄຫວປ້ອງກັນຄວາມສະຫງົບສຸກຢູ່ໃນຂອບເຂດຄວາມຮັບພິຊອບ ໃນນັ້ນ ໄດ້ເອົາໃຈໃສ່ ເຄື່ອນໄຫວກວດກາລາດຕາເວນ ການຄ້າຂາຍເຖື່ອນ,ຂີ່ລັກງັດແງະ,ບັນຫາຢາເສບຕິດຢູ່ຕາມບັນດາເສັ້ນທາງຕ່າງໆໃຫ້ມີຄວາມສະຫງົບແລະປອດໄພ ,ເອົາໃຈໃສ່ນຳພາອົບຮົມ-ຫັດແອບວິຊາສະເພາະແນ່ໃສ່ຍົກສູງສະຕິ ແລະເພີມຄວາມສາມາດຕອບຕ້ານກົນອຸບາຍມ້າງເພທຳລາຍຂອງກຸ່ມຄົນບໍ່ດີ,ຍົກສູງຄວາມສາມາດໃນການນຳພາ-ບັນຊາເຮັດໃຫ້ນາຍ ແລະພົນຕຳຫຼວດກຳແໜ້ນຫຼັກການ ແລະເຕັກນິກມີຄວາມຊຳນິຊຳນານໄປພ້ອມໆກັນ.

ໂອກາດດຽວກັນ ທ່ານ ຮັກສາການຫົວໜ້າກອງບັນຊາການ ປກສ ແຂວງ, ກໍ່ໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນງານໃນການເຄື່ອນໄຫວຈັດຕັ້ງປະຕິບັດ ໜ້າທີ່ການເມືອງຂອງກົມກອງ ໃນໄລຍະຜ່ານມາ ແລະເນັ້ນໜັກໃຫ້ສືບຕໍ່ເອົາໃຈໃສ່ວຽກສືກສາອົບຮົມການເມືອງນໍາພາແນວຄິດ,ການຝຶກຝົນຫຼໍຫຼອມທາງດ້ານຄຸນທາດການເມືອງ,ຄຸນສົມບັດສິນທຳປະຕິວັດໃຫ້ເປັນປົກກະຕິ,ພ້ອມເອົາໃຈໃສ່ປັບປຸງກໍ່ສ້າງກົມກອງໃຫ້ເຕີບໃຫຍ່ເຂັ້ມແຂງ,ກໍ່ສ້າງກຳລັງໃຫ້ມີຄວາມຮູ້ຄວາມສາມາດ ແລະຄວາມເຂັ້ມແຂງທາງດ້ານວຽກງານວິຊາສະເພາະ,ພ້ອມທັງເປັນເຈົ້້າການໃນການສະກັດກັ້ນແກ້ໄຂປະກົດການຫຍໍ້ທໍ້ໃນສັງຄົມໃຫ້ຫລຸດລົງໄປເລື້ອຍໆ.

ພາບ:ຂ່າວ ບອນຄຳ
savannakhet medialaos