ຕອນເຊົ້າຂອງວັນທີ 30 ພະຈິກ 2019 ໄດ້ມີພິທີເປີດງານຕະຫຼາດນັດສົ່ງເສີມຜົນ #ຜະລິດຕະພັນກະສິກຳ ແລະ #ຜະລິດຕະພັນທີ່ໄດ້ຜະລິດຢູ່ພາຍໃນ ຢ່າງເປັນທາງການ ໂດຍການເປັນປະທານກ່າວເປີດງານແມ່ນ ທ່ານ ອາດສະພັງທອງ ສີພັນດອນ, ຮອງເຈົ້າຄອງນະຄອນຫຼວງວຽງຈັນ ພ້ອມດ້ວຍ ທ່ານຮອງລັດຖະມົນຕີກະຊວງກະສິກຳ ແລະ ປ່າໄມ້, ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ພ້ອມດ້ວຍຄະນະສະເພາະກິດສົ່ງເສີມການຜະລິດ ແລະ ຊົມໃຊ້ຜະລິດຕະພັນທີ່ໄດ້ຜະລິດຢູ່ພາຍໃນ ແລະ ການຄຸ້ມຄອງການນຳເຂົ້າສິນຄ້າ ອຸປະໂພກ-ບໍລິໂພກ. ນອກຈາກນີ້ ຍັງມີບັນດາຫົວໜ່ວຍທຸລະກິດຈາກ 9 ຕົວເມືອງນຳອີກ.

ຈຸດປະສົງຂອງການຈັດງານຕະຫຼາດນັດໃນຄັ້ງນີ້ ເພື່ອຈັດຕັ້ງຜັນຂະຫຍາຍຂໍ້ຕົກລົງຂອງທ່ານນາຍົກລັດຖະມົນຕີ ສະບັບເລກທີ 51/ນຍ, ລົງວັນທີ 03 ສິຫາ 2019, ເພື່ອເປັນການສ້າງຂະບວນການ ປູກຈິດສຳນຶກໃຫ້ປະຊາຊົນ, ອົງການຈັດຕັ້ງພາກລັດ ແລະ ເອກະຊົນ ໃຫ້ຫັນມາຊົມໃຊ້ສິນຄ້າທີ່ຄົນລາວຜະລິດພາຍໃນປະເທດໃຫ້ຫຼາຍຂື້ນ ແລະພ້ອມທັງ ສ້າງຂະບວນການຂ່ຳນັບຮັບຕ້ອນ ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VIII ແລະ ຕ້ອນຮັບ ວັນຊາດທີ 2 ທັນວາ ຄົບຮອບ 44 ປີ. ພ້ອມນີ້, ຍັງເປັນການກະຕຸ້ນເສດຖະກິດພາຍໃນປະເທດໃຫ້ມີບັນຍາກາດຝົດຟື້ນ.

ພາຍໃນງານ ຈະໄດ້ຊົມຜະລິດຕະພັນຈາກ 9 ຕົວເມືອງຂອງນະຄອນຫຼວງວຽງຈັນ ເປັນຕົ້ນແມ່ນ: ສິນຄ້າກະສິກຳ-ຫັດຖະຫຳ ເຊັ່ນ: #ພືດຜັກ#ສິນຄ້າໂອດ໋ອບ#ສິນຄ້າອຸດສາຫະກຳປຸງແຕ່ງ ແລະ #ສິນຄ້າຈາກຄອບຄົວຕົວແບບ 9 ຕົວເມືອງນຳອີກ.
ງານຕະຫຼາດດັ່ງກ່າວແມ່ນເລີ່ມເປີດແຕ່ວັນທີ 30/11 ຫາ 1/12/2019, ທີ່ເດິ່ນຈອດລົດດ້ານໜ້າຂອງສູນການຄ້າລາວ-ໄອເຕັກ, ນະຄອນຫຼວງວຽງຈັນ

Medialaos Massmedia