ສື່ມວນຊົນບັນດາປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ​ ມີການຮ່ວມມືນັບມື້ດີຂຶ້ນ

0
205

ກອງປະຊຸມສຳມະນາພະນັກງານສື່ມວນຊົນ​ ແລະ​ ນັກຂ່າວ​ ບັນດາປະເທດລຸ່ມແມ່ນໍ້າຂອງ​ ຄັ້ງທີ​ 4 ທີ່ໄດ້ຈັດຂຶ້ນໃນລະຫວ່າງວັນທີ 13​ ຫາ​ ທີ​ 20​ ພະຈິກ​ 20​19​ ປິດລົງດ້ວຍຜົນສຳເລັດ ໂດຍການສະໜັບສະໜູນຈາກກຸ່ມກິດຈະການໜັງສືພິມລາຍວັນຢຸນນານ( Yunnan Daily Press​ Group) ຮ່ວມກັບພາກລັດຖະບານແຂວງຢຸນນານ​ ສປ ຈີນ​ ເຊິ່ງກອງປະຊຸມສຳມະນາຄັ້ງນີ້ຄະນະສື່ມວນຊົນໄດ້ແລກປ່ຽນບົດຮຽນ ເຊິ່ງກັນ ແລະ​ ກັນ​ ຢ່າງຫລາກຫລາຍ​ ດັ່ງວິໄສທັດໜຶ່ງແມ່ນໍ້າ ໜຶ່ງຄອບຄົວດຽວກັນ(One River One Family).​

ໃນກິດຈະກຳສຳມະນາຄະນະສື່ມວນຊົນໄດ້ລົງທັດສະນະສຶກສາ​ພື້ນທີ່ສຳຄັນຫລາຍແຫ່ງເປັນຕົ້ນເຂດພັດທະນາເສດຖະກິດເຕັກໂນໂລຊີ​ທີ່ທັນສະໄຫມ( Sunelan)​ ຜ່ານການສຳພາດເຫັນວ່າ ພາກລັດຖະບານໄດ້ເອົາໃຈໃສ່ຊຸກຍູ້ຢ່າງແຂງແຮງ ເຊັ່ນວ່າການຫລຸດຜ່ອນດ້ານພາສີອາກອນ,​ ນະໂຍບາຍການເສຍພາສີທີ່ດິນໃນໄລຍະ 5 ປີທຳອິດ ພ້ອມດຽວກັນກຸ່ມບໍລິສັດກໍຍັງຊຸກຍູ້ທືນການສຶກສາໃຫ້ປະຊາຊົນໃນເຂດທ້ອງຖິ່ນ ແລະ​ ຮັບປະຊາຊົນໃນເຂດພື້ນທີ່ເຂດພັດທະນາເສດຖະກິດ​ ເຂົ້າມາເຮັດວຽກໃນບໍລິສັດຕົນເອງ.​

ນອກຈາກນີ້,​ ຄະນະສື່ມວນຊົນໄດ້ເດີນທາງຢ້ຽມຢາມດ່ານສາກົນຂົ່ນສົ່ງສິນຄ້າລະຫວ່າງ ເມືອງເຫີໂຂໂຄຕີ່ ແຂວງຢຸນນານ​ ສປຈີນ​ ແລະ​ ເມືອງຫາຍຟອງ ແຂວງລາວກາຍ​ ສສ ຫວຽດນາມ​ ເຊິ່ງໃນພື້ນທີ່ດັ່ງກ່າວໄດ້ກາຍເປັນດ່ານຂົ່ນສົ່ງສີນຄ້າທີ່ສຳຄັນຂອງແຂວງຢຸນນານ​ ໂດຍມີສິນຄ້າສົ່ງອອກຫລາຍປະເພດໃນສິນຄ້າອຸປະໂພກ-ບໍລິໂພກ,​ ສິນຄ້າເອເລັກໂຕຼນິກ ແລະ​ ສິນຄ້ານຳເຂົ້າສ່ວນຫລາຍແມ່ນແຮ່ທາດສຳຄັນອື່ນໆ.

Medialaos MMD