ຄອບຄົວການນໍາຂັ້ນສູນກາງ ຊຶ່ງນໍາທີມງານໂດຍທ່ານ ນາງ ບຸນເຫຼືອ ນ້ອຍມະນີ ພ້ອມດ້ວຍຜູ້ໃຈບຸນຂັ້ນສູນກາງໄດ້ນໍາເອົາເຄື່ອງນຸ່ງຫົ່ມ ແລະ ອຸປະກອນການຮຽນຈໍານວນໜຶ່ງໄປມອບໃຫ້ຫຼານນ້ອຍນັກຮຽນ ແລະ ຄອບຄົວທີ່ບໍ່ທັນຫຼຸດພົ້ນອອກຈາກຄວາມທຸກຍາກຢູ່ໂຮງຮຽນປະຖົມສົມບູນບ້ານນາກຸຸນເມືອງບໍລິຄັນ ແຂວງບໍລິຄຳໄຊ ເມື່ອບໍ່ດົນມານີ້. ເຄື່ອງທີ່ນໍາໄປມອບໃນຄັ້ງນີ້ ປະກອບມີອຸປະກອນການຮຽນ, ປຶ້ມ 2.420 ຫົວ, ບິກ 2.420 ກ້ານ, ເຄື່ອງຫຼິ້ນກິລາ, ບານເຕະ 8 ໜ່ວຍ, ບານຕີ 5 ໜ່ວຍ, ກະຕໍ້ຫວາຍ 10 ໜ່ວຍ ແລະ ເຄື່ອງນຸ່ງຫົ່ມ, ຜ້າຫົ່ມ 242 ຜືນ, ເສື້ອກັນໜາວ 242 ຜືນ, ເກີບ 242 ຄູ່, ຖົງມື 484 ຄູ່ ແລະ ນົມຈໍານວນໜຶ່ງ, ນອກນັ້ນຍັງໄດ້ມອບເຄື່ອງບັນເທົາທຸກໃຫ້ແກ່ຄອບຄົວທີ່ບໍ່ທັນຫຼຸດພົ້ນອອກຈາກຄວາມທຸກຍາກ 2 ຄອບຄົວ ລວມມູນຄ່າທັງໝົດ 12 ລ້ານກ່ວາກີບ.

Medialaos MMD