ໃນວັນທີ 6 ທັນວາ 2019 ນີ້ ຢູ່ທີ່ໂຮງຮຽນ ມັດທະຍົມສົມບູນໂພນງາມ ເມືອງອາດສະພອນ ແຂວງສະຫວັນນະເຂດ ໄດ້ຈັດງານກິລາພາລະ-ສິລະປະ ປະຈຳສົກຮຽນ 2019-2020 ຂື້ນໂດຍການເຂົ້າຮ່ວມຂອງ ທ່ານ ບຸນລັດ ລໍບານເຍັນ ກໍາມະການພັກເມືອງ ຮອງຫົວໜ້າຫ້ອງການສຶກສາທິການ ແລະກິລາເມືອງ, ມີບັນດາທ່ານແຂກຖືກເຊີນ ຄູອາຈານ ແລະ ນ້ອງນັກຮຽນໂຮງຮຽນດັ່ງກ່າວເຂົ້າຮ່ວມ.

ທ່ານ ພູວາ ອິນທິລາດ ຜູ້ອຳນວຍການໂຮງຮຽນ ມສ ໂພນງາມ ໄດ້ລາຍງານລາຍງານການກະກຽມຈັດຕັ້ງງານກິລາພາລະ-ສິລະປະ ຂອງໂຮງຮຽນປະຈຳສົກຮຽນ 2019-2020 ໂດຍໂຮງຮຽນ ມສ ໂພນງາມ ຕັ້ງຢູ່ບ້ານກະທິງໃຫຍ່ ເມືອງອາດສະພອນ, ມີອາຄານຮຽນ 5 ຫຼັງ, ມີຄູອາຈານ 33 ທ່ານ, ຍິງ 15 ທ່ານ, ມີນັກຮຽນທັງໝົດ 579 ຄົນ, ຍິງ 285 ຄົນ, ການແຂ່ງຂັນກິລາໃນຄັ້ງນີ້ແມ່ນແຂ່ງຂັນກິລາບານເຕະ ເຊິ່ງມີທັງທີມຍິງ ແລະ ທີມຊາຍ, ໂດຍກິລາບານເຕະ ທີມຊາຍ ມີທັງໝົດ 12 ທີມ, ແບ່ງອອກເປັນ 2ສາຍ, ສ່ວນບານເຕະຍິງມີທັງໝົດ 12 ທີມ ແບ່ງອອກເປັນ 2ສາຍ.

ຈາກນັ້ນ ທ່ານ ບຸນລັດ ລໍບານເຢັນກໍ່ໄດ້ໃຫ້ກຽດໂອ້ລົມ ເຊິ່ງທ່ານກໍ່ໄດ້ກ່າວຍ້ອງຍໍຊົມເຊີຍຄູອາຈານ ແລະ ນ້ອງນັກຮຽນ ທີ່ພ້ອມກັນຈັດກິດຈະກຳດີໆນີ້ຂື້ນ ເຮັດໃຫ້ໂຮງຮຽນຂອງຕົນມີບັນຍາກາດໃໝ່ ໃນການແຂ່ງຂັນກິລາ, ທັງເປັນການປະຕິຕາມ 5 ຫຼັ້ກມູນການສຶກສາ, ເຊິ່ງມັນເປັນການສົ່ງເສີມນັກຮຽນ ໃຫ້ກັນມາຫຼີ້ນກິລາ ເພື່ອຫ່າງໄກຢາເສບຕິດ, ອີກທັງເປັນການສ້າງຄວາມສາມັກຄີເຊິ່ງກັນແລະກັນ ລະຫວ່າງຄູອານ ແລະນັກຮຽນດ້ຍກັນ ໂດຍໃຊ້ກິລາເປັນສື່ກາງ. ໃນພິທີຄະນະປະທານກໍ່ຍັງຮ່ວມກັນຕັດແຖບຝ້າ ເພື່ອເປັນການເປີດງານຢ່າງເປັນທາງການ ພ້ອມກັນນັ້ນກໍ່ຍັງໄດ້ຮັບຊົມສິລະປະ ເຊັ່ນບົດຟ້ອນຕ່າງໆຈາກນ້ອງນັກຮຽນ ມສ ໂພນງາມ.

ພາບ ແລະ ຂ່າວ: ສົມຈິດ ແກ້ວສີຖາທິລາດ
savannakhet medialaos