ທຸກມື້ນີ້ຫຼາຍທ່ານເຮັດວຽກໜັກ ແລະ ສ່ວນຫຼາຍແມ່ນພະນັກງານໃນຫ້ອງການ, ເຮັດວຽກກັບຄອມພິວເຕີ ຈີ່ງສົ່ງຜົນຕໍ່ສຸຂະພາບ ບໍ່ວ່າຈະເປັນບັນຫາດ້ານສາຍຕາ, ຄວາມຄຽດ, ເຈັບຫົວ ແລະ ບັນຫາສຸຂະພາບຫຼາຍຢ່າງ ບາງທ່ານແກ້ໄຂບັນຫາໂດຍການກິນຢາ ຫຼື ວິຕາມິນຕ່າງໆ ທີ່ອາດມີສານຕົກຄ້າງໃນຮ່າງກາຍ ແຕ່ເບີ່ງຂ້າມສະໝູນໄພຂ້າງຮົ້ວທີ່ເຕັມໄປດ້ວຍຄຸນນະພາບ ນັ້ນຄືດອກອັນຊັນນັ້ນເອງ.

ດອກອັນຊັນມີດີ ແລະ ຄຸນປະໂຫຍດຫັຍງແດ່

  1. ຫຼຸດຜ່ອນຄວາມຄຽດ
  2. ບຳລຸງຮ່າງກາຍ
  3. ແກ້ອາການເຈັບທ້ອງ
  4. ລຳບຸງສາຍຕາ ແລະ ແກ້ອາການຕາຟາງ
  5. ປ້ອງກັນສະໝອງເສື່ອມ
  6. ແກ້ ແລະ ຫຼຸດອັດຕາຜົມຫຼົ່ນ
  7. ຊ່ອຍໃຫ້ຫາຍໃຈຄ່ອງແຄ້ວ ແລະ ສະດວກຂື້ນ
  8. ບຳລຸງເລືອດ

ສູດນໍ້າອັນຊັນສຳລັບບຳລຸງສາຍຕາ

ວັດຖຸທີ່ຕ້ອງກຽມ

  1. ດອກອັນຊັນສົດ 100 ກຼາມ
  2. ນໍ້າເຜີ້ງແທ້ 2 ບ່ວງ
  3. ນໍ້າໝາກນາມ 1 ບ່ວງ
  4. ນໍ້າຕານເຊື່ອມ 4 ບ່ວງ
  5. ນໍ້າສະອາດ 2 ຖ້ວຍ

ວິທີເຮັດ

  • ລ້າງດອກອັນຊັນໃຫ້ສະອາດດີ ແລ້ວເອົາມາຕົ້ມລົງໃນນໍ້າທີ່ຟົດ ແລ້ວອັດຝາໝໍ້ໄວ້ ປະມານ 5 ນາທີ.
  • ເມື່ອຄົບ 5 ນາທີແລ້ວໃຫ້ເປີດຝາໝໍ້ແລ້ວຖອກນໍ້າອັນຊັນໃຫ້ເຢັນ.
  • ຈາກນັ້ນຕອງເອົາແຕ່ນໍ້າອັນຊັນ ແລ້ວເອົານໍ້າດອກອັນຊັນປະສົມກັບໜາກນາວ, ນໍ້າເຜີ້ງ ແລະ ນໍ້າເຊື່ອມ ຕາມໃຈມັກ ແລະ ຫຼັງຈາກນັ້ນຖອກໃສ່ຈອກ, ໃສ່ນໍ້າກ້ອນ ແລ້ວດື່ມໄດ້ເລີຍ ຮັບຮອງຊື່ນໃຈທ່ານແນ່ນອນ.

ສູດດອກອັນຊັນຈືນກອບ

ວັດຖຸທີ່ຕ້ອງກຽມ

  1. ດອກອັນຊັນສົດ
  2. ແປ້ງກອບ
  3. ນໍ້າແຈ່ວໄກ່

ວິທີເຮັດ

  • ເລີ່ມຈາກລ້າງດອກອັນຊັນໃຫ້ສະອາດ ແລ້ວເອົາມາປະໄວ້ບໍ່ໃຫ້ມີນໍ້າ.
  • ປະສົມກັບແປ້ງກອບ ກັບນໍ້າແລ້ວເອົາດອກອັນຊັນມາຈຸ່ມແປ້ງ
  • ເອົາດອກອັນຊັນທີ່ຈຸ່ມແປ້ງແລ້ວມາຈືນໃສ່ນໍ້າມັນຮ້ອນໆ ຈົນເຫຼືອງກອບແລ້ວຕັກຂື້ນໃຫ້ສະເດັດນໍ້າມັນ.
  • ເສີບດອກອັນຊັນກອບພ້ອມນໍ້າແຈ່ວໄກ່ ຕົບແຕ່ງຈານດ້ວຍດອກອັນຊັນສົດຮັບຮອງວ່າແຊບຫຼາຍ.

ຖືເປັນສະໝູນໄພຂ້າງຮົ້ວທີ່ຫຼາຍໄປດ້ວຍຄຸນປະໂຫຍດນາໆ ປະການຢ່າລືມລອງກິນເບີ່ງເດີ.