ງານນິທັດສະການ ການສົ່ງເສີມກິດຈະກຳການອ່ານ ແລະ ສີລະປະຂອງໂຮງຮຽນບ້ານຍັບຍ້າຍຈັດສັນຄູນເພັດ ແລະ ຜາຊ້າງເຊີ່ງໄດ້ຈັດຂື້ນໃນວັນທີ 6 ທັນວາ 2019 ທີ່ຜ່ານມານີ້ຢູ່ທີສະໂມສອນບ້ານຄູນເພັດ ເມືອງຄູນຄໍາ ແຂວງຄໍາມ່ວນ ເຂົ້າຮ່ວມໃນພິທີຄັ້ງນີ້ມີທ່ານ ຖາວອນ ແກ້ວຄໍາພັນ ຮອງເລຂາພັກເມືອງ, ຮອງເຈົ້າເມືອງໆຄູນຄໍາ,ທ່ານ ກາລະທອນ ກຽດສັກສີ ຫົວໜ້າຫ້ອງການສຶກສາທິການ ແລະ ກິລາ ເມືອງ,ທ່ານ ວັນໄຊ ສວນເທບພາໃນ ຫົວໜ້າຂະແໜງພັດທະນາຊຸມຊົນ ບໍລິສັດເທີ-ຫີນບູນ ພາວເວີຈໍາກັດ ມີຕາງໜ້າການນຳເມືອງ, ຄຸອາຈານ,ນ້ອງນັກຮຽນ ແລະ ອຳນາດການປົກຄອງບ້ານເຂົ້າຮ່ວມຢ່າງພ້ອມພຽງ.

ໃນພິທ່ານ ປະຕິພັດ ພົມມະວົງ ຮອງຫົວໜ້າຫ້ອງການສຶກສາທິການ ແລະ ກິລາ ເມືອງ ກໍ່ໄດ້ຂື້ນລາຍງານການຈັດຕັ້ງກ່ຽວກັບງານນິທັດສະການ ການສົ່ງເສີມກິດຈະກໍາການອ່ານ ແລະ ສີລະປະ ກໍ່ເພື່ອເປັນການສົ່ງເສີມການອ່ານ ແລະ ເປີດໂອກາດໃຫ້ນັກຮຽນໄດ້ອ່ານປື້ມຕ່າງໆທີ່ທາງໂຄງການໄດ້ຈັດສັນມາໃຫ້ອີກດ້ານໜື່ງກໍ່ເພື່ອເປັນການພົບປະແລກປ່ຽນບົດຮຽນ ຄວາມສາມັກຄີຮ່ວມກັນລະຫວ່າງບັນດາໂຮງຮຽນຕໍ່ໂຮງຮຽນຂອງບັນດາໂຄງການຍັບຍ້າຍຈັດສັນຂອງໂຄງການ ຂອງບໍລິສັດເທີນຫີນບູນພາວເວີຈໍາກັບ, ສຳລັບກິດຈະກໍາຂອງງານໃນຄັ້ງນີ້:

ປະກອບມີການເດີນແບບປື້ມ,ການນຳສະເໜີປືມ, ການເລົ່ານິທານ, ການຮ້ອງເພງ, ການສະແດງສີລະປະ ແລະ ການສະແດງລະຄອນຂອງນ້ອງນ້ອຍນັກຮຽນ ທັງນີ້ກໍ່ເພື່ອເປັນການເປີດໂອກາດໃຫ້ນ້ອງນ້ອຍນັກຮຽນໄດ້ສະແດງຄວາມຮູ້ຄວາມສະມາດເສີມສ້າງທັກສະຂອງການຮຽນ – ການສອນໃຫ້ມີຫຼາກຫຼາຍທັງເປັນການເຮັດນັກຮຽນຮັກການອ່ານ ແລະ ໄດ້ສະແດງຄວາມຮູ້ຄວາມສາມາດຂອງຕົນອອກມາ,ໃນນັ້ນທ່ານ ວັນໄຊ ສວນເທບພາໃນ ຍັງໄດ້ມອບອຸປະກອນການຮຽນ-ການສອນ ໃຫ້ແກ້ໂຮງຮຽນປະຖົມສົມບູນບ້ານຄູນເພັດ ແລະ ໂຮງຮຽນ ມໍຕໍທ່ານາ ເພື່ອນຳໄປພັດທະນາໃນການຮຽນ – ການສອນໃຫ້ເກີດດອກອອກຜົນຫຼາຍທີສຸດ ໃນຕອນທ້າຍຂອງພິທີມີການມອບລາງວັນຕ່າງໆໃຫ້ແກ່ນ້ອງນ້ອຍນັກຮຽນ ໂຮງຮຽນດັ່ງກ່າວຕື່ມອີກ.

ພາບ/ຂ່າວ :  ກັນຫາ ໄຊຍະລາດ