ໄຊຍະບູລີ ເປີດຊຸດຮຽນທິດສະດີການເມືອງ-ການປົກຄອງຊັ້ັນກາງຮຸ້ນທີ XVI ໃຫ້ພະນັກງານສືບທອດ

0
150

ໂຄງການເປີດຊຸດຮຽນທິດສະດີການເມືອງ-ການປົກຄອງຊັ້ັນກາງຮຸ້ນທີ XVI ຂອງໂຮງຮຽນການເມືອງ-ການປົກຄອງ #ແຂວງໄຊຍະບູລີ ສົກປີ 2019-2021 ໄດ້ຈັດຂຶ້ນໃນວັນທີ 27 ພະຈິກນີ້ຢູ່ທີ່ຫ້ອງປະຊຸມໂຮງຮຽນການເມືອງ-ການປົກຄອງແຂວງ. ເຂົ້າຮ່ວມມີ ທ່ານ ນາງ ບຸນພັກ ອິນທະປັນຍາ ກໍາມະການປະຈໍາພັກແຂວງ ຮອງເຈົ້າແຂວງໄຊຍະບູລີ, ທ່ານ ປອ ສີສອນພັນ ບຸນສີ ຫົວໜ້າໂຮງຮຽນການເມືອງ-ການປົກຄອງແຂວງ, ມີແຂກຄືກເຊີນ ພ້ອມດ້ວຍຄູອາຈານ ແລະ ນັກສຶກສາເຂົ້າຮ່ວມ 50 ກວ່າຄົນ.

ທ່ານ ປອ ສີສອນພັນ ບຸນສີ ຫົວໜ້າໂຮງຮຽນການເມືອງ-ການປົກຄອງແຂວງ ໄດ້ກ່າວວ່າ: ເນື້ອໃນຫຼັກສູດການຮຽນ-ການສອນໃນຄັ້ງນີ້ ແມ່ນສຸມໃສ່ຂົງເຂດທິດສະດີການເມືອງ(ມາກ-ເລນິນ), ແນວຄິດ ໄກສອນ ພົມວິຫານ ຂົງເຂດການບໍລິຫານການປົກຄອງ, ຂົງເຂດການຄຸ້ມຄອງທາງດ້ານເສດຖະກິດ; ນອກຈາກວິຊາຫຼັກດັ່ງກ່າວ ຍັງມີການລາຍງານເພີ່ມກ່ຽວກັບຫົວຂໍ້ຕ່າງໆທີ່ພົວພັນໂຄງການເຊັ່ນ: ມະຕິ, ຂໍ້ກໍານົດ, ກົດໝາຍຕ່າງໆ ຂອງພັກ-ລັດໃນແຕ່ລະໄລຍະ, ມີວິຊາຫຼັກເສັງ 2 ເທື່ອ: ເສັງຂຽນ ແລະ ເສັງປາກເປົ່າ, ມີ 6 ວິຊາຄື: ວິຊາປັດຊະຍາ, ເສດຖະກິດການເມືອງ, ລັດທິສັງຄົມນິຍົມວິທະຍາສາດ, ກໍ່ສ້າງພັກ, ການປົກຄອງ, ຂົນຂວາຍມະຫາຊົນ. ຊຸດຮຽນນີ້ຈະໃຊ້ເວລາ 456 ວັນ ຫຼື 15 ເດືອນ, ອາທິດໜຶ່ງຮຽນ 5 ວັນ, ມື້ໜຶ່ງຮຽນ 7 ຊົ່ວໂມງ, ຂຶ້ນຫ້ອງຮຽນຕົວຈິງ 301 ວັນ ລວມທັງໝົດມີ 2.107 ຊົ່ວໂມງ; ລົງເກັບກໍາຂໍ້ມູນ, ຂຽນບົດ ແລະ ຜ່ານບົດປ້ອງກັນ 20 ວັນ. ການຮຽນໃນຊຸດນີ້ແມ່ນເລີ່ມຕົ້ນເດືອນ ຕຸລາ 2019 ຫາເດືອນ ກຸມພາ 2021 ຈຶ່ງສິ້ນສຸດ.

ຈຸດປະສົງ ກໍ່ເພື່ອສ້າງພະນັກງານນໍາພາພະນັກງານຄຸ້ມຄອງຮຸ້ນສືບທອດຢູພາຍໃນແຂວງ ທີ່ພວມດໍາລົງຕໍາແໜ່ງ ຫຼືກຽມດໍາລົງຕໍາແໜ່ງຢູ່ໃຫ້ມີຄວາມຮູ້, ຄວາມສາມາດທາງດ້ານການເມືອງ-ການປົກຄອງ, ແນວທາງນະໂຍບາຍຂອງພັກ, ການຄຸ້ມຄອງຂອງລັດ, ມີທັດສະນະຫຼັກໝັ້ນຊົນຊັ້ນກໍາມະກອນ ມີແນວຄິດເຊື່ອໝັ້ັນຕໍ່ການນໍາພາຂອງພັກ, ມີຄວາມຈົງຮັກພັກດີຕໍ່ປະເທດຊາດ, ຄວາມຫ້າວຫັນເປັນແບບຢ່າງໃນທຸກວຽກງານ.

Medialaos