ສຫພແມ່ຍິງເມືອງ ອາດສະພັງທອງ ປາຖະກະຖາວັນສາກົນເພື່ອລົບລ້າງຄວາມຮຸນແຮງຕໍ່ແມ່ຍິງ ແລະ ເດັກຍິງ ຄົບຮອບ 19 ປີ

0
345

ໃນວັນທີ 20 ພະຈິກ 2019 ນີ້; ຢູ່ທີ່ສະໂມສອນຂອງເມືອງ ອາດສະພັງທອງ ສະຫະພັນແມ່ຍິງເມືອງ ອາດສະພັງທອງ ແຂວງສະຫວັນນະເຂດ.ໄດ້ຈັດພິທີປາຖະກະຖາວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກຍິງ ວັນທີ 25 ພະຈິກ 2000 ຫາ ວັນທີ 25 ພະຈິກ 2019 ຄົບຮອບ 19 ປີຂຶ້ນຢ່າງເປັນທາງການ. ໂດຍພາຍໃຕ້ການເຂົ້າຮ່ວມ ແລະ ໃຫ້ກຽດປາຖະກະຖາແກ່ວັນດັ່ງກ່າວໂດຍທ່ານ ສຸລິໂຍ ສີລາວົງ ຮອງເຈົ້າເມືອງ ອາດສະພັງທອງ ຜູ້ຊີ່ນໍາວຽກງານວັດທະນະທໍາ ສັງຄົມທັງເປັນປະທານກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ເດັກນ້ອຍຂັ້ນເມືອງ, ມີກໍາມະການພັກເມືອງ, ຫົວໜ້າ, ຮອງຫົວນ້າຫ້ອງການຕະຫຼອດຮອດສະຫະພັນແມ່ຍິງໃນທົ່ວເມືອງກໍ່ໄດ້ເຂົ້າຮ່ວມຮັບຟັງ.

ໃນວັນທີມີຄວາມໝາຍ ແລະ ຄວາມສໍາຄັນນີ້; ທ່ານ ສຸລິໂຍ ສີລາວົງ ຮອງເຈົ້າເມືອງ ອາດສະພັງທອງ ກໍ່ໄດ້ໃຫ້ກຽດຂຶ້ນກ່າວປາຖະກະຖາໂດຍທ່ານໄດ້ເວົ້າເຖິງປະຫວັດຄວາມເປັນມາຂອງວັນສາກົນຢຸດຕິຄວາມຮຸງແຮງຕໍ່ແມ່ຍິງ ແລະ ເດັກຍິງ 25 ພະຈິກ, ບັນດານະໂຍບາຍ ແລະ ນິຕິກໍາກົນພາຍໃນພາກພື້ນ ແລະ ສາກົນເພື່ອລຶບລ້າງສະພາບຄວາມຮຸນແຮງຕໍ່ແມ່ຍິງໃນ ສປປ ລາວ, ກົນໄກສົ່ງເສີມຄວາມສະເໝີພາບລະຫວ່າງຍິງ – ຊາຍຕື່ມອີກດ້ວຍ. ຈາກນັ້ນ; ໃນພິທີກໍ່ໄດ້ມີການຜ່ານຂໍ້ຕົກລົງຂອງປະທານກໍາມະບານແຂວງ ສະຫວັນນະເຂດວ່າດ້ວຍການຮັບຮອງເອົາຄະນະບໍລິຫານງານສະຫະພັນແມ່ຍິງເມືອງ ອາດສະພັງທອງ ຄັ້ງທີ IX

ຕໍ່ຈາກນັ້ນກໍ່ຍັງໄດ້ຈັດພິທີມອບ – ຮັບໃບຍ້ອງຍໍສັນລະເສີນບ້ານ, ຮາກຖານ ແລະ ໜ່ວຍໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ແລະ ມອບ – ຮັບໃບຢັ້ງຢືນບ້ານ, ຮາກຖານ ແລະ ໜ່ວຍໃນການຈັດຕັ້ງປະຕິບັດຂໍ້ແຂ່ງຂັນ 3 ດີໃຫ້ແກ່ 40 ບ້ານ, 8 ຮາກຖານ ແລະ 31 ໜ່ວຍໃຫ້ກຽດມອບໂດຍທ່ານ ລິໂຍ ສີລາວົງ ຮອງເຈົ້າເມືອງ ອາດສະພັງທອງ ຜູ້ຊີ່ນໍາວຽກງານວັດທະນະທໍາ – ສັງຄົມທັງເປັນປະທານກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ເດັກນ້ອຍຂັ້ນເມືອງໃຫ້ກຽດມອບຢ່າງສົມກຽດໂດຍຊ່ອງໜ້າກັບບັນດາແຂກຜູ້ເຂົ້າຮ່ວມເປັນສັກຂີພິຍານນໍາດ້ວຍ.

ພາບຂ່າວ: ສາຍສະໝຸດ ສິມພະລີວົງ
savannakhet medialaos