ໂຄງການ​ທາງ​ລົດໄຟ​ລາວ​-​ຈີນ ​ໄດ້​ຈັດ​ພິທີ​ລິ​ເລີ່ມ​ວາງ​ຂາງ​ຂົວ​ຄັ້ງ​ທຳອິດ​ເຂດ​ພາກ​ເໜືອ ຢູ່​ບ້ານ​ນາ​ເຕີຍ ເມືອງນ້ຳ​ທາ ແຂວງ​ຫຼວງ​ນໍ້າ​ທາ ເມື່ອ​ວັນ​ທີ 26 ພະຈິກ​ຜ່ານ​ມາ ຊຶ່ງ​ມີ​ທ່ານ ບູນ​ຍີ່ ແກ້ວ​ຄູນ​ເມືອງ ຮອງເຈົ້າແຂວງໆ​ຫຼວງ​ນ້ຳ​ທາ, ທ່ານ ຫວູ໋​ຫຼິງ ຫົວໜ້າ​ຜູ້​ຊີ້ນຳ​ລວມ​ໂຄງການ​ເສັ້ນທາງ​ລົດໄຟ​ລາວ​-​ຈີນ ພ້ອມ​ດ້ວຍ​ຫົວໜ້າ​ບໍລິສັດ​ທາງ​ລົດໄຟ​ລາວ​-​ຈີນ​ເລກ 5 ແລະ ປະຊາຊົນ​ບ້ານນາເຕີຍ ​ເຂົ້າ​ຮ່ວມ.

ບໍລິສັດ​ ກໍໍ່​ສ້າງ​ທາງ​ລົດ ໄຟ​ເລກ 5 ສປ ຈີນ ແມ່ນ​ຮັບ ຜິດຊອບ​ຜະລິດ​ຫຼໍ່​ຂາງ​ຂົວໂຄງ ການ​ທາງ​ລົດໄຟ ບໍໍ່​ເຕ່ນ – ນະ​ຄອນຫຼວ​ງວຽງ​ຈັນ ​ໄລ​ຍະ​ສັນຍາ I, ຮັບຜິດຊອບ​ໜ້າທີ່​ຜະລິດ​ຫຼໍ່​ຂາງ​ຂົວ​ລາງ​ດ່ຽວ ໂຕ (T) ທັງ​ໝົດ 309,5 ຄູ່ ແລະ ວຽກ​ກໍໍ່​ສ້າງກ່ຽວ​ກັບ​ການ​ເຊື່ອມ​ຈອດ​ຂອງ​ຂົວ, ຂາງ​ຂົວ ທີ່​ມີ​ຄວາມ​ຍາວ 24 ແມັດ ມີ 39 ຄູ່, ຍາວ 32 ແມັດ ມີ 270,5 ຄູ່, ໄລ​ຍະ​ກໍໍ່​ສ້າງ​ຂອງ​ສັນຍາ​ແມ່ນ​ເລີ່ມ​ແຕ່​ວັນ​ທີ 1/12/2018 – 15/11/2020, ມູນ​ຄ່າ​ສັນຍາ 102.140.193 ຢວນ. ໄລ​ຍະ​ສັນຍາ​ນີ້ ຂຶ້ນ​ກັບ​ຂອບ​ເຂດ​ແຂວງ​ຫຼວງ​ນ້ຳ​ທາ ແລະ ແຂວງ​ອຸດົມ​ໄຊ ​ລຽບຕາມ​ແລວ​ທາງ ແມ່ນ​ໄດ້​ຜ່ານບ້ານ​ບໍໍ່​ເຕ່ນ, ນາ​ເຕີຍ, ນາ​ໝໍ້ ແລະ ບ້ານ​ນາ​ທົ່ງ; ຂອບ​ເຂດ​ວາງ​ຂາງ​ຂົວ​ເລີ່ມ​ແຕ່​ຈຸດ DK3+425 ຫາ D3K41+000 ມີ​ຄວາມ​ຍາວ​ທັງ​ໝົດ 37.575 ກມ, ລວມ​ມີ​ຂົວ​ທັງ​ໝົດ 27 ແຫ່ງ.

ການ​ວາງ​ຂາງ​ຂົວ​ຢູ່​ສະໜາມ​ຫຼໍ່​ຂາງ​ຂົວ​ນາ​ເຕີຍ ແມ່ນ​ໄດ້​ນໍາ​ໃຊ້​ກົນ​ຈັກຍົກ​ໄດ້ 180 ໂຕນ ເພື່ອ ຍົກ, ເຄື່ອນ​ຍ້າຍ ແລະ ຕິດ​ຕັັ້ງ ຂາງ​ຂົວ ພ້ອມ​ທັງ​ນໍາ​ໃຊ້​ລົດ ເພື່ອ​ຂົນ​ສົ່ງ​ຂາງ​ຂົວ ຂະໜາດ LPLC200TK, TLQ100-102 ແລະ ວິທີ​ການ​ກໍໍ່​ສ້າງຈະ ນໍາ​ໃຊ້​ໂຄງ​ເຫຼັກ​ກົນ​ຈັກ​ສໍາ​ລັບ ວາງ​ຂາງ​ຂົວ JQT180, ການ ກໍໍ່​ສ້າງ​ວາງ​ຂາງ​ຂົວ​ແມ່ນ​ຈະ​ເລ່ີມ ວາງ​ມາ​ເບື້ອງບໍໍ່​ເຕ່ນ​ກ່ອນ ລວມ​ມີ​ຂົວ 7 ແຫ່ງ ຈະ​ໄດ້​ນໍາໃຊ້ ຂາງ ຂົວ 102,5 ຄູ່ ຊຶ່ງ​ໄດ້ຜ່ານ​ຊັັ້ນ ພື້ນທາງ​ລົດໄຟ 8 ຈຸດ ແລະ 2 ອຸໂມງ, ສ່ວນ​ການ​ວາງ​ຂາງ ຂົວ ລົງໄປ​ທາງ​ເມືອງ​ນາ​ໝໍ້ ລວມ​ມີ​ຂົວ 20 ແຫ່ງ ຈະ​ໄດ້​ນໍາ​ໃຊ້ຂາງ​ຂົວ 207 ຄູ່ ຊຶ່ງ​ໄດ້​ຜ່ານ​ຊັັ້ນ​ພື້ນ​ທາງ​ລົດໄຟ 26 ຈຸດ ແລະ 6 ອຸ ໂມງ, ອີງ​ຕາມ​ແຜນການ​ທີ່​ໄດ້ ກຳນົດ​ໄວ້ໜ້າ​ວຽກການ​ວາງ ຂາງຂົວ ແມ່ນ​ຈະ​ໃຫ້​ສໍາ​ເລັດ​ໃນ​ວັນ​ທີ 30 ມິຖຸ​ນາ 2020.

Medialaos MMD