ກອງປະຊຸມໃຫຍ່ອົງຄະນະພັກເມືອງ ອາດສະພັງທອງ ຄັ້ງ ທີ 8 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 10 ທັນວາ 2019 ນີ້ ຢູ່ທີ່ສະໂມສອນໃຫຍ່ຂອງເມືອງ ໂດຍໃຫ້ກຽດເຂົ້າຮ່ວມຂອງສະຫາຍ ສັນຕິພາບ ພົມວິຫານ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆສະຫວັນນະເຂດ , ສະຫາຍອຸໄພວັນ ໄຊຍະວົງ ວ່າການເລຂາຄະນະບໍລິຫານງານພັກເມືອງເຈົ້າເມືອງໆ ອາດສະພັງທອງ , ມີບັນດາສະຫາຍຜູແທນສະມາຊິກສົມບູນ ຈຳນວນ 135ສະຫາຍ, ຍິງ 23ສະຫາຍ ເຊິ່ງເປັນຕົວແທນໃຫ້ກັບສາມາຊິກພັກທົ່ວເມືອງອາດສະພັງທອງເຂົ້າຮ່ວມ.

ໃນກອງປະຊຸມ ສະຫາຍ ອຸໄພວັນ ໄຊຍະວົງ ວ່າການເລຂາຄະນະບໍລິຫານງານພັກເມືອງເຈົ້າເມືອງໆ ອາດສະພັງທອງ ກໍ່ໄດ້ກ່າວໄຂກອງປະຊຸມຂອງຄະນະພັກເມືອງພ້ອມທັງຜ່ານບົດລາຍງານການເມືອງທັງ 2 ພາກຕໍ່ກອງປະຊຸມໂດຍໃຫ້ຮູ້ວ່າ: ຕະຫຼອດໄລຍະແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະນະພັກເມືອງ ອາດສະພັງທອງຄັ້ງທີ 7 ກໍ່ມີທັງກາລະໂອກາດ, ສິ່ງທີ່ເອື້ອອໍານວຍຄວາມສະດວກ ແລະ ສິ່ງທ້າທາຍໃນດ້ານ ຕ່າງໆ ເຖິງຢ່າງໃດກໍ່ຕາມທົ່ວອົງຄະນະພັກ ແລະ ອຳນາດການປົກຄອງທຸກຂັ້ນຂອງເມືອງກໍ່ໄດ້ເອົາໃຈໃສ່ຊີ້ນຳໆພາເປັນຕົ້ນການຊອກຄົ້ນຈັດເກັບລາຍຮັບເຂົ້າງົບປະມານຈາກທຸກພາກສ່ວນເສດຖະກິດທີ່ເປັນປາຍແຫຼມ, ເປັນ ທ່າແຮ່ງບົ່ມຊ້ອນຂອງເມືອງ, ພ້ອມທັງຊຸກຍູ້ຜົນຜະລິດຂອງປະຊາຊົນໃຫ້ເປັນສິນຄ້າ , ໂດຍເລີ່ມຈາກການສ້າງຈິດສຳນຶກໃຫ້ປະຊາຊົນປ່ຽນແປງແຜນດຳລົງຊີວິດໃໝ່,ຈາກການຜະລິດແບບກະແຈກກະຈາຍອີງໃສ່ທຳມະຊາດ, ຄ່ອຍໆຫັນສູ່ການຜະລິດກາຍເປັນສິນຄ້າແບບທັນສະໄໝເທື່ອລະກ້າວ, ເຮັດໃຫ້ການພັດທະນາເສດຖະກິດ ສັງຄົມມີການຂະຫຍາຍຕົວຢ່າງຕໍ່ເນື່ອງ ສະເລ່ຍໃນລະດັບເກືອບ 6 % ລວມຍອດພະລິດຕະພັນພາຍໃນ, ສະເລ່ຍຕໍ່ຫົວຄົນ 12ລ້ານ 5 ແສນກີບ ຫຼືເທົ່າກັບ 1.489 ໂດລາ, ທຽບໃສ່ປີ 2014 ເຫັນວ່າເພີ່ມຂຶ້ນ 287 ໂດລາ, ການປະຕິບັດນະໂຍບາຍການລົງທຶນຂອງພັກ- ລັດ ມີທ່າອ່ຽງເພີ່ມຂຶ້ນຂະຫຍາຍຕົວຢ່າງກ້ວາງຂວາງ ເຊິ່ງສາມາດປະຕິບັດໄດ້ 53 ໂຄງການ ເທົ່າກັບ ເກືອບ 114% ຂອງມູນຄ່າທັງໝົດ,

ດ້ານພື້ນຖານໂຄງລ່າງຄົມມະນາຄົມ ຖະໜົນ,ຫົນທາງ, ຂົວ. ທໍ່ ໄດ້ຮັບການປັບປຸງ, ໄດ້ເອົາໃຈໃສ່ຕິດຕາມກວດກາ ແລະ ຄຸ້ມຄອງການຈັດເກັບຫຼາຍຮັບລາຍຈ່າຍຕ່າງໆໃນ , ປີຜ່ານມາ ສາມາດຈັດເກັບລາຍຮັບໄດ້ 12ຕື້ 48ລ້ານກີບ, ເພີ່ມຂຶ້ນ 3ຕື້500ລ້ານກີບ ເທົ່າກັບ 91ກວ່າສ່ວນຮ້ອຍຂອງແຜນການ ເທົ່າກັບ 73ກວ່າສ່ວນຮ້ອຍຂອງແຜນການປີທີ່ພະແນກງານເງິນແຂວງມອບໃຫ້ໃຕົວເລກ 16 ຕື້ 340ລ້ານກີບ ແລະ ຄຸ້ມຄອງລາຍຈ່າຍໄດ້ 28 ຕື້11ລ້ານກີບ ເທົ່າກັບ 49%ຂອງແຜນການປີ, ພ້ອມນີ້ແຕ່ລະບ້ານກໍ່ມີຕາຂ່າຍໄຟຟ້າເຂົ້າກວມເອົາໝົດທຸກບ້ານ 100%ມີຄອບຄົວທີ່ຊົມໃຊ້ກະແສໄຟຟ້າແລ້ວເກືອບ 85%ຂອງຄອບຄົວທັງໝົດໃນທົ່ວເມືອງ.

ຈາກນັ້ນ ສະຫາຍ ຄຳປານ ແຄນວົງສັກ ກຳມະການປະຈຳພັກເມືອງ ຮອງເຈົ້າເມືອງ ອາດສະພັງທອງ ກໍ່ໄດ້ຜ່ານແຜນພັດທະນາ ເສດຖະກິດ-ສັງຄົມ 5 ປີຄັ້ງທີ 8( 2019-2024) ແລະ ໄດ້ຮັບຟັງບົດປະກອບຄຳເຫັນຂອງບັນດາແຂກ -ຜູ້ແທນກອງປະຊຸມອ້ອມຂ້າງເມືອງຕ່າງໆ ແລະການນຳຂັ້ນແຂວງຕື່ມອີກດ້ວຍ.

savannakhet medialaos