ໃນຕອນເຊົ້າຂອງວັນທີ 27 ພະຈີກ 2019 ນີ້ທີ່ສະໂມສອນເມືອງທ່າປາງທອງ ແຂວງສະຫັວນນະເຂດ ໄດ້ຈັດພິທີປາຖະກະຖາລະນືກວັນສາກົນຢຸດຕິຄວາມຮຸນແຮງຕໍ່ແມ່ຍີງ ( ວັນທີ 25 ພະຈີກ 2000-25 ພະຈີກ2019 )ຄົບຮອບ 19 ປີ ຂື້ນຢ່າງເປັນທາງການ.ພາຍໃຕ້ການເປັນກຽດເຂົ້າຮ່ວມເປັນປະທານຂອງທ່ານ ອີນຕອງ ລືຄໍາຫານ ຄະນະປະຈໍາພັກເມືອງ ປະທານແນວລາວສ້າງຊາດເມືອງ ທັງເປັນຜູ້ຊີ້ນໍາອົງການຈັດຕັ້ງມະຫາຊົນ,ບັນດາທ່ານໃນຄະນະປະຈໍາພັກເມືອງ,ກໍາມະການພັກເມືອງ,ແຂກຖືກເຊີນ,ຄະນະກໍາມະທິການເພື່ອຄວາມກ້າວໜ້າຂອງແມ່ຍີງ,ຄະນະບໍລິຫານງານສະຫະພັນແມ່ຍີງເມືອງ,ນາຍບ້ານ,ຄະນະຮາກຖານ ອ້ອມຂ້າງ,ພະນັກງານລັດຖະກອນ ຕະຫຼອດເຖີງສະມາຊິກສະຫະພັນແມ່ຍີງເຂົ້າຮ່ວມທັງໜົດ 121ກວ່າຄົນ ຍີງ65 ຄົນ.

ໂອກາດນີ້,ທ່ານ ອີນຕອງ ລືຄໍາຫານ ຄະນະປະຈໍາພັກເມືອງ ປະທານແນວລາວສ້າງຊາດເມືອງ ທັງເປັນຜູ້ຊີ້ນໍາວຽກງານອົງການຈັດຕັ້ງມະຫາຊົນ ໄດ້ໃຫ້ກຽດຂື້ນປະຖະກາຖາວັນລະນືກວັນສາກົນຢຸດຕິຄວາມຮຸນແຮງຕໍ່ແມ່ຍີງ ຄົບຮອບ 19 ປີ ກ່ອນອື່ນທ່ານໄດ້ຫວນຄືນ ປະຫັວດຄວາມເປັນມາຂອງວັນສາກົນຢຸດຕິຄວາມຮຸນແຮງຕໍ່ແມ່ຍີງ,ສະພາບຄວາມຮຸນແຮງຕໍ່ແມ່ຍີງ,ສາເຫດຕົ້ນຕໍຂອງຄວາມຮຸນແຮງຕໍ່ແມ່ຍີງ,ຄວາມຮຸນແຮງຕໍ່ແມ່ຍີງມີຫຼາຍຮູບການ,ສະພາບຄວາມຮຸນແຮງຕໍ່ແມ່ຍີງໃນ ສປປ ລາວ,ປະຫັວດຄວາມເປັນມາຂອງວັນສາກົນຢຸດຕິຄວາມຮຸນແຮງຕໍ່ແມ່ຍີງ 25 ພະຈິກ,ທັດສະນະຂອງ ສປປ ລາວ ກຽ່ວກັບຄວາມຮຸນແຮງ.

ຈາກນັ້ນ,ໃນພິທີທ່ານນາງ ວັນມະນີ ດວງພະຈັນ ຮອງປະທານສະຫະພັນແມ່ຍີງເມືອງໄດ້ຜ່ານຂໍ້ຕົກລົງຂອງທ່ານເຈົ້າເມືອງ ວ່າດ້ວຍການອານຸມັດຮັບຮອງເອົາຄອບຄົວແລະບ້ານພັດທະນາຕິດພັນກັບການປະຕິບັດສິດສະ ເໜີພາບ ຍີງ-ຊາຍ ແລະ ປາສະຈາກການໃຊ້ຄວາມຮຸນແຮງຕໍ່ແມ່ຍີງ ແລະ ເດັກນ້ອຍ.ເຊີ່ງມີຈໍານວນ 34 ບ້ານ ຄື:ບ້ານ ເຊກື,ບ້ານ ນາປ່າຊາດ,ບ້ານ ພູຜານາງ,ບ້ານ ຫວ້ຍໜື່ນ,ບ້ານ ບຸດຕະພານ,ບ້ານ ທົ່ງປາງ,ບ້ານ ໃໜ່ໂພສີ,ບ້ານ ກຸດຮີ,ບ້ານ ທ່າສາລາຄໍາ,ບ້ານ ແກ້ງແກບ,ບ້ານ ໜອງກັນ,ບ້ານ ນາຫົວຄວາຍ,ບ້ານ ພູແສນຄໍາ,ບ້ານ ໂນນຈານ,ບ້ານ ດົງນ້ອຍ,ບ້ານ ນາເຊື້ອກ,ບ້ານ ນາຫ້ວຍໄລ່,ບ້ານ ແກ້ງປິງ,ບ້ານ ນາສະໂນ,ບ້ານ ຫີນຕັ້ງກາງ,ບ້ານ ຫີນຕັ້ງໂຄກ,ບ້ານ ນາພະນຽດ,ບ້ານ ທ່າພີ່,ບ້ານ ດອນຂາວ,ບ້ານ ນາຕັງ,ບ້ານ ນາຖໍ້າໜູ,ບ້ານ ອາຫໍ,ບ້ານ ແກ້ງພູມະລີ,ບ້ານ ໂນນສີວິໄລ,ບ້ານ ນາຈັນທາງ,ບ້ານ ຜືວຽງຄໍາ,ບ້ານ ນາທະມານ,ບ້ານ ພູຜານາງ ແລະ ບ້ານໂນນສະຫວ່າງ,ໃຫ້ກຽດມອບໃບຢັ້ງຢືນໃນຄັ້ງນີ້ ແມ່ນທ່ານ ອີນຕອງ ລືຄໍາຫານ ຄະນະປະຈໍາພັກເມືອງ ປະທານແນວລາວສ້າງຊາດເມືອງ ຕ່າງໜ້າການນໍາຂອງເມືອງ ມອບໃຫ້ຢ່າງສົມກຽດ.

Medialaso