ພະແນກ ຊສ ອັດຕະປື ເຊື່ອມຊຶມເອກະສານສຳຄັນຂອງພັກ

0
135

ກອງປະຊຸມເຊື່ອມຊຶມເອກະສານສຳຄັນຂອງພັກ ທີ່ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ ອັດຕະປື ໄດ້ຈັດຂຶ້ນໃນ ວັນທີ 28 ພະຈິກ 2019 ຄັ້ງນີ້ ມີພະນັກງານການນຳ ແລະ ພະນັກງານວິຊການພາຍໃນເຂົ້າຮ່ວມ ເອກະສານທີ່ນຳມາເຊື່ອມຊຶມ ມີມະຕິຂອງກົມການເມືອງສູນກາງພັກ ປະຊາຊົນປະຕິວັດລາວ ເລກທີ 076/ກມສພ, ລົງວັນທີ 19 ສິງຫາ 2019; ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 12 ສະໄໝທີ x ແລະ ມະຕິອົງການປົກຄອງແຂວງ ປະຈຳງວດ III (7,8,9) ປີ 2019.

ການເຊື່ອມຊຶມເອກະສານສຳຄັນຂອງພັກ ທ່ານ ວົງທອງ ຍົດລືໄຊ ຮອງຫົວໜ້າພະແນກ ຊສ ແຂວງ ອັດຕະປື ຍົກໃຫ້ເຫັນວ່າ: ສິ່ງສຳຄັນແມ່ນແນໃສ່ໃນການວາງແຜນການ ຄຸ້ມຄອງ, ປົກປັກຮັກສາ ແລະ ພັດທະນາປະເທດຊາດໄປໃນໄລຍະໄໝ່ໄປຕາມລະບຽບ ກົດໝາຍ ເຮັດໃຫ້ວຽກພາຍໃນພະແນກພະຍາກອນທຳມະຊາດ ມີໝາກຜົນຕົວຈິງໂດຍ ປະຕິບັດຕາມ ມະຕິຂອງກົມການເມືອງ ສູນກາງພັກ ແລະ ມະຕິຕ່າງໆຂອງແຂວງນີ້ເພື່ອແນໃສ່ເຮັດໃຫ້ຄະນະພັກ-ຄະນະນຳ, ສະມາຊິກພັກ ກໍຄື ພະນັກງານ-ລັດຖະກອນ ພາຍໃນຂົງເຂດຂອງຕົນໄດ້ຮັບຮູ້ເຂົ້າໃຈ, ກຳແໜ້ນ ແລະ ເປັນເອກະພາບສູງ ຕໍ່ບັນດາເນື້ອໃນພ້ອມກັນສືບຕໍ່ຫັນ​ເອົາມະຕິດັ່ງກ່າວ ເປັນທິດທາງ ແລະ ເປັນແຜນປະຕິບັດງານລະອຽດ ຍົກສູງຄວາມເປັນເຈົ້າການນຳພາ ໃນການຈັດຕັ້ງຜັນຂະຫຍາຍມະຕິຢູ່ໃນຂະແໜງການຂອງຕົນໃຫ້ຟົດຟື້ນ, ແຂງແຮງ, ຕໍ່ເນື່ອງ ແລະ ເຂົ້າສູ່ລວງເລິກເທື່ອລະກ້າວ.

Medialaos