ພາຍຫຼັງໄດ້ເລີ່ມເປີດການແຂ່ງຂັນກິລາບານເຕະເພື່ອຄັດເລືອກເອົານັກກິລາດີເດັ່ນເປັນຕົວແທນໃຫ້ແກ່ແຂວງຫຼວງນໍ້າທາການແຂ່ງຂັນໃນງານມະຫາກໍາກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ ການແຂ່ງຂັນໄດ້ເລີ່ມມາແຕ່ວັນທີ 4 ພະຈິກ 2019 ມີທິມນັກກິ
ລາທັງໜົດ 12 ທິມຄື: ທີມບໍລິສັດໂຊກໄຊ, ມສ ສາມັກຄີ, ວິທະຍາໄລຄູ, ປກສ, ໂຮງຮຽນເຕັກວິຊາຊີບ, ຮ້ານມິດສໍາພັນ, ວິສີສົມບັດ,ມສ ເທດສະບານແຂວງ, ບ້ານວຽງເງີນ, ບ້ານ ນໍ້າຈ້າງ, ພະແນກໄປສະນີໂທລະຄົມມະນາຄົມ ແລະ ການສືສານ ແລະ ທິມນັກກິລາທະຫານແຂວງ. ການແຂ່ງຂັນໄດ້ແບ່ງອອກເປັນ 4 ສາຍ, ເພື່ອຄັດເລືອກເຂົ້າຮອບ 8 ທິມ, ຄັດເລືອກເຂົ້າຮອບ 4 ທິມ ເພື່ອເຂົ້າຊີງຊະນະເລີດຕາມດໍາດັບ.

ມາໃນວັນທີ 29 ພະຈິກ 2019 ຢູ່ທີເດີນກິລາໃໝ່ຂອງແຂວງ, ແຂວງຫຼວງນໍ້າທາ ຈັດງານການແຂ່ງຂັນກິລາບານເຕະ 11 ຄົນ. ໂດຍການເປັນປະທານຂອງທ່ານ ທອງແດງ ສິດທິສົນ ປະທານສະຫະພັນບານເຕະແຂວງຫຼວງນໍ້າທາ, ເຂົ້າຮ່ວມຂອງທ່ານ ບຸນຍີ່ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງໆຫຼວງນໍ້າທາ, ມີຄະນະກໍາມະການຕະຫຼອດຮອດນັກກິລາເຂົ້າຮ່ວມ.

ຜົນການແຂ່ງຂັນຊະນະເລີດໄດ້ແກ່ທິມວິສີສົມບັດຊະນະ ປກສແຂວງດ້ວຍ 2 ປະຕູຕໍ່ 1 ໄດ້ຮັບຫຼຽນພ້ອມດ້ວຍຂັນເງີນ 1 ໜ່ວຍພ້ອມເງີນລາງວັນ 5 ລ້ານກີບ, ທີ 2 ທິມ ປກສ ແຂວງໄດ້ຮັບເງີນລາງວັນ 4 ລ້ານກີບ, ທີ 3 ໂຮງຮຽນມສ ເທດສະບານໄດ້ຮັບຫຼຽນພ້ອມເງີນສົດ 3 ລ້ານກີບ ແລະ ທີ 4 ທິມໂຮງຮຽນເຕັກນິກ-ວິຊາຊີບແບບປະສົມໄດ້ຮັບເງີນລາງວັນ 2 ລ້ານກີບ, ກ່າວມອບຂອງທ່ານຮອງເຈົ້າແຂວງໆຫຼວງນໍ້າທາ. ກ່າວມອບຂອງທ່ານ ບຸນຍີ່
ແກ້ວຄຸນເມືອງ ຮອງເລຂາພັກແຂວງ ຮອງເຈົ້າແຂວງໆຫຼວງນໍ້າທາ, ເຊີ່ງແຂວງຫຼວງນໍ້າທາແມ່ນໄດ້ສົ່ງທິມນັກກິລາບານເຕະທີມ ວິສີສົມບັດ ເປັນຕົວແທນທີມນັກກິລາ ເຂົ້າຮ່ວມງານມະຫາກໍາກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ.

Medialaos Massmedia